> ilMinuto – notizie Mediterranee – edizione Sardegna

Archíviu de s'argumentu ''

Pàgina 2 de 2

Prezius: Casteddu, s’inflazioni crescit puru in su mes”e totussantus

(IlMinuto) – Casteddu, 30 de su mes”e totussantus – Sighit a cresciri su costu de sa vida in sa cittadi de Casteddu. In su mes”e totussantus is prezius, segundu cantu iscrittu pagus minutus fait de su “Servizio informatica e Statistica” de su Comunu, est crèsciu de su 0,3 po centus (in su mes”e ledaminis s’aumentu esti stetiu de su 0,1). Su màssimu aumentu (+ 0,8 po centus) esti stetiu registrau in su settori “Serbízius de sa sanidadi e ispesas po sa saludi”.

Casteddu, in su mes”e ledaminis aumentat su préziu de sa vida (+ 0,1 po centu)

(IlMinuto) – Casteddu, 3 de su mes”e totussantus – Cun s’atóngiu torrat a aumentai s’inflazioni in sa cittadi de Casteddu. In su mes”e ledaminis is prézius a su consumu, a cantu narat su “Servizio Informatica e Statistica” de s’amministrazioni comunali, funt aumentaus de su 0,1 po centu (in su mes”e cabudanni furiant diminuius de su 0,5). Sa carestia prus manna esti stetia registrada in su settori “Domus, acqua, in s’elétricu e in is combustìbilis” (+0,6 po centu) e in s’intruzioni (+0,5).

Prezius: Casteddu, in su mes”e austu is prezius aumentant de su 0,7 po centu

(IlMinuto) – Casteddu, 31 de su mes”e austu – Aumentu meda mannu de is prezius in sa cittadi de Casteddu. A cantu narant is datus difundius de su “Servizio Informatica e Statistica” de su Comunu, in su mes”e austu su costu de sa vida est aumentau de su 0,7 po centu, cun d’un’incrementu de su 1,7 in is ultimus cincu mesis. In custu mesi is aumentus prus importantis funti stetius registraus po is serbizius de accoglienzia, po sa cos’e pappai (+1,7 per cento) e po is trasportus (+2,6). A sa facc”e sa crisi.

Prezius: in Casteddu aumentant de s’unu po centu in cuatru mesis

(IlMinuto) Casteddu, 31 de su mes”e argiolas – Bìviri in Casteddu est sempri prus caru. In is ultimus cuatru mesis s’aumentu cumplessivu de is prezius a su consumu esti stetiu de s’unu po centu. Custu nùmeru si ricavat de sa summa de is indicis provvisorius furnius de su “Servizio Statistica del Comune”. In su mes”e argiolas is aumentus prus mannus si funt registraus in is trasportus (0,7 po centu), in su gas (1,3 po centu) e in is combustìbilis liquidus (1,0 po centu).

Prezius: in Casteddu aumentant po su terzu mesi de fil”e pari

(IlMinuto) – Casteddu, 1 de su mes”e argiolas – In Casteddu sa carestia sighit a si fai intendi po su terzu mesi de fil”e pari e prescindendi de sa crisi economica. Is prezius funt aumentaus de su 0,2 po centu in su mes”e làmpadas. Ddu narat unu comunicau de su mesi passau de su “Servizio informatica e statistica” de su Comunu.
Un’aumentu aicci mannu fut stetiu registrau in su mes”e maju, mentris in su mes”e arbili s’incrementu fut stetiu de su 0,4 po centu. In su mes”e làmpadas is aumentus prus mannus funt stetius in su settori de is trasportus (0,9 po centu) e in cussus de is ispetaculus (0,8 po centu).

Biàgios

Social

Facebook     Twitter     Feed RSS  

In primu pianu

 

mes'e argiolas: 2018
L M M G C S D
« arb    
 1
2345678
9101112131415
16171819202122
23242526272829
3031  
Formas
S'Urtima nova