(IlMinuto) – Casteddu, 6 de su mesi de paschixèdda – Si tzerriat “elicicoltura” s’allevamentu de sa gioga a iscopu alimentari. Obietivu de custu bratzu de sa “zootecnia” est prodúsiri cantidadis mannas de molluscus po ddus bendi a is ristorantis interessaus. Est própriu asuba de s’allevamentu de su sitzigorru chi sa Provìntzia de su Campidanu de Mesu, cun s’agiudu de s’Agentzia Laore, at a aprontai unu ciclu di atopus didàticus. Agoa de sa fortuna de sa primu editzioni chi s’est isboddiada su beranu passau, at cumentzai difatis su segundu ciclu de imparu puru asuba de s’allevamentu de sa gioga, chi at essi presentau lúnis 10 de su mesi de paschixèdda a is 16.00 in sa domu de sa Presidéntzia de sa Provìntzia in bia Carlu Felici 267 in Seddori. Sighi a ligi ‘Cumentzat su segundu ciclu de atopus asuba de s’allevamentu de sitzigorrus’
Archíviu de s'argumentu 'imparu'
(IlMinuto)- Casteddu, 6 de su mesi de totusantus – Ant essi presentaus martis 13 de su mesi de totusantus a cumentzai de is 9.30 in is aposentus de Porto Conte Circas, is bandus “‘Agroalimentare’, pisca e biotecnologias” de su programa ispecíficu “Coperatzioni” de su Setimu Programa Cuadru. S’atopu at a donai prus atentzioni a is argumentus finatziarius de su progetu europeu. Ant essi difatis donadas notzionis pràtigas po fai su budget de is propostas de candidatura. Po pigai parti a sa diri de scedas est netzessàriu a s’iscriri cumpilendi sa dimanda de iscritzioni. Sighi a ligi ‘In Porto Conte un’atopu asuba de “‘Agroalimentare’, pisca e biotecnologias”’
(IlMinuto) – Casteddu, 18 de su mesi de cabudanni – Unu cursu po diventai operadori de fatoria didàtica. Est su caminu de imparu po is operadoris de sa provìntzia de Tàtari aprontau de s’Agentzia Laore Sardigna e indiritzau a totus is chi “bolint cumentzai in s’azienda agricula serbítzius educativus e didàticus po is iscolas”. Sighi a ligi ‘Cursus. Angetzia Laore promovit unu caminu po operadori de fatorias didàticas’
(IlMinuto) – Casteddu, 9 de su mesi de austu – “Is tardamentus de is cursus de imparu po is cassintegraus arriscant de cumpromiti is políticas ativas chi serbint a donai una baga de traballu a milli e prus de milli disimperaus, ma a fai puru sighiri is finatzimentus statalis i europeus chi tocant a sa Sardigna”. Est cantu denuntziant is segretàrius regionalis de Cgil, Cisl e Uil Marinora Di Biase, Giovanni Matta e Elisabetta Sorgia, pedendi a s’assessori regionali de su Traballu Antonio Angelo Liori “s’obertura de unu cunfrontu prontu cun is sindacaus”.
Traballu. Assessori provintziali Cordeddu e Lobina: “Manca avisit sa mesa po is traballadoris Esiea”
(IlMinuto) – Casteddu, 16 de su mes”e martzu – Sa Regioni Sardigna depit avisai debressi “una mesa po sa firma de un’acórdiu po torrai a pigai is traballadoris de s’Esiea”. Est cantu pedint is assessoris de su Traballu de sa Provìntzia de Casteddu, Lorena Cordeddu, e de sa Provìntzia de su Campidanu de Mesu, Simona Lobina cun d-una nota unia mandada a s’assessori regionali de su Traballu Franco Manca.
Po Cordeddu e Lobina is traballadoris de s’enti de imparu professionali Esiea, a oi in mobilidadi in dèroga, depint essi insertau in is mantessi camminus po essi torraus a pigai a traballai, camminus ativaus po is traballadoris de is entis de imparu chi arricint sa cassa integratzioni istraordinària, comenti narat s’acórdiu firmau su 10 de su mes”e totussantus passau. Sighi a ligi ‘Traballu. Assessori provintziali Cordeddu e Lobina: “Manca avisit sa mesa po is traballadoris Esiea”’
(IlMinuto) – Casteddu, 15 de su mes”e làmpadas – S’annovat s’apuntamentu de s’istadi cun su Seminàriu Nùgoro Jazz: de su 25 de su mes”e austu a su 4 de su mes”e cabudanni in sa citadi de sa Barbàgia torrant is cursus nàscius de una bidea de Paolo Fresu.
