(IlMinuto) – Casteddu, 24 de su mesi de maju – “Sardigna 2020 unu tempus benidori de militarizatzioni e cuntrollu sotziali”. At essi custu s’argumentu de s’atopu chi s’at a isboddiai in Itiri Cannedu domìnigu 26 de su mesi de maju, a is 17.30 in su currillu culturali Su connottu, cursu Vitoriu Manuelli 198. Un’apuntamentu innoia s’at a arrexonai asuba de su dossier aprontau de S’idea libera: “Nato 2020. Unu mondu a dimensioni de bancheri”. Un’atòbiu aundi s’at a fueddai – si marcat in d-una nota – “de is investimentus nous in su campu de sa militaritzatzioni e de su cuntrollu sotziali in Sardigna, de is radar a is cuatru presonis nous, fintzas a s’amanniamentu de sa basi di Cuirra cun sa pista noa ‘droni’ e a su fàbricu de sa caserma noa de Nùgoro”. Sighi a ligi ‘In Itiri Cannedu si fueddat de “Sardigna 2020 unu tempus benidori de militarizatzioni e cuntrollu sotziali”’
Archíviu de s'argumentu 'militarizzazione'
(IlMinuto) – Casteddu, 14 de su mesi de totusantus – S’at a isbodiai in Nùgoro su 17 de su mesi de totusantus a cumentzai de is 18.00 in su Círculu Su Ritrovu, s’atóbiu “Sardigna 2020. Unu tempus benidori de militarizatzioni, cuntrollu e iscontróriu”. A faci de un’ísula chi torrat a tenni una parti de import mannu in is progetus de sa Nato e de s’Istadu: presonis, radar, casermas e càstiu urbanu. A pabas de custa aprontadura de cuntrollu sotziali, is pregonis de su documentu “Nato 2020 Urban Operation” chi disignant is pranus nous de trebea e iscontróriu de is rebellias de su tempus benidori innoia su campu de gherra ant essi is tzitadis de su mundu otzidentali e s’anemigu nou at essi totu aintru de is lacanas istatalis, trubas “informalis”, unias de su disisperu e de sa precariedadi. Sighi a ligi ‘In Nùgoro si chistionat de militarizatzioni, cuntrollu sotziali e iscontróriu’
(IlMinuto) – Casteddu, 11 de su mesi de làmpadas – Sighit s’arregorta de is firmas promòvia de a Manca pro s’Indipendentzia po fai unu polu de soverania económica in Nùgoro comenti sceberu a sa militarizatzioni noa chi si cuncodrat a invadi sa tzitadi cun su fàbricu de sa caserma de Pradu. A faci de sa proposta de sa manca indipendentista s’arraspusta de is nugoresus de dógnia edadi est stètia bella meda. “Medas is mitus chi seus isciusciendi atressu de su cufrontu e de su chistionu a faci de pari cun sa genti – pretzisat una bota de imprenta de aMpI – seus cumentzendi a smuntai sa campagna e su pentzu nascius e mandaus ainnantis de annus meda de is partidus italianus”. Provìntzia e Comunu ant sèmpiri fueddau de su prexu mannu de sa genti po sa caserma noa. Sighi a ligi ‘aMpI contra a sa caserma de Pradu: “Fadeus unu movimentu de pópulu”’
(IlMinuto) – Casteddu, 10 de su mesi de maju – Martis 15 de su mesi de maju, a is 9.00, in is aposentus de su Tribunali de Casteddu s’at a oberri su protzessu a Nino Fancello, militanti de s’orgazitzioni indipendentista Sni. Fancello ant a andai a protzessu po ai pigau parti, su 25 de su mesi de ledàminis de su 2005, a unu bliz in su Poligonu de Teulada a sa sa boxi “Invasores a foras!” S’operatzioni fut aprontada de unu cumandu de Sardigna Natzione Indipedentzia chi iat ocupau su poligonu militari. Lompius atressu de mari asuba de tres gomonis is militantis de Sni proclamànt sa soberania única de is sardus in su territóriu ponendi sa bandera natzionali sarda e sa de su movimentu insoru. Sa lota de is piscadoris e su grupu de protesta no iant permitiu su sboddicamentu trancuillu de is esercitatzionis, e sa Nato etotu fut obrigada a lassai su poligonu de tiru primu du su chi pentzàt. Sighi a ligi ‘Protzessu a Nino Fancello po su bliz in su poligonu de Teulada. “S’atzioni de Sni, teniat un’obietivu pretzisu, torrai a afirmai sa soberania única de is sardus’
(IlMinuto) – Casteddu, 7 de su mesi de maju – “In pagu diris est bessiu de su poligonu de Cabu Frasca unu cardolinu mannu meda “. Est cantu denuntziat cun d-una nota de imprenta su Diretivu Políticu Natzionali de a Manca pro s’Indipendentzia. “Cun d-una probabilidadi manna – acrarat su comunicau – est unu de is radar chi su stadu Itàlia boliat ponni in is costeras de s’ísula e chi sa mobilitada manna de is comitaus e de is indipendentistas at impediu”. No parrit chi siat casuali, ca s’impiantu nasciat aintru de unu Poligonu militari. “Po cantu si bit – pretziasat sa manca indipendentista – at bintu sa línia de is ghias indianas de su colonialismu”. Sighi a ligi ‘Radar aintru de su Poligonu de Cabu Frasca. Sa denúntzia de aMpI’
Social
