> ilMinuto – notizie Mediterranee – edizione Sardegna

Archíviu de s'argumentu ''

Lìburus: “Che non ci sono poteri buoni. Il pensiero (anche) anarchico di Fabrizio De Andrè”

Casteddu, 24 gennàrgiu 2020 – Sighint in atòbius de literadura in su Teatru Massimu de Casteddu. Martis 28 de gennàrgiu, a is ses e mesu de merì Paolo Finzi at a presentai su lìburu “Che non ci sono poteri buoni. Il pensiero (anche) anarchico di Fabrizio De Andrè” Sighi a ligi ‘Lìburus: “Che non ci sono poteri buoni. Il pensiero (anche) anarchico di Fabrizio De Andrè”’

In Orane sa presentada de su romanzu “Il campo degli asfodeli”

Orane, 23 gennàrgiu 2020 – Cenàbara 24 de su mesi de gennàrgiu, a is ses de merì, in s’Exmà de Orane at essi presentau su lìburu nou de Franco Mannoni intitulau “Il campo degli asfodeli”, pubblicau de s’editori Arkadia de Casteddu.

Su romanzu, ambientau in sa citadì de Nùgoro, contat is destrossas e is cambiamentus de sa sociedadi sarda de is annus ‘60, ‘70 e ‘80. Sighi a ligi ‘In Orane sa presentada de su romanzu “Il campo degli asfodeli”’

“Topologie postcoloniali: innovazione e modernizzazione in Sardegna”. Unu lìbburu de A. Mongili

(IlMinuto) – Casteddu, 1 de su mesi de ladàminis – Su 3 de Austu fia passendi in Pratza Zampillo in Biddacidru, po andai in libreria, candu apu biu una meca de cadiras, càscias altoparlantis e unu bangu cun líbburus. Apu domandau a genti chi fiat ingunis cali acontéssiu nci fiat e m’ant arraspustu: “sa presentada de líbburu Topologie Postcoloniali de Alessandro Mongili organizada de “Assemblea Permanente”, m’est partu interessanti e mi seu stentada a ascurtai. Beh! Morali de su contu in libreria non nci seu lómpia ma apu passau unu merí praxili e de profetu. Apu lígiu su líbburu e m’est bénnia s’idea de furriai in sardu calincuna pàgina.

Su líbburu de Alessandro Mongili partit de unus cantus casus de innovatzioni in unu logu cunsiderau“arretrau” che sa Sardigna e analizendiddus sighendi is Istúdius Postcolonialis, ponit in luxi cumenti non sémpiri s’innovatzioni apat prodúsiu inclusioni ma a bortas esclusioni. Custu fatu at contribbuiu a apoderai un’istadu de subbalternidadi. Segundu s’autori, non balit a ispiegai is processus sa cuntrapositzioni modernidadi/costumu e nimmancu una preténdia “identidadi sarda chi a bortas est idealizada e àteras est cunsiderada s’arraíxini de dónnia mali”. Po ispiegai custus processus Prof. Mongili ispostat s’atentzioni de su chi est cunsiderau su caràtiri/naturali de is sardus, segundu sa cultura dominanti, a su problema de su domíniu e de su podériu, meda bortas de genia coloniali. Sighi a ligi ‘“Topologie postcoloniali: innovazione e modernizzazione in Sardegna”. Unu lìbburu de A. Mongili’

Oralidadi, poesia e contus intre Sebastiano Satta e Grazia Deledda

(IlMinuto) – Casteddu, 10 de su mese de nadale – S’at a isboddiai oi a cumentzai de is 9.30 in is aposentus de s’Auditorium de su Museu Etnograficu Sardu de Nùgoro, sa “Giornata Deleddiana” aprontada de s’Istitutu regionali Etnograficu cun s’agiudu de su Comunu de Nùgoro. Sighi a ligi ‘Oralidadi, poesia e contus intre Sebastiano Satta e Grazia Deledda’

Unu cumbidu a sa lèzida cun “La vita per esempio”

(IlMinuto) – Casteddu, 22 de su mesi ladàminis – Torrat in Casteddu s’avenimentu “I libri aiutano a leggere il mondo”, duas diris de promotzioni a sa lèzida aprontadas de s’assòtziu culturali Malik e de is diversus “partner” trisinaus. “La vita, per esempio, V editzione” de sa manifestada, bolit fai atuai “asuba de sa possibilidadi de ativai protzessus de ‘innovazione’ sotziali atressu de is atzionis de is tzitadinus, chi si podint, calencuna borta, ispirai a is esperièntzias e a su traballu de fìguras ispecialis”. Sighi a ligi ‘Unu cumbidu a sa lèzida cun “La vita per esempio”’