Custu artìculu s\\\\\\\’agatat sceti in %LANG:
Archíviu de s'argumentu 'manifestada'
Sa lota de liberatzioni cossa non si frimat. Sàbudu 9 de su mesi de fiàrgiu in Bastia s’at a isbodiai una manifestada manna po pederi unu statutu fiscali cossu. Sa protesta est su primu passu de una mobilitada prus manna po otèniri una solutzioni polìtica apretosa po sa chistioni cossa.
Arrêtés Miot : Une grande manifestation qui se veut exemplaire
Le Collectif a fait boule de neige. Au fil des jours et des semaines, ce sont des centaines de nouvelles adhésions qui se sont ajoutées à la déjà longue liste des manifestants hostiles à la suppression des Arrêtés. Mercredi matin, le Collectif a donné une conférence de presse pour faire le point avant le grand rassemblement de cette fin de semaine à Bastia. Sighi a ligi ‘In Bastia manifestada po pediri unu statutu fiscali cossu’
(IlMinuto) – Casteddu, 11 de su mesi paschixèdda – S’intzimia de sa discriminatzioni etnica comenti pràtiga chi ndi liat a is personis is diritus insoru tratendiddas in manera ingiusta, pistighingiosa, chi ddas umiliat, ddas ofèndiri segundu is carateristicas somàticas e/o culturalis e/o segundu sa nàscida etnica e/o de s’apartenéntzia religiosa. De discriminatzioni etnica costanti patia de su pópulu sardu atressu de fitiana e fissienti raiadura de sa língua e de sa mamória istórica fueddat una denúntzia fata connosci de sa manca indipendentista sarda. A Manca pro s’Indipendetzia s’arringherat contra a su protzessu de tiramenta de su sardu e acotzat a sa batalla de s’assótziu de is istudiantis Su Majolu contra a su “centralismo” de su Guvernu Monti, chi est aprovendi una lei po ratificai sa Carta europea de is línguas regionalis e de minoria. “Costrintu a reconòsciri a su sardu comenti língua, su Parlamentu italianu – acrarat a Manca in d-unu comunicau de imprenta – dda bolit ponni in d-unu livellu prus bàsciu, po no dda fai língua coufficiale impari a s’italianu -” Morali de sa fàbula: “cun totu chi su sardu siat sa segundu língua prus fueddada aintru de s’istadu italianu” is àteras natzionis chetza de istadu ant a podi gosai de un’amparu prus mannu. Contra a custu protzessu de isderrexinamentu in faori de un’italianizatzioni a sa marolla, chi bit e tratat a sa cultura de sa Sardigna comenti cultura subalterna, s’organizatzioni indipendetista at a cabai in pratza su 13 de su mesi de paschixèdda a is 10.00 impari a s’assótziu Su Majolu, e at a acotzai a sa batalla chi is istudiantis tataresus ant promòviu contra a s’iscambeddu chi sa política italiana est pronta a fai a sa língua de su pópolu sardu. S’intentu – afirmat a Manca pro s’Indipendentzia – est de s’”uniri po sa língua sarda comenti língua oficiali” po pediri “chi bengat assegurau s’imparamentu de su sardu in totus is iscolas e is universidadis sardas, chi bengat afiantzau su diritu de fai dimanda e tenni un’arrespusta in sardu de is serbítziu públicus, de tenni una televisioni, un’aràdiu e unu giornali cotidianu totu in língua sarda e s’incaminada de unu cursu de laurea di annestru de is maistus e de is professoris”. Sighi a ligi ‘A Manca in campu cun Su Majolu “po sa língua sarda comenti língua oficiali”’
(IlMinuto) – Casteddu, 5 de su mesi de paschixèdda – No si frimat s’impignu de s’assótziu de is istudiantis Su Majolu in faori de su sardu. Agoa di ai pigau parti a sa Cuferéntzia regionali de sa língua sarda chi s’est tenta in Azos sàbudu e domínigu passaus, innoia ant contau su traballu fitianu chi isboddiant aintru de s’Universidadi de Tàtari po torrai a donai dignidadi a su sardu, un’àteru atopu ddus at a biri in primu línia. Fueddaus de su sit in chi s’at a isboddiai su 13 de su mesi de paschixèdda a is 10.00 in sa pratza de s’Universidadi tataresa. Tema de sa manifestada de sa cali Su Majolu est aprontadori est sa ratífica de sa Carta europea de is línguas regionalis e de minoria, sbisuriada de su parlamentu italianu, chi imbecis di avalorai a sa língua sarda e a s’insertamentu suu in s’iscola, in is média e in sa giustítzia, comenti previdint is standard europeus istabilius de su Consillu di Europa, dda penalitzat e dda abasciat a língua de segundu classi. Sighi a ligi ‘“Manifestaus po sa língua nostra”. Su Majolu difendint a sa língua sarda’
(IlMinuto) – Casteddu, 29 de su mesi de totussantus – Insolita sa protesta chi at moviu a sa Tzitadi de Casteddu unus cantu de diri fait. Protagonistas is maistus de dógnia órdini e gradu chi si funt agataus domínigu a mangianu a is 10.00 in is iscaleras de Boaira po curregi is cómpitus. Unu mangianu de traballu, su de su 25 de su mesi de totussantus passau, chi at biu una centina de professoris fai sa professioni insoru a foras de is domus, a amostai ca is fainas de traballu de unu maistu no acabant cun is letzionis in àula. Funt diversas difatis is oras chi dógnia professori dedicat in d-una cida a sa curretzioni de is cómpitus, a sa programatzioni e a s’amaniada de is letzionis. Cun sa manifestada insolita is maistus artziant sa conca e narat ca nono a is irminorigamentus e sa proposta fata de su Guvernu Monti de aumentai s’oràriu de traballu insoru de 18 a 24 oras a sa cida. Sa genti est stétia informada de sa situatzioni chi pendit asuba de s’iscola cun d-unu bolantinu innoia ddoi furiat una tavèglia cun is càlculus de is oras de traballu de unu maistu, chi impitat 50 oras a sa cida po fai cun seriedadi s’atividadi sua. Sighi a ligi ‘Unu domínigu de traballu. Is maistus sardus no si frimant’
(IlMinuto) – Casteddu, 29 de su mesi de totussantus – Torrant in pratza is fantàsimus de su precariau e ddu faint cun d-una manifestada ‘autoconvocata’. Is precàrius de is Tzentrus serbítzius po su traballu (Csl) e de is Tzentrus serbítzius insertamentu (Cesil) si funt difatis donaus atopu po oi a is 10.00 in bia Roma asuta de su Consillu regionali: ant a protestai aparicendi banchitus in rapresentàntzia de is fainas de traballu insoru. Asuba de is mesas ant essi postus in manera simbòlica is serbítzius de su traballu po disimperau e is pedonis. “In pratza poneus is beridadis nostras!”, afirmant cun determinu is traballadoris Csl e Cesil. Est de is diris passadas, difatis, s’impugnamentu de parti de su guvernu de sa lei regionali n. 17 de su 13/09/2012, chi arregulat su finantziamentu a is entis de su territóriu po su funtzionamentu de is Csl e de is Cesil. S’arriscant in totu 663 postus de traballu. 663 personis s’ant a podi biri annulada sa conoscéntzia e sa cumpeténtzia fata in annus meda de precariau istóricu. Sighi a ligi ‘Usb a su costau de is precàrius Csl e Cesil in presídiu’
(IlMinuto) – Casteddu, 28 de su mesi totussantus – “Is 16 traballadoris de is apaltus de is netesas tenint diritu de essi pigaus e su sindacau at a amparai in totus is modus a is interessus insoru”. Cun custus fueddus Filcams, Fisascat, Uiltrasporti e Ugl annuntziant sa manifestada in programa custu mangianu de is 10 a is 12.30 a petus de s’ispidali Santissima Trinidadi, in Casteddu. Is arrexonis de sa protesta funt acapiadas a su fatu ca sa sotziedadi remplassada in s’apaltu de s’ispidali casteddaiu su primu de su mesi de totussantus, sa Ecoclean Srl, no at a pigai a 16 traballadoris chi giai traballànt in s’istrutura, contravenendi a s’artículu 4 de su cuntratu natzionali de su cumpartu. Sighi a ligi ‘“Tenint diritu de essi pigaus”. Manifestada in su Santissima Trinidadi’
(IlMinuto) – Casteddu, 26 de su mesi de totussantus – “Su terzu bratzu no est atesu de sa torura”, e si a ddu nai est su fiantzeri de is diritus de is presoneris de su presoni de Santu Srebastianu ddoi at de atuai. Agoa de is sólitus problemas de “sovraffollamento”, difatis, sa diretzioni at torrau a oberri is tzeddas de su terzu bratzu chi rapresentat unu logu galu peus de sa mantessi istrutura de su penitentziàriu: de is murus iscroxolaus po mori de s’umidadi, a is letus apillaus fintzas a s’impossibilidadi de una calisisiat forma de privacy cun gabinetu “iscrobau” de sa tzedda de unu simpli cóncula. Su ai torrau a oberri sa setzioni at torrau a allui is protestas de is presoneris chi sighint sa própriu mobilitada aintru de su presoni po pediri a su guversnu s’annistia e su diritu a su votu po is eletzionis benientis. Sighi a ligi ‘Santu Srebastianu torrat a oberri su bratzu de sa tortura’
Social
