(IlMinuto) – Casteddu, 27 de su mesi de cabudanni – Sighit su progetu “Chilómitru Zeru de sa Provìntzia de Casteddu”. Oi in sa saba de su Parcu de Monte Claro est difatis in programa un’atopu cun is operadoris turisticus de sa Provìntzia. Obietivu: promovi s’incontru intre sa dimanda e s’oferta de sa cosa de papai prodùsia in su territóriu, in is albergus e in is ristorantis. “In s’atopu – si ligit in d-una nota – s’at a fueddai de is profetus de su Km Zeru comenti istrumentu de marketing de importu mannu, cun is abilidadis de comunicatzioni chi sa Provìntzia de Casteddu tenit in programa”. Sighi a ligi ‘Turismu: sa Provìntzia de Casteddu presentat su progetu “Km Zero” a is operadoris’
Archíviu de s'argumentu 'impresa'
(IlMinuto) – Casteddu, 16 de su mesi de cabudanni – Sighint is seminàrius informativus, aprontaus de s’assessorau a is Políticas de su Traballu de sa Provìntzia de Casteddu cun sa Càmara de su Cumérciu, asuba de su bandu regionali “Impresa Donna”. Sa fibera de atopus – cumentzada mérculis in Murèra – sighit custu mangianu in Casteddu (Saba ex Capella de sa Provìntzia) e custumerì in Senobrì (16.30, domu Lonis). Sighi a ligi ‘Imprenditoria po is féminas: is seminàrius de Provìntzia de Casteddu’
(IlMinuto) – Casteddu, 31 de su mes’e mju – Ddoi est tempus fintzas a su 13 de su mes’e làmpadas po presentai sa dimandha po podi pigai parti a su cuncursu de Bideas po fai is primus esemplaris in pura lana de brebei sarda. Su bandu est po designer, atersanus, impresixeddas de su cumpartus tessili, bestimenta, trastus e “bioedilizia”, tenit s’obbietivu – si ligit in d-una nota – “de fai cresci s’interessu po s’impitu de sa lana sarda e de contribbuiri a fai cresci is possibbilidadis de is protutzionis acapiadas a cust’etotu ei a cussas turisticas”. Sighi a ligi ‘“Pura Lana sarda”: cuncursu de bideas de sa Provìntzia de Tàtari’
(IlMinuto) – Casteddu, 18 de su mes’e arbili – Cumentzat s’ammanniamentu de su Fundu contr’a s’usura in faori de is impresas medias e de is impresixeddas. Cun d-una delíbbera sa Giunta regionali at aprovau unu “finantziamentu a is Cunsórtzius de obertura de créditu po aumentai su fundu chi su Stadu at istituiu própriu po frimmai su fenómenu de s’usura”. Sighi a ligi ‘Ecunumia: de sa Regioni prus risorsas po su Fundu contr’a s’usura’
(IlMinuto) – Casteddu, 29 de su mes”e làmpadas – “Telecom narat ca no nd’at a liai de sa Sardigna is órdinis de Video on line 2.0″. Dd’at afirmau ariseru s’assessori regionali de su “Lavoro”, Franco Manca, in d’un’atóbiu – in sa sedi de sa Regioni de viale Trento – cun is rapresentantis sindacalis de su call center casteddaiu.
“Telecom – at nau s’assessori de sa Giunta regionali resuminendi is arrisurtaus de sa reunioni romana cun is capus mannus de s’aziendha – at apreziau meda sa gana de is traballantis de sighiri s’atividadi nonostanti no ddoi siant is cundizionis po ddi si donai su stipendiu. Sa chistioni immoi est cussa de agatai unu partner nou chi siat in is cundizionis de tenni unu pranu industriali adatu e capaci de garentiri unu nùmeru de órdinis prus mannu, poita tenendi scéti un’órdini de Telecom no si podit garentiri sa seguresa de s’atividadi”.
In su trastempus is 480 traballantis de Video on line 2.0 sighint s’ocupazioni de su call center de bia Montecassino, in Pirri, arribada a oi a sa bintiguàtresima diri.
(IlMinuto) – Casteddu, 27 de su mes”e maju – “No si cumprendit sa satisfazioni de sa Regioni po sa cassa integrazioni de is traballantis Insar e po su lissenziamentu in su mes”e paschixèdda de su 2009 de tres dirigentis, in bista de unu sbuidamentu fattu a pagu a pagu de is abbilénzias de su mestieri de parti de un’Agenzia de su Ministeru de su “Lavoro” nàscia po promòviri s’ocupazioni”.
