(IlMinuto) – Casteddu, 16 de su mesi de argiolas – “Su Progetu Galsi est un’àteru bidoni coloniali”. Est cantu afirmat a Manca pro s’Indipendentzia agoa de ai scipiu de sa nova ca sa Sonatrach, Sotziedadi Natzionali Algerina Idrocarburus, primu atzionista de su progetu, at determinau de atrassai in su mesi de totussantus dógnia ditzisioni apitzus de sa bagas de “lassai o ponni in pràtiga su progetu Galsi”. Est própriu asuba de is determinus leulaleula de sa Sonatrach chi fueddat cun d-una de imprenta sa manca indipendentista, pretzisendi “comenti custa siat sa terza borta chi su grupu algerinu torrat agoa, fortzis timendi puru àterus problemas legalis chi iant a infossai de unu totu a unu grupu giai speculitau”. Sa Sonatrach, 12° compagnia petrolifera mondiali, 2° esportadori de Gnl e Gpl in su mundu e 3° po su gas naturali, est difatis asuta de inchiesta po corrutzioni internatzionali e fura. A faci de custus datus ddoi at pagu se abarrai trancuillus. Sighi a ligi ‘Progetu Galsi. aMpI: “efetus disastrosus asuba de s’ambienti e asuba de s’ecunumia sarda”’
Archíviu de s'argumentu 'Galsi'
(IlMinuto) – Casteddu, 16 de su mesi de fiàrgiu – In Sardigna si sighit a fueddai de galsi. Est po custu merì a is 21.00 in Videolina s’atopu cun GASSINTEGRATO, Sa puntada chi sa Redatzioni de Monitor fait apitzus de sa colobra de aciàrxu. Sighi a ligi ‘Galsi: atopu cun “GASSINTEGRATO”’
(IlMinuto) – Casteddu, 10 de su mesi de fiàrgiu – “Problemas ténnicus i económicu funt frimendi su fàbricu de su Galsi”. Est cantu scriri s’agentzia Reuters su 6 de su mesi de fiàrgiu cumentendi is fueddus de su Ministru de s’Energia algerinu Youcef Yousfi a su giornali El Khabar. “Po su progetu Galsi – at decrarau su ministru – is sótzius funt abetendi is cunditzionis económicas e ténnicas netzessàrias”. Is dichiaras de su rapresentanti de su Guvernu algerinu, chi no at acrarau cali siant is chistionis económicas e ténnicas, funt stétias cumentadas de su Comintau “ProSardegnaNoGasdotto”. Sighi a ligi ‘“Galsi frimau de problemas ténnicus i económicus”. Comitau NoGasdotto: “Òpera in decadéntzia”’
(IlMinuto) – Casteddu, 1 de su mesi de fiàrgiu – Lúnis a merì su Consillu comunali de Pòrtu Turre at aprovau a cuncórdiu – gràtzias a una proposta de su grupu “Sa Manca po Pòrtu Turre” – una motzioni chi est favoràbili a su fàbricu de su Galsi: su metanodotu Algeria Sardigna Itàlia. Apitzus de sa cosa fueddat cun d-una nota a Manca pro s’Indipendentzia, chi definit su votu “afrentosu”. Sighi a ligi ‘Su Consillu comunali de Pòrtu Turre votat eja po su Galsi, aMpI: “Votu afrentosu e lingidori”’
(IlMinuto) – Casteddu, 30 de su mesi de gennàrgiu – Contai sa beridadi, totu sa beridadi, asuba de su Galsi. Est custu s’obietivu de is autoris de “Ecran de fumèe” (Cortina de fumu) su filamu prodúsiu de sa retza “France 3″ e girau puru in Sardigna. Su spricullutu apitzus de su Galsi at essi amostau custu merì in Casteddu (20.00, saba “Saboris de Sardigna”, arburada Colombu 2). Sighi a ligi ‘Informatzioni: in Casteddu “Ecran de fumèe”, su film documentàriu apitzus de su GAl’