Úndixi diris de istudiu e de pràtiga de su jazz in s’iscola cívica noa de música “Antonietta Chironi”. Novidadi de sa XXII edizioni funt sa masterclass de su trumbetista e composidori americanu Dave Douglas (27-30 de su mes”e austu) e sa lezioni de su Cuncordu ‘e su Rosariu de Santu Lussurzu: “Unu cuncordu a cuatru boxis maschilis – est nau in d’una nota de imprenta – babbu de una tradizioni orali nàscia séculus fait, filla de s’incontru tra su cantu de crésia artu e cussu antigu de su pópulu”.
S’organizazioni est curada de s’”Ente musicale” de Nùgoro.
(IlMinuto) – Casteddu, 2 de su mes”e làmpadas – Su raportu tra cos”e papai e territoriu. At essi custu su tema de sa cuinta edizioni de s’Iscola de su stadiabi de Isvilupu de su Territoriu “Sebastiano Brusco”, in programma in Sèneche de su 19 a su 24 de su mes”e argiolas.
S’Iscola, dedicada a s’economista tataresu, est “unu cursu de imparu meda bonu e chi at a fueddai no scéti a istudiosus e a istudiantis, ma puru a is aziendas e a is traballantis de sa Regioni, de is Provìnzias, de is Comunus e de is Càmaras de Cumérciu, a is operadoris de su Gal, a is esponentis de is comunidadis de su territoriu, cun s’iscopu de creai una comunidadi de espertus chi dógn’annu s’at atobiai po chistionai de comenti progetai e de comenti ponni in atu is políticas de su territoriu”.
Is traballus s’ant a oberrit lùnis 19 de su mes”e argiolas cun d’un’atóbiu chi tenit comenti tema: “Questione nord, questione sud e politiche di sviluppo locale e territoriale a confronto”. Tra is maistus de sa cuinta edizioni de s’Iscola de Sèneche ddoi ant essi puru Anna Oppo, Enrico Cicciotti, Paolo Perulli e Benedetto Meloni.
(IlMinuto) – Casteddu, 24 de su mes”e maju – Ddoi est s’acórdiu po is 42 traballantis de ex Sardinia Gold Mining. Su patu esti stetiu firmau cenàbara passau in Casteddu de is assessoris regionalis de su “Lavoro” e de s’”Industria” e de is rapresentantis de is Provìnzias de su Campidanu de Mesu, de Aristanis, de Casteddu e de Crabònia Igrèsias, de sa Igea Spa, e de is organizazionis sindacalis.
Is traballantis de sa Sgm – fallia in su mes”e marzu de su 2009 – ant a arriciri un’aciúnta a is ammortizadoris socialis de 250 eurus a su mesi e ant podi participai a is cursus chi tentint s’iscopu de torrai a cualificai sa genti in su traballu.
Is atividadis de imparu – s’ant a tenni in Futtèi e in Campu Pisanu – e ant essi indirizadas a su controllu e a sa seguresa de is logus de s’ex miniera de oru.
(IlMinuto) – Casteddu, 10 de su mes”e maju – Is 90 ex traballantis de s’ex Ineos de Macchiareddu ant a participai a unu cursu professionali finanziau de sa Regioni. Est cantu previdit un’acórdiu – firmau custu mangianu in sa sedi de s’assessorau regionali de su “Lavoro” – de sa Regioni, de sa Provìnzia de Casteddu, de s’Agenzia de su “Lavoro”, de sa Confindustria e de is organizazionis sindacalis. Is operàjus chi ant a pigai parti a su cursu ant a arriciri un’aciuntixedda de is ammortizadoris sozialis.
“Bolleus – at precisau s’assessori regionali de su ” Lavoro” Franco Manca – ca sa fasi de sa cassa integrazioni finat su primu possíbbili: in custu casu, 90 famílias ant a tenni un’isperu cuncretu de podi torrai a intrai in d’unu processu de imparu e de traballu chi speraus pozat tenni prospetivas po unu tempu longu”.
Social
