> ilMinuto – notizie Mediterranee – edizione Sardegna

Archíviu de s'argumentu ''

Pàgina 2 de 14

Informatzioni in Sardigna. In Consillu regionali una proposta de lei po su “pluralismo”

(IlMinuto) – Casteddu, 17 de su mesi de arbili – Agiudai su “pluralismo” de s’informatzioni in Sardigna: de su paperi imprentau de su web, passendi po sa tv e s’aràdiu. Donai arregulas pretzisas a sa comunicatzioni istitutzionali de sa Regioni: de sa publicidadi a s’ofítziu de imprenta. Funt custus is obietivus printzipalis de sa proposta de lei presentada in is diris passadas in s’assembrea de bia Roma de unu grupu de consilleris regionalis (prima ai firmau Francesca Barracciu, Pd). ”S’isvilupu normativu, istitutzionali e tennologicu – si ligit in d-una nota de presentada de sa lei – imponit de agiustai is dispostas chi in sa Regioni nostra regulamentant s’informatzioni de su logu e sa comunicatzioni istitutzionali fintzas a imoi reguladas de sa lei regionali 22 de su 1998″. Sighi a ligi ‘Informatzioni in Sardigna. In Consillu regionali una proposta de lei po su “pluralismo”’

“Liberai a Rossella”. De Craudia Zuncheddu un’apellu a s’imprenta africana e internatzionali

(S’úrtima nova) – Casteddu, 14 de su mesi de fiàrgiu – “Liberai debressi a Rossella e torraidedda a su pópulu sardu o a su pópulu saharawi. Po issa at essi sèmpiri família. Inch Allah”. Cun custus fueddues si serrat s’apellu po su liberamentu de Rossella Urru e de is ostàgius ispagnolus chi su consilleri regionali de is Indipendentistas, Craudia Zuncheddu, at imbiau a s’imprenta africana e internatzionali: unu comunicau crutzu scritu in italianu, arabu, francesu e ingresu. In su documentu Zuncheddu pretzisat  ”s’istória cumpassiva” de poderiu coloniali chi acomunat a is duus pópulus, acapiaus de raportus de afradiamentu.

Sighi a ligi ‘“Liberai a Rossella”. De Craudia Zuncheddu un’apellu a s’imprenta africana e internatzionali’

“Galsi frimau de problemas ténnicus i económicus”. Comitau NoGasdotto: “Òpera in decadéntzia”

(IlMinuto) – Casteddu, 10 de su mesi de fiàrgiu – “Problemas ténnicus i económicu funt frimendi su fàbricu de su Galsi”. Est cantu scriri s’agentzia Reuters su 6 de su mesi de fiàrgiu cumentendi is fueddus de su Ministru de s’Energia algerinu Youcef Yousfi a su giornali El Khabar. “Po su progetu Galsi – at decrarau su ministru – is sótzius funt abetendi is cunditzionis económicas e ténnicas netzessàrias”. Is dichiaras de su rapresentanti de su Guvernu algerinu, chi no at acrarau cali siant is chistionis económicas e ténnicas, funt stétias cumentadas de su Comintau “ProSardegnaNoGasdotto”. Sighi a ligi ‘“Galsi frimau de problemas ténnicus i económicus”. Comitau NoGasdotto: “Òpera in decadéntzia”’

Informatzioni: in Casteddu “Ecran de fumèe”, su film documentàriu apitzus de su GAl

(IlMinuto) – Casteddu, 30 de su mesi de gennàrgiu – Contai sa beridadi, totu sa beridadi, asuba de su Galsi. Est custu s’obietivu de is autoris de “Ecran de fumèe” (Cortina de fumu) su filamu prodúsiu de sa retza “France 3″ e girau puru in Sardigna. Su spricullutu apitzus de su Galsi at essi amostau custu merì in Casteddu (20.00, saba “Saboris de Sardigna”, arburada Colombu 2). Sighi a ligi ‘Informatzioni: in Casteddu “Ecran de fumèe”, su film documentàriu apitzus de su GAl’

Avenimentus: in Aristanis “Su diritu de autori in sa sotziedadi de s’informatzioni”

(IlMinuto) – Casteddu, 27 de su mesi de gennàrgiu – “Su diritu de autori in sa sotziedadi de s’informatzioni”: est custu su títulu de su seminàriu de su 13 de su mesi de fiàrgiu in sa domu aristanesa de su Tzentru Serbítzius Culturalis Unla, in bia Carpaccio 9. Cuàturu is temas de sa diri: “Sa propriedadi intelletuali e is diritus de ‘privativa’”, “Su diritu de autori in biblioteca e in videoteca”, “S’archíviu e s’arregota de materialis privaus in biblioteca e mediateca” e “Su giassu web de sa biblioteca e de sa mediateca”. Su seminàriu “Il diritto d’autore nella società dell’informazione” est po is Operadoris de bibliotecas, is mediatecas, is cinetecas, is operadoris culturalis e is professoris. Su progetu est aprontau de is Tzentrus Serbítzius Culturalis Unla de Macumère e Aristanis e de su Serbítziu benis librarius, biblioteca e archíviu istóricu regionali de sa Regioni Sardigna, cun s’agiudu de s’Assótziu Videotecas Mediatecas italianas. Sighi a ligi ‘Avenimentus: in Aristanis “Su diritu de autori in sa sotziedadi de s’informatzioni”’

Biàgios

Social

Facebook     Twitter     Feed RSS  

In primu pianu

 

mes'e ledàminis: 2019
L M M G C S D
« arb    
 123456
78910111213
14151617181920
21222324252627
28293031  
Formas
S'Urtima nova