(IlMinuto) – Casteddu, 28 de su mesi de paschixèdda – “Di lavoro si muore, di precarietà si vive!”. Custa sa scrita in su striscioni apicau cenàbara de is “Giovani Comunisti” de su Prc de Aristanis, in bia Casteddu. Sa scrita furiat acumpanzada de unu mustajoni crocau in terra “símbulu – si ligit in d-una nota – de totus is operàjas e is operàjus mortus in su traballu”. “A issus – acrarant is Gc – boleus dedicai s’atzioni nostra e po su prus dda boleus dedicai a Cristina Allegretti, sa picioca precària chi in su mesi de Totussantus est stétia tragada de una zisterra candu furiat traballendi in d-una butega de sabonis sciortus in Aristanis”. Sighi a ligi ‘“Di lavoro si muore, di precarietà si vive!”. Atzioni de is Gc de Aristanis in ammentu de Cristina Allegretti’
Archíviu de s'argumentu 'morti sul lavoro'
(IlMinuto) – Casteddu, 20 de su mesi de paschixèdda – Mancai sa crisi e s’aumentu de su disimpreu, in is primus 11 mesis in su 2011 is mortus in su traballu in sa provìntzia de Casteddu funt stétius ses, a su dópiu de is registraus in totu su 2010. Su datu, légiu meda, est stétiu fatu connosci de is statisticas de su mesi de s’Osservatóriu Vega Engineering. Sighi a ligi ‘Traballu: in sa provìtzia de Casteddu aumentant is incidentis mortalis. In Sardigna 15 mortus in su 2011′
(IlMinuto) – Casteddu, 4 de su mes’ argiolas – Duus annus de presoni po omicidiu curposu a prus de una personi a Guido Grosso, diretori de s’istabilimentu Saras de Sarròccu, a Francesco Ledda, rapresentanti legali de sa Comesa, i a Dario Scaffardi, diretori de sa Saras. Custa sa senténtzia de custu mangianu de parti de su Gup de su Tribunali de Casteddu Giorgio Altieri a duus annus e prus de su 26 de su maju de su 2009, diri custa, de sa morti acontéssia in su logu de traballu, de Bruno Muntoni, Daniele Melis e Pierluigi Solinas: traballadoris de sa dita apaltadora Comesa. Mortus atoscaus de su gas candu furiant fadendi manixus de manutentzionis in sa rafineria prus manna de su Mediterràneu. Sighi a ligi ‘Traballu: tres cundennas po omocidiu curposu po is mortis de Muntoni, Melis e Solinas. Nisciuna pena po sa Saras’
(IlMinuto) – Casteddu, 22 de su mes’e làmpadas – Sighit (IN)SICUREZZA, sa campagna de sceda de sa Provìntzia de su Campidanu de Mesu asuba de sa segeresa in su traballu. Cras 23 de su mes’e làmpadas de is 9.30 s’ex saba de is traballadoris de sa miniera de Montevecchio (Guspini) at a ghilliri a sa “Giornata provinciale sulla sicurezza sul Lavoro”. A s’atóbiu – no po nudda programmau in d-unu de is logus símbulu de s’istória operàja de sa Sardigna – ant a participai rapresentantis de entis, istitutzionis, sindacaus, organizatzionis chi pertocant su meri, de s’Universidadi e assótzius. Sighi a ligi ‘Traballu: in Montevecchio sa Diri provintziali asuba de sa seguresa’
(IlMinuto) – Casteddu, 16 de su mes’e làmpadas – “Una campagna po is traballadoris, po is meris e po totus is citadinas e is citadinus de su territóriu nostru”. Aici s’assessori provintziali a is Políticas e Serbítzius po su Traballu de su Campidanu de Mesu, Simona Lobina, at presentau “(IN)SICUREZZA”, sa campagna informativa asuba de sa seguresa in su trabllu de sa Provìntzia de su Campidanu de Mesu, presentada ariseru a mangianu in su Csl de Santu ‘Engiu. In diris chi benint in su territóriu de sa provìntiza de su Campidanu de Mesu ant essi postus 200 manifestus a tema e ant essi spainaus 1500 libbuereddus asuba de sa seguresa in su traballu: libbureddus in italianu e in sardu, cun d-unu linguàgiu simpli, arricaus de is vignetas de Dr Fonk. Sighi a ligi ‘Traballu: “Sa seguresa est unu diritu essentziali”. S’assessori Lobina presentat sa campagna informativa’
(IlMinuto) – Casteddu, 14 de su mes’e làmpadas – Unu libbureddu informativu illustrau, unu manifestu a tema e una diri provintziali asuba de sa seguresa in su traballu. Funt custus is argumentus de sa campagna informativa promòvia de s’Assessorau a is Políticas e Serbítzius po su