Sighi a ligi ‘(Italiano) Hanno bisogno di chiarezza. L’appello degli ex lavoratori Unilever’
Archíviu de s'argumentu 'traballu'
(IlMinuto) – Casteddu, 10 de su mesi de paschixèdda – Funt giai passaus cuàturu annus de su lissentziamentu e cincu de sa càscia integratzioni, ma is traballadoris de s’ex Unilever Casteddu de arburada Marconi no si frimant. Cun d-una lítera oberta pedint un’atopu chi acrarit su chi s’est nau in sa reunioni de su 31 de su mesi de ledàminis in sa domu de s’assessorau regionali de s’Industria, in arburada Trento. In cussa data ant chistionau de su tempus benidori de s’ex fàbrica de gelaus de Casteddu s’assessori regionali de s’Industria, s’assessori a su Traballu de sa Provìntzia de Casteddu, is segreterias cunfederalis Cgil e Cisl. Unu comitau de traballadoris, chi in d-unu primu mamentu iat ai dépiu pigai parti a s’atopu, agoa est stétiu eliminau de sa mesa de arburada Trento. “No si podit acetai – iscrirint is traballadoris – ca a unu mesi e mesu no si siat tenta una reunioni acraradora cun totus is sugetus interessauns po s’agiornai asuba de s’acontéssia, asumancu po fissai unu critériu e modalidadi de sighiri a sa luxi de cantu est bessiu a pillu su 31 de su mesi de ledàminis de su 2012. Sighi a ligi ‘“Un’atopu po fai crasesa”. S’arràbiu de is traballadoris ex Unilever’
(IlMinuto) – Casteddu, 5 de su mesi de paschixèdda – Aumentant is furesteris in sa Colónia Penali de Mamone, in provìntzia de Nùgoro. S’arribu di àterus 17 tzitadinus privaus de sa libertadi at portau s’índixi de is preséntzias a su 93% (in su mesi de ledàminis furiat arribau a s’88%). Craramenti una percentuali aici arta no podit “tenni fiàntzia de traballu adecuau mancai is programas di avaloramentu de is produtzionis agriculas”, afirmat Maria Grazia Caligaris, presidenti de s’Assótziu Sotzialismu Diritus e Reformas, pretzisendi ca “su dinai po su finantziamentu de is fainas po su traballu istraordinàriu e comunu funt iscassas e sa majoria de is presoneris est custrinta a abarrai po tempus meda chentza de fai nudda in is camaronis”. Analizendi sa situatzioni de is presonis est netzessàriu pretzisai ca sa Sardigna est s’únicu territóriu cun tres colónias penalis, e ca duncas tenit s’índixi prus artu de terrenus destinaus a tzerachia penitentziària. In prus, is presoneris chi funt iscontendi s’iscampulitu de pena a foras funt po su prus marochinus, tunisinus e rumenus. “Su datu cumparrit galu prus significativu – cumentat Caligaris – si si cunsiderat ca po su Dipartimentu de s’Aministratzioni Penitentziària, cun is datus agiornaus a su 30 de su mesi de cabudanni de su 2012, is presoneris furesteris furiant in totu su 36% de is galeristus in is 206 Istitutus de sa Penísula. Sighi a ligi ‘In Mamone est record furesteris. “No ddoi at su traballu”’
(IlMinuto) – Casteddu, 15 de su mesi de totusantus – Cumentzat de Cossoine sàbudu 17 de su mesi de totusantus de is 10.00 a is 12.00 in pratza Gabellotu s’arregorta de is firmas de is comunus de su Meilogu po is referendum asuba de su traballu e de is pensionis. Una campagna mandada ainnantis de unu comitau mannu chi po su Meilogu bit s’adesioni de is militantis de Rifondatzioni comunista de su tzírculu “Farore Sini”. Sighi a ligi ‘In Cossoine su banchitu de su Prc po pigai firmas referendum’
Adesione de sos Istudiantes de s’Assotziu su Majolu
A sa Consulta Rivolutzionaria e a s’assemblea in Casteddu su 7 de santandria.
Su disisperu chi est bivende sa Sardigna nos est faghende bìere su fallimentu de sas polìticas econòmicas e culturales de sos ùrtimos sessanta annos: dae un’oru a s’àteru de Sardigna bidimus una terra desolada, prena de muntonargios pro su bascaràmene industriale e militare, fàbricas chi tancant, aziendas de pastores e massajos serradas, traballadores disisperados chi gherrant pro su traballu issoro.
