(IlMinuto) – Casteddu, 1 de su medi de fiàrgiu – Est po cenàbara 3 de su mesi de fiàrgiu a is 18.00, in is aposentus de sa libraria Odradek de Tàtari, sa presentada de su líburu “Piciocus”. Istória de ex pipius de s’ísula chi no ddoi est”. Su líburu bessiu po is editzionis de Caracò, nascit de su traballu de Francesco Abate, Gianni Zanata, Paolo Maccioni, Gianluca Floris e Silvia Sanna. “Piciocus” si sboddiat in cincu contus, cincu mundus, cincu aventuras. Sighi a ligi ‘Líburus: in Tàtari sa presentada de “Piciocus”’
Archíviu de s'argumentu 'líbburus'
(IlMinuto) – Casteddu, 31 de su mesi de gennàrgiu – S’Ofítziu Pública Istrutzioni de su Comunu de Nùgoro fait sciri ca est obertu su bandu po presentai is dimandas de cuntributu po istudiantis po pigai is líburus de iscola. Podint presentai dimanda de agiudu is scientis de is iscolas médias e de s’iscola superiori iscritus a s’annu iscolàsticu 2011-2012. Is beneficiàrius de su bandu – si ligit in d-una nota – funt “istudiantis chi faint parti de famílias chi po s’annu 2010 apant tentu unu rédditu cantiapari o prus piticu a un’ISEE bàlidu de € 14.650,00″. Is dimandas ant a depi essi presentadas a s’Ofítziu prísia de su Comunu de Nùgoru intru su 29 de su mesi de fiàrgiu e ant a depi essi acumpangiadas de sa dichiara Isee e de is scontrinus de còmpora de is líburus. Sighi a ligi ‘Iscola: in Nùgoro is cuntributus po pigai is líburus de iscola’
(IlMinuto) – Casteddu, 25 de su mesi de gennàrgiu – Est po su 29 de su mesi de gennàrgiu in Casteddu sa presentada de su líburu de Gianni Mascia “Tzacca stradoni!”. Una presentada frisca, acumpangiada de una passillada in is bixinaus chi faint de scenariu a su líburu: “San Michele” e Is Mirrionis. Cun su giru de “Tzacca stradoni!” is ligidoris impari a s’autori Gianni Mascia e cun Angelo Pili, ant scoberri is bellesas e is arranconis prus pagu connotus de is duus bixinaus. Is frimadas de “Tzacca stradoni!” ant essi tres: su parchègiu de su Casteddu “San Michele”, su Mercau de su bixinau de bia Cuirra e pratza Santu Miali. Sighi a ligi ‘Líburus: in Casteddu sa presentada de “Tzacca stradoni!”’
(IlMinuto) – Casteddu, 24 de su mesi de gennàrgiu – Est torrau su 20 de su mesi de gennàrgiu passau su festival literàriu spainau “Ananti de sa ziminera”: unu caminu literàriu intre su Montiferru e su Sinis, cun diversus atopus e òspitis. ”Ananti de sa ziminera” 2012 previdit cincu fin’e cida de avenimentus chi “ant a tingi” sa tela literària cun atóbius cun is autoris, una butega de scridura creativa, unu cuncursu literàriu po piciocus, aperitivus a chilómitru zeru e música. Sighi a ligi ‘Avenimentus: torrat puru in su 2012 “Ananti de sa ziminera”’
(IlMinuto) – Casteddu, 17 de su mesi de gennàrgiu – Cun s’annu nou cumentzat su “Prémiu tzitadi de su líburu 2012″, unu prémiu aprontau de s’Assótziu Forum de su líburu, de su Tzentru po su líburu de su Ministeru po is Benis e is Fainas Culturalis e de s’Anci. Podint pigai parti a su “Prémiu tzitadi de su líburu 2012″ totus is comunus ativus in su pranu de promotzioni de su ligimentu. Diversus is obietivus de sa proposta, chi tenit comenti iscopu su de agiudai e promovi is fainas de lézida. Is candidaduras “Prémiu tzitadi de su líburu 2012″ ant a depi lompi a sa Segreteria intru su 29 de su mesi de fiàrgiu de su 2012. Sighi a ligi ‘Cultura: arribat su “Prémiu tzitadi de su líburu 2012″’
(IlMinuto) – Casteddu, 12 de su mesi de paschixèdda – Arribat “LETTURE SOTTO L’ALBERO IN UNA NOTTE FREDDA E LUMINOSA”. S’avenimentu aprontau de sa Provìntzia de Casteddu e de sa Biblioteca Provìntziali Piciocus s’at a tenni in is diris 14, 16 e 21 de su mesi de paschixedda de is 17.00 a is 18.00 in sa saba Cuferéntzias de su nuu Infea acanta de sa Biblioteca Provìntziali Piciocus, in su Parcu Monti Claro, a faci de is campus isportivus. Sighi a ligi ‘Avenimentus: In Casteddu “Letture sotto l’albero in una notte fredda e luminosa”’
(IlMinuto) – Casteddu, 24 de su mesi de totussantus – S’at a tenni oi, in su Cafei Savoia in pratza Savoia in Casteddu, sa presentada de su líburus “Nella pancia, sulla schiena, tra le mani”, scritu de Rossella Milone e bessiu po Laterza. “Sua carena nostra – si ligit in d-una de imprenta – est un’aposentu cómudu meda aundi dromiri, arrespirai, papai in santa paxi. E is logus segurus no ddoi ponint nudda a si tramudai in pedreras”. “Nella pancia, sulla schiena, tra le mani” at essi presentau de Nicola Muscas. Sighi a ligi ‘Líburus: In Casteddu sa presentada de “Nella pancia, sulla schiena, tra le mani’
(IlMinuto) – Casteddu, 23 de su mesi de totussantus – Cenàbara chi benit 25 de su mesi de totussantus – a is 17.00, in sa Biblioteca Comunali de Bàini – s’at a tenni sa presentada de su líburu de Stefano Cherchi: “Is primus milli fueddus – Sas primas 1000 allegas in sardu”. Ant a pigai parti a s’avenimentu s’autori Antonello e su pueta Dino Maccioni. At a cordinai sa cosa Giuseppe Manis. Sighi a ligi ‘Líburus: in Bàini sa presentada de “Is primus milli fueddus – Sas primas 1000 allegas in sardu”’
(IlMinuto) – Casteddu, 3 de su mesi de totussantus – At a sighiri su 9 e su 16 de su mesi de totussantus in su presoni de Isili “In viaggio con Itaca”, sa fibera de atopus aprontada de su Presídiu de su Líburu “Carpe Liber”. Itaca est su símbolu de sa pàtria aillargu e bisada, arribu chi diventat un’iscusa po s’arricai e po connosci. Funt custus is temas de “In viaggio per Itaca”. Su progetu, dirigiu de Marco Porcu, previdit ca primu de dónnia atopu, is presoneris presentis in su presoni – de custus su 70 po centu funt furesteris – ligiant is líburus po ndi fueddai agoa cun is autoris. Sighi a ligi ‘Presonis: In Isili “In viaggio per Itaca”’
(IlMinuto) – Casteddu, 15 de su mesi de cabudanni – At essi sa Festa de is Presídius de su Líburu – in programma po sàbudu po 24 de su mesi de cabudanni a is 18.30 in is aposentus de s’Hostel Marina, in Casteddu – a oberri sa stagioni 2011-2012 de “Mieleamaro”. Su primu atopu at tenni comenti protagonista a Andrea Camilleri, chi po s’ocasioni at lassau un’intervista fata de Francesco De Filippo a su Tzírculu de is Ligidoris. Sighi a ligi ‘Avenimentus: in Casteddu una festa po Andrea Camilleri’
Social
