Sighi a ligi ‘(Italiano) Appuntamenti: “Storie di rifugiati” al Teatro Nanny Loi di Cagliari’
Archíviu de s'argumentu 'disterraus'
(IlMinuto) – Casteddu, 5 de su mesi de paschixèdda – Aumentant is furesteris in sa Colónia Penali de Mamone, in provìntzia de Nùgoro. S’arribu di àterus 17 tzitadinus privaus de sa libertadi at portau s’índixi de is preséntzias a su 93% (in su mesi de ledàminis furiat arribau a s’88%). Craramenti una percentuali aici arta no podit “tenni fiàntzia de traballu adecuau mancai is programas di avaloramentu de is produtzionis agriculas”, afirmat Maria Grazia Caligaris, presidenti de s’Assótziu Sotzialismu Diritus e Reformas, pretzisendi ca “su dinai po su finantziamentu de is fainas po su traballu istraordinàriu e comunu funt iscassas e sa majoria de is presoneris est custrinta a abarrai po tempus meda chentza de fai nudda in is camaronis”. Analizendi sa situatzioni de is presonis est netzessàriu pretzisai ca sa Sardigna est s’únicu territóriu cun tres colónias penalis, e ca duncas tenit s’índixi prus artu de terrenus destinaus a tzerachia penitentziària. In prus, is presoneris chi funt iscontendi s’iscampulitu de pena a foras funt po su prus marochinus, tunisinus e rumenus. “Su datu cumparrit galu prus significativu – cumentat Caligaris – si si cunsiderat ca po su Dipartimentu de s’Aministratzioni Penitentziària, cun is datus agiornaus a su 30 de su mesi de cabudanni de su 2012, is presoneris furesteris furiant in totu su 36% de is galeristus in is 206 Istitutus de sa Penísula. Sighi a ligi ‘In Mamone est record furesteris. “No ddoi at su traballu”’
(IlMinuto) – Casteddu, 30 de su mesi de totussantus – At essi su Saloni Mastino de sa Càmara de su Traballu Cgil in arruga Rockfeller in Tàtari a aghilliri a is 17.00 de oi s’atóbiu públicu e de acasàgiu po is volonteris e is sustenidoris nous de s’assótziu Emergency Tàtari, grupu ativu de su 2001 in sa tzitadi turritana e in sa provìntzia totu. S’atopu – acrarant is aprontadoris – “est destinau a totus is personis chi bolint pigai parti a is fainas de voluntariau de su grupu siat comenti simplis sustenidoris siat comenti militantis”. Unu merì innoia s’at a acrarai su “Programa Itàlia”, unu traballu nou chi previdit “poliambulatorius obertus in Palermo e Marghera po assegurai assistu sanitàriu a gratis a is furesteris, cun o chentza de permissu de tratenimentu, e a totus is chi ndi tenint abisóngiu, e duus ambulatórius mòbilis chi dongant assistu sanitàriu aundi serbit”. In s’atóbiu su grupu tataresu de Emergency at a presentai puru su programa asuba de is propostas po su territóriu . Po acrarai su progetu “Sa Sardigna po Bangui” chi s’est isboddiendi galu, imbecis ant essi proietaus filmaus e powerpoint. Sighi a ligi ‘Atopus: oi in Tàtari un’atóbiu cun Emergency’
(IlMinuto) – Casteddu, 5 de su mesi de totussantus – S’at a isboddai cenàbara chi benit a is 15.00 in arburada Muristènis s’atopu públicu cun is 29 candidaus a sa Consulta po is furesteris de su Comunu de sa primu tzitadi de sa Sardigna. S’atopu, aprontau de sa Càmara de su Traballu Cgil, at e tenni po tema “Traballu e tzitadinàntzia”. S’argumentu de cunfrontu tenit s’ iscopu de aprofundai is bideas e s’aficu de is furesteris in tzitadi. “Cunsideraus unu passu de importu mannu sa nàscida de sa Consulta”. Est cantu afirmat Nicola Cabras, responsàbili de su dipartimentu Immigratzioni de sa Cgil de Casteddu aciungendi: “Imoi pedeus a is personis istrangias de arrexonai impari asuba de is temas de su traballu, asuba de is problemas insoru chi funt is nostrus puru, e asuba de is eventualis propostas “. Sighi a ligi ‘In Casteddu un’atopu po chistionai cun is furesteris’
(IlMinuto) – Casteddu 11 de su mesi de ledàminis – At essi sa saba “Polifunzionale” de su Parcu de Monti Claro de Casteddu a acasagiai “TrasformAzionis - Mudai in sa tzitadi chi mudat”. S’atopu est po sàbudu 13 e domínigu 14 de su mesi de ledàminis de is 9.30 a is 19.30. Su laboratoriu interculturali ordingiau de s’Assótziu Terra Onlus cun s’agiudu de sa Coperativa Sa Caravana s’insertat aintru de su progetu Baobab, finantziau de sa Regioni Sardigna-Diretzioni Generali de sa Pública Istrutzioni. Su laboratoriu TrasformAzionis previdit su trisinamentu ativu de is personis, cun is calis – si ligit in d-una nota de imprenta – “S’ant a isperimentai sistemas de sceberu po s’amaistramentu apitzus de su tema de s’imigratzioni, asuba de is pregiuditzius e apitzus de is raportus Merdioni/Tramuntana de su mundu”. Sighi a ligi ‘In Monti Claro TrasformAzionis: unu laboratoriu po fueddai de Casteddu’
(IlMinuto) – Casteddu 11 de su mesi de ledàminis – Casteddu torrat in pratza contra a su ratzismu. Lúnis 15 de su mesi de ledàminis sa capitali de sa Sardigna at essi difatis protagonista de una manifestada, cun atopu in pratza de su Cramu a is 15.30, po nai ca nou a is rebuserias asuba de is permissus de tratenimentu, a is aciocus e a su ratzismu, po tzerriai impari “nisciunu est cuau” e po pretèndiri diritus, dignidadi e citadinàntzia po is furesteris. Sa protesta nascit de s’insustenìbili data, su 15 de su mesi de ledàminis, fissada po sa santoria asuba de is permissus de tratenimentu. Un’iscadéntzia cun preguntas impossíbilis de apagnai in pagu tempus. Boleus – afirmant is aprontadoris de sa manifestada – “chi siat torrada a oberri s’iscadéntzia cun cunditzionis prus giuditziosas po fai otèniri a totus is furesteris is documentus de tratenimentu”. Sighi a ligi ‘“S’Istadu Itàlianu est su primu rebuseri”. In Casteddu manifestada po is permissus de tratenimentu’
(IlMinuto) – Casteddu, 7 de su mesi de fiàrgiu – Imbaga de traballu noa po is “mediatori” linguìsticus e culturalis. Sa provìntzia de Casteddu sceberat difatis 13 professioneris espertus in língua (3), ingresa (2), russa (2), ispagnola (2), cinesa (2), francesa (2) e serbo-croata bosniaca (1). Is candidaus depint essi tzitadinus furesteris o tzitadinus de àterus stadus chi ant pigau sa tzitadinàntzia italiana. Sighi a ligi ‘Traballu: sa Provìntzia de Casteddu sceberat 13 “mediatori”’
(IlMinuto) – Casteddu, 17 de su mesi de gennàrgiu – Sighit s’impignu in difesa de is diritus de Abdou Lahat Diop. Ariseru s’acontéssia chentza conca ni peis chi at tocau a su furesteri senegalesu est stétia denuntziada a s’imprenta de Roberto Loddo, boxi de su Comitau sardu “Stop Ospedali Psichiatrici Giudiziari”. “Abdou – at nau Loddo – est unu piciocu senegalesu de 30 annus, chi su 16 de su mesi de paschixèdda de su 2011 at decídiu de pregai. Primu in domu sua e agoa in públicu, in s’arruga chi s’agat intre Ilàrtzi e Abbasànta. Abdou est musulmanu e fait parti de unu bratzu de custa religioni chi si lamat Murid. Candu furiat preghendi est stétiu acostau de unu carabineri, apensamentau chi essit tentu abisóngiu de agiudu. Abdou at arrespustu ca nou. Boliat scéti sighiri a pregai comenti fait sèmpiri. Est a nai in d-una manera meda forti de intensidadi spirituali, chi raramenti podit essi frimada cun d-un’oferta de agiudu o de chistionu. Sighi a ligi ‘“No eus a permiti chi Abdou bengat portau in s’arrori de s’Opg”. Amanniat sa mobilitada po agiudai a su furesteri arrestau candu furiat fadendi sa pregadoria sua’
(IlMinuto) – Casteddu, 16 de su mesi de totussantus – Agatai unu o prus logus aundi fai, cun s’agiudu de sa comunidadi rom, unu campu nou po is famílias chi a oi funt aghillias in su campu de sa 554. Est cantu previdit – intre is àteras cosas – un’emendamentu de sa Comissioni Políticas sotzialis a sa motzioni presentada de is consilleris Chessa (Udc) e Casu (PSd’Az). S’emendamentu est stétiu aprovau cun d-una majoria manna in Consillu comunali, cun 24 votus in faori, seti contra e un’astensioni. Sighi a ligi ‘“Unu logu nou po is famílias de su campu de is zíngarus in sa 554″. Su Consillu comunali de Casteddu aprovat un’emendamentu Comissioni políticas sotzialis’
Social