(IlMinuto) – Casteddu, 2 de su mesi de gennàrgiu – “Su metanodotu est un’òpera chi fait s’interessu de pagus a faci de is dannu de is medas. Seus ascurtendi sa música de sèmpiri”. Cun custus fueddus Nilo Durbiano, síndigu de Venaus e rapresentanti de su movimentu NO Tav, at chistionau in su cunvennu No Galsi chi s’est tentu su 29 de su mesi de paschixèdda in Casteddu. De 20 annus su movimentu populari gherrat contra a su fàbricu de sa línia po is trenus lestrus meda, cun d-un’aumentu mannu de is adesionis de sa genti a sa lota. Sighi a ligi ‘Movimentu No Galsi. Durbiano (No Tav): “Cun su metanodotu dannus po medas a faci de is interessus de pagus”’
(IlMinuto) – Casteddu, 28 de su mesi de paschixèdda – “Metanodotto: un tubo senza ritorno”. Custu su tema de su cunvennu NoGalsi in programa cras in Casteddu (17.00, Hotel Arreina Margherita). Ant a pigai parti a s’atopu a Sandro Martis (comitau proSardegnaNoGalsi), Erasmo Veronesi (físicu nucleari), Claudia Zuncheddu (consilleri regionali Indipendentistas), Gavino Sale (Irs), Stefano Deliperi (“Gruppo di Intervento Giuridico”) e Lello Corti (Movimento Cinque Stelle). Sighi a ligi ‘Movimentu NoGalsi: cras in Casteddu cunvennu cun is rapresentantis NoTav e NoPonte’
(IlMinuto) – Casteddu, 13 de su mesi de paschixèdda – Is políticus sardus de su Pdl a su Pd, de Mauro Pili a Tore Cherchi, acotzant a su Galsi chentza de dúbius. E ddu faint chentza de fai sciri nudda a sa genti de is efetus chi s’òpera at a tenni apitzus de ecunumia e de s’ambienti. Est cantu narat cun d-una nota “Disarmiamoli Sardigna”, movimentu contra a su militarismu chi sàbudu est cabau in pratza in Casteddu po nai ca no a su metanodotu Algeria, Sardìnnia Itàlia. “In su coru de sa crisi – si ligit in d-una nota de imprenta – sa Giunta regionali si permitit de fincai 150 milionis de eurus in su galsi chetza de assegurai nisciunu serbítziu: scéti prumissas de bentu asuba de su prétziu bàsciu de s’energia e apituzus de is postus de traballu nous. Sighi a ligi ‘Galsi. “Disarmiamoli Sardigna”: “In sa finantziaria 150 milionis po su metanodotu chentza de tenni nisciunu serbítziu po is sardus po is sardus”’
(IlMinuto) – Casteddu, 12 de su mesi de paschixèdda – Sa protesta contra a su Galsi no si frimat. Sàbudu a mangianu funt stétias pagu prus de 200 is personis chi ant pigau parti a sa manifestada de Casteddu contra a su fàbricu de su Metanodotu Algeria Itàlia Sardìnnia. A su corteu, obertu de su striscioni “No a su colonialismu, No a su Galsi”, furiant presentis su Comitau ProSardegnaNoGasdotto, A Manca pro s’Indipendentzia – chi at aprontau sa manifestada -, “Sinistra Critica sarda”, “Partito Comunista dei Lavoratori”, “Collettivo anticapitalista sardo”, Assótziu Zirichiltaggia; “Comunisti – Sinistra popolare” de Casteddu e de su Surcis, Disarmiamoli Sardigna, Casteddu Social Forum, “Solarussa in Movimento”, “Liberta’ Sarda”, Comitau “Carlofortini Preoccupati”, Grupu “Tutti i sardi contro il Galsi”, Az.namusn.art (colletivu artísticu), Meetup 31 (Amigus de Beppe Grillo in Sardìnnia) e Claudia Zuncheddu. Sa mobilitada contra a custa òpera chi is manifestantis definint inútili, cara e dannosa po s’ecunumia e po s’ambienti at a sighiri sàbudu chi benit in sa Sardìnnia de Tramuntana. Su 17 de su mesi paschixèdda in Terranòa est difatis in programa unu corteu dibàtidu (17.00, pratza Mercau) aprontau de su Movimentu de opinioni “Tutti i sardi contro il Galsi” ant a sonai Dr Drer Crc Posse, Dr Boost, Gesuino Deiana & Gianni Mannu, Tzocu e Bellisario. Sighi a ligi ‘Manifestada: in Casteddu 200 narant ca no a su metanodotu coloniali. Sàbudu cuncertu No Galsi in Terranòa’
Social
