> ilMinuto – notizie Mediterranee – edizione Sardegna

Archíviu de s'argumentu ''

Pàgina 2 de 7

Cumitau Master and Back: “Camminus de torrada 2010 in su mes’e làmpadas o in atóngiu? Sceberu burdu. Istitutzionis pagu trasparentis”

(IlMinuto) – Casteddu, 19 de su mes’e arbili – Su diretori de s’Agentzia regionali po su Traballu, Stefano Tunis, no at mantenniu su fueddu. Si in sa cuferéntzia de imprenta de su 23 de su mes’e fiàrgiu su númeru unu de bia Is Mirrionis iat promítiu sa pubblicatzioni de su bandu “Camminus de torrada 2010″ intru is primus tres mesis de su 2011, immoi a s’Urp de s’Agentzia de su Traballu si benit a sciri invecis ca su bandu at essi pubblicau “in su mes”e làmpadas o ancora prus a tradu, in atóngiu, impari cun cussu de su 2011″. Est cantu acrarat cun d-una nota su Cumitau Master and Back, denunciendi a unu “sceberu burdu e de pagu arrespetu in is cunfrontus de is milla e prus de milla professioneris sardus chi abetant custu bandu de un’annu e prus”. Sighi a ligi ‘Cumitau Master and Back: “Camminus de torrada 2010 in su mes’e làmpadas o in atóngiu? Sceberu burdu. Istitutzionis pagu trasparentis”’

“Master and Back” cinc’annus tra luxis e umbras

Ascurta custa nova

master and back 2010(Chistionis e Opinionis) – Casteddu, 3 de su mes”e marzu – Po “Master and Back” est arribbada s’ora de fai bilàncius. A prus de cin’annus de sa pubblicatzioni de su primu bandu su progetu andat ainnantis tra luxis e umbras. De su 2006 funt medas is giòvanus laureaus de sa Sardigna chi ant tentu un’ocasioni de istudiu e de traballu in prus. Is primus a ddu precisai funt is promotoris de su Cumitau Master and Back, nàsciu duus annus fait po difèndiri a is interessus de is protagonistas de su progetu. “Master and Back donat un’ocasioni única po studiai, po cresci e po si cunfrontai – at precisau in d-una cuferéntzia de imprenta Arianna Onidi, una de is boxis de su Cumitau – oportunidadi chi de seguru medas de nos no iant ai tentu poita scideus beni meda cali funt is costus de is universidadis […]. Seus cuscientis de ai tentu un’oportunidadi única. Una de is pagus in totu s’Itàlia”. Sighi a ligi ‘“Master and Back” cinc’annus tra luxis e umbras’

Master and Back. Sa dinúntzia de su Cumitau: “Su bandu trigat a bessiri e ddoi est pagu dinai”

(IlMinuto) – Casteddu 23 de su mes”e fiàrgiu – Tocat a pubblicai su bandu intru ‘e su mes”e martzu po accabbai s’esperiéntzia de traballu in Sardigna previdia de su Master and Back. Custa est sa primu cosa  chi su Cumitau Master and Back pedit a sa Regioni Sardigna – Presidenti, Assessori de su Traballu e de su Bilànciu e Diretori de s’Agentzia de su Traballu – cun d-una lítera oberta chi custu mangianu est stetia presentada a s’imprenta in d-una cuferéntzia aghillia in sa sedi de sa Cgil chi s’agat in s’arburada Monastir, in Casteddu. Is boxis de su Cumitau, Arianna Onidi e Cristian Congiu, ant denunciau su tardamentu mannu in sa pubblicatzioni de bandu – annunciau po su mes”e totussantus de su 2010 – e ant presentau una fibera de propostas po mellorai su “Back”. Su Cumitau pedit chi su bandu chi depit bessiri po s’esperiéntzia de traballu in Sardigna previdat diversus tìtulus po is aziendhas, is entis púbblicus e is universidadis. Is impresas, chi – acrarat su Cumitau – ant fintzas a immoi impitau su “Back” comenti serbatoius de traballadoris senz”e nisciunu costu (senz”e ddus pigai casi mai a fin”e de s’ s’esperiéntzia) depint contribbuiri a su progetu ponendi cussus puru dinai ‘e busciaca. Sighi a ligi ‘Master and Back. Sa dinúntzia de su Cumitau: “Su bandu trigat a bessiri e ddoi est pagu dinai”’

S’intríghinu de Master&Back: scéti 150 borsas in su bandu 2010. Liaus is ammaistramentus

(IlMinuto) – Casteddu, 23 de su mes”e totussantus – Versioni imminoricada po Master&Back 2010. Cun 6,5 millionis de eurus de su Fundu sociali europeu su bandu nou po s’Arta formatzioni at a donai sa possibbilidadi difatis de finantziai scéti 150 borsas de istudiu (s’editzioni passada ndi bidiàt 450): 120 po podi fai is master in Itàlia (si de II livellu) o a foras de Istadu e 30 po podi fai is dotoraus de ricerca. Su bandu po is ammaistramentus no at essi pubblicau, mentris po su “back” 2010 at a tocai a abetai a is primus de s’annu chi benit. Sighi a ligi ‘S’intríghinu de Master&Back: scéti 150 borsas in su bandu 2010. Liaus is ammaistramentus’

Master and Back: pubblicaus is nòminis de chini at bintu is caminus de ammaistramentu de su 2009

(IlMinuto) – Casteddu, 31 de su mes”e marzu – Funt 643 is giòvanus chi ant a podi participai a is caminus de ammaistramentu de su progetu Master and Back de sa Regioni Sardigna. Ariseru, a pustis de mesis meda longus de abetu e de dúbbiu, funti stetius difatis pubblicaus is nòminis de chini at a podi participai a is caminus de imparu in su campu de sa sciénzia e de sa ténnica, de sa mexina, de is sciénzias de sa sociedadi e de sa natura e in su campu de s’arti e de is istudius de sa citadi.
“Su dinai po su programma – acrarat una nota – esti stetiu donau puru de su “Fondo Sociale Europeo” e previdit de finanziai is caminus de ammaistramentu a foras de su territoriu regionali”.

Castia sa lista de is nòminis: http://www.regione.sardegna.it/documenti/1_265_20100330194258.pdf

 

 

Biàgios

Social

Facebook     Twitter     Feed RSS  

In primu pianu

 

mes'e ledàminis: 2019
L M M G C S D
« arb    
 123456
78910111213
14151617181920
21222324252627
28293031  
Formas
S'Urtima nova