(IlMinuto) – Casteddu, 1 de su mes”e arbili – “Serbia, Afghanistan, Iraq e immoi sa Libia. Un’àtera borta in nòmini de s’amparu de is diritus umanus, de sa seguresa e de sa paxi, s’abbombiant popolatzionis senz”e armas”. Cun custus fueddus su Cumitau contra a sa Gherra 29 martzu ’11 addirit a s’apellu de Gino Strada (Emergency) e abisat po cras in Casteddu (17.00, pratza Garibaldi) unu corteu contra a s’atzioni militari de sa Nato. “Un’àtera borta – precisat su Cumitau – narant fabas e tramperias po giustificai a s’impitu de sa fortza contra a is pópulus po ddis furai is risorsas [...], aici asuta de is bómbias ant a morri puru is idealis chi ant portau a giòvanus medas de is Stadus Arabus in pratza”. Sighi a ligi ‘“Abbombiant po furai is risorsas a is pópulus”, cras in Casteddu contra a sa gherra’
Archíviu de s'argumentu 'guerra'
(IlMinuto) – Casteddu, 29 de su mes”e martzu – Sighit sa mobilitada de is indipendentistas de Malu-Paris contra a su trisinamentu de sa Sardigna in sa gherra Nato-Libia. “Seus a su terza (oi a sa cuarta, ndr) diri de protesta acanta de sa basi militari de Deximu Mannu – scririt in d-una nota Doddore Meloni – aundi arriceus cunsensus de sardus chi votant a su Pdl, a su Pd, a s’Idv, a s’Udc e fintzas de cussus de Fli. Ma eus cumprendiu de ai fattu un’errori mannu a ai cretiu chi is basis militaris fessant una chistioni scéti de is indipendentistas”. Meloni e is maluentinus pensant de essi stetius abbandonaus de is àteras organizatzionis indipendentistas in custa mobilitada. Sighi a ligi ‘“Lassaus a solus de is àterus indipendentistas”, a is cuatru diris de presidiu de Malu Entu in Deximu Mannu’
(IlMinuto) – Casteddu, 28 de su mes”e martzu – Sa Sardigna est sèmpiri de prus sa portaèreus de sa Nato in su Mediterraneu. Funt giai 22 is aèreus spagnolus, olandesus e de is Emiratus arabus in sa pista de Deximu Mannu. Acanta de s’aereoportu militari, de sàbudu a mangianu, ddoi est unu sit in permanenti contra a su trisinamentu de s’Ísula in sa gherra Nato-Libia. Sa protesta est aprontada de is indipendentistas de Malu Entu. “Totus is istadus gherraiolus de su mundu – scririt su presidenti Doddore Meloni – ant prantau is tendas insoru in Sardigna! Ant portau is aèreus insoru prenus de bombas e is nais insoru prenas de míssilis, e is sardus ita faint? Si cintint e abarrant castiendi! Ma nos, indipendentistas Maluentinus, boleus sa paxi universali e no acetaus chi de sa terra nostra tuchint ordíngius chi arregalant morti”. Sighi a ligi ‘“Is gherraiolus ant prantau is tendas insoru in Sardigna”: presidiu de Malu Entu in Deximu Mannu. Su pensu de Irs’
(IlMinuto) – Casteddu, 24 de su mes”e martzu – “Sa Sardigna no est in gherra”. Cun custus fueddus su movimentu indipendentista ProgRes narat de no a trisinai a s’Ísula in s’operatzioni “Odissea all’alba”. “Progetu Repùblica – si legit in d-una nota de imprenta – arremaciat su principiu de no violéntzia chi est su fundamentu de s’atzioni política sua. Arrefudat s’impitu de is fortzas armadas po disciniri una brufida internatzionali e s’impitu de is basis militaris italianas in su territóriu natzionali sardu in sa gherra chi est bivendi su Mediterraneu”. Sighi a ligi ‘“Stop a s’impitu de sa basi de Deximu Mannu”, su no de ProgRes a trisinai sa Sardigna in sa gherra’
(IlMinuto) – Casteddu, 22 de su mes”e martzu – Sa Sardigna est trisinda sèmpiri de prus in sa gherra contra a sa Libia. Ariseru de sa basi aérea de Deximu Mannu funt tucaus duus caccias spagnolus abbia de su stadu africanu. Contra a cussa chi definit “s’atacu militari imperialista Ue e Usa”, sa setzioni de Utieri de su Pcl at aprontau po custumerì a is 17.00 unu sit in in pratza d’Itàlia in Tàtari, a faci de sa Prefetura. Su partidu de Marco Ferrando – si ligit in d-una nota – “cumbidat a is traballadoris, a is istudiantis, a is organizatzionis e a is sindacaus de sa manca, a is assótzius democràticus chi funt contra a berlusconi a participai e a fueddai asuba de sa cosa”. Sighi a ligi ‘“No a s’atacu imperialista Usa-Ue”, custumerì in Tàtari sit in de su Pcl. De sa Sardigna funt movius caccia spagnolus po sa Libia’
(IlMinuto) – Casteddu, 21 de su mes”e martzu – “Su stadu coloniali italianu no tenit nisciunu diritu de tragai in gherra a su pópulu sardu, in nisciunu casu e po nisciunu motivu”. In su mentris in sa pista de sa basi de Deximu Mannu is aéreus de gherra spagnolus e cussus de is Emiraus arabus funt prontus po tucai abbia de sa Libia, sa manca indipendentista de aMpI narat de no a fac”e sa boluntadi de trisinai a sa Sardigna in sa gherra. “Su determinu Onu n° 1973 – scririt su diretivu natzionali de a Manca – decretat s’intrada in gherra de su Stadu Italianu contra a sa Libia. Is bombardamentus funt cumetzaus oi (sàbudu, ndr) a is 17.45 e is aéreus impitaus in is operatzionis funt partendi de sa basi de Deximu Mannu, in Sardigna (in dógnia modu sa basi sarda est stetia cuncedia po s’operatzioni, ndr)”. Sighi a ligi ‘“Su pópulu sardu no est in gherra cun nemus”: su no de aMpI a trisinai a s’Ísula in d-una gherra contra a sa Libia’
Social