Sas iscolas e sas universidades nostras sunt postas semper peus, ca cada guvernu italianu chi àrtziat faghet riformas chi las bisestrant, distruende·las semper de prus.
Su guvernu italianu issèberat, a piaghere suo dae una die a s’àtera, de bogare sas facultades universitàrias e de pònnere sos dipartimentos, faghet leges chi faghent tancare sos cursos de làurea e ponet critèrios chene cabu pro sa partidura de sos finantziamentos cun sas universidades italianas: totu custu chene àere peruna connoschèntzia de sa realtade sarda e frigande·si·nche de sa crèschida e de s’isvilupu de s’istrutzione, de sa cultura e de s’economia in Sardigna. Sighi a ligi ‘Documentu: sos istudiantes de s’Assòtziu su Majolu a sa Consulta Rivolutzionaria’
(IlMinuto) – Casteddu, 4 de su mesi de ledàminis – “Traballu donau nimancu 7 annus fait chentza de bandu públicu e cuaus. Casi 60 milionis de eurus ispaciaus. Diritus de is traballadoris sèmpiri oféndius. Acabu de is traballus misteriosus”. Funt custus is fatus chi faint movi a s’Assótziu Sotzialismu Diritus e Reformas a pediri a is deputaus e a is senadoris sardus de “intzutzulai a s’istitutzioni de una Comissioni parlamentari de inchiesta” asuba de su presoni nou de Casteddu. ”Cali est s’arrexoni – pedit Caligaris in d-una nota de imprenta – poita s’impresa ‘Operas Públicas’ no est arrenescia fintzas a imoi a arrespetai is impignus, poita no pagat cun regularidadi a is traballadoris e no inditat in su cartellu de su cantieri sa data po finiri s’istrutura? Sighi a ligi ‘“Una Comissioni de inchiesta asuba de su presoni nou de Casteddu”. Su cumbidu de Sdr a is parlamentaris sardus’
(IlMinuto) – Casteddu, 3 de su mesi de ledàminis – Funt passaus giai duus annus de candu Cabali 40, sa tv de su Surcis Igresienti, at serrau is batentis ponendu in càscia de integratzioni is dipendentis suus. “Po annus meda – acrarat Paolo Mocci , unu de is traballadoris de Canabi 40, in d-una nota pubricada in su social network Facebook – seus stétius sa boxi de is operàjus in lota, de is disimperaus e de is famílias insoru. Si seus agataus a su costau insoru in is assembreas de fàbrica, in is corteus de protesta, in is gallerias ocupadas, poita una testimónia, candu totus si furriànt po no castiai su chi andàt mali, est un’óbrigu dópiu a dda donai”. agoa sa crisi at tocau Canabi 40 puru, est lómpia sa serradura, e cun issa sa càscia de integratzioni po is ses traballadoris chi ant mandau ainnantis s’emitenti. A faispaciai s’atividadi funt stétius una fibera de aerrus fatus de àterus: contus faddius de s’Inps po su 2011 e aerrus aziendalis chi ant portau a is ex dipendentis de sa tv de su Surcis Igresienti a no biri de su mesi de totussantus de su 2011 nimancu un’euru de su mesi.
Sighi a ligi ‘Traballu: su scrillitu disisperau de is ex traballadoris de Canabi 40′
(IlMinuto) – Casteddu, 20 de su mesi de cabudanni – Ant a perdi su traballu in atóngiu is duus opràjus de sa Italcementi chi ariseru a manginu si funt apicheddaus in su cùcuru de su seu de Tàtari po fai sciri a totus de sa contienda insoru. Su 14 de su mesi de totussantus, difatis, at a finiri sa càscia integratzioni po is 19 traballadoris de s’ex fàbrica de ciumentu de “Scala di Giocca” ai custu mamentu serrada. S’impresa donada traballu a 30 traballadoris in totu, 11 funt stétius mandaus in àterus impiantus. Is operàjus in protesta pedint s’atuatzioni de unu protocollu po essi insertaus in fainas de “riqualificazione” de su tretu impitau de Italcementi. In acotzu a is traballadoris de sa Sardigna de tramuntana a Manca Pro s’Indipendentzia espressat luegu sa própriu solidariedadi apogendi totalmenti su slogan de su cartellu: “No boleus assistu, boleus traballai”. Sighi a ligi ‘Sa protesta de is opàjus de sa Italcementi. Sa solidariedadi de aMpI’
Social