Esti cantu afirmat, tra s’àteru, una mozioni presentada in Consillu regionali de Giampaolo Diana (Pd) po su “pagamentu finali de parti de Italia Lavoro de sa sociedadi ‘Insar-Iniziative Sardegna’”spa, nàscia in su 1997 e totu de propriedadi de su Ministeru de s’”Economia e delle Finanze” – chi tenit su 59,87 po centu de s’Insar (sa Regioni ndi tenit su 28,17) – e in su mes”e gennargiu nd’at decretau sa fini.
(IlMinuto) – Casteddu, 17 de su mes”e maju – Individuai e formai is imprendidoris de su tempus benidori in su campu de sa cultura e de su turismu. Est custu s’iscopu de su “Progetto Pilota Poli Museali d’eccellenza nel Mezzogiorno”, chi at essi presentau oi e cras in Tàtari.
Is traballus ant a cumenzai custu merì a is 15.30 (Càmara de Cummérciu) cun d’unu workshop chi at a chistionai de “animazione imprenditoriale”. Cras su cumenzu de su progetu s’at a movi in su “Centro di Conservazione e Restauro” de Li Punti, aundi s’at a aghilliri s’atóbiu “Sulle spalle dei giganti per guardare più lontano. Il patrimonio culturale quale opportunità di sviluppo imprenditoriale”. Su Progetu est aprontau de Invitalia, s’agenzia nazionali po is investimentus e s’isvilupu de s’impresa.
(IlMinuto) – Casteddu, 13 de su mes”e maju – “S’aparada prus manna in s’istoria de su Surcis-Igresienti”. Aici is aprontadoris definint sa cuarta edizioni de sa fiera-mercau “La città espone”, in programma in su centru de Crabònia po su 6 de su mes”e làmpadas.
Ocannu sa manifestazioni at a aghilliri 130 stand, e una parti de custus at essi dedicada a s’artesanau, a sa nàutica, e puru a sa cos”e papai e a is màchinas usadas in sa massaria.
“Cun custu progetu – aclarat su presidenti de su Cunsórziu de sa fiera surcitana, Mauro De Sanctis – is prus importantis istituzionis ant ammostau de crei in su territoriu, est difatis unu progetu chi bollit torrai a donai vida a s’economia e a sa sociedadi de su Surcis-Igresienti, torrendi a donai un’isperu a totus cussus traballus chi funti stetius casi bocius de sa crisi”.
(IlMinuto) – Casteddu, 23 de su mes”e arbili – Brincu addainnantis po su turismu in sa provìnzia de Aristanis. In is ùltimus cinc’annus est difatis reddopiau su nùmeru de is impresas turisticas de su territoriu chi ant otentu su marcu de calidadi.
Is atestaus funti stetius donaus de sa Càmera de Cumérciu de Aristanis “a pustis de un’atenta berífica curada cun s’agiudu ténnicu de s’”Istituto nazionale ricerche turistiche”.
Funti stetius premiaus 18 hotel e residence, 14 ristorantis, 18 agriturismus, duus ittiturismu e unu campegiu.
“A pustis de unu valori aici mannu – acrarat su presidenti de sa Càmera de Cumérciu de Aristanis, Pietrino Scanu – podeus cumenzai a arrastai unu bilànciu seguramenti positivu de sa cosa, insertada in d’unu programma prus grussu chi bollit ammanniai su traballu cualificau de is impresas e duncas sa calidadi de is prodotus e de is serbízius donaus”.
(IlMinuto) – Casteddu, 19 de su mes”e arbili – Is istabbilimentus Legler de Macumère, Otzàna e Thiniscòle tra no meda tempus ant a torrai a cumenzai sa produzioni e pagu prus de 1100 operàjus ant a torrai a su traballu insoru. S’industria at essi difatis pigada de su grupu Kord cun d’un’acórdiu chi at essi firmau cras in Roma in su Ministeru de su “Sviluppo economico”. S’intesa previdit s’impignu a garentiri de torrai a cumenzai sa produzioni in Sardigna (in s’istabbilimentu lombardu de “Ponte San Pietro”) po assumancu duus annus.
Custu merì a is 15.00, in Macumère, is rapresentantis sindacalis ant a ammostai is línias de s’acórdiu a is traballantis Legler in cassa integrazioni e in mobilidadi.
Social
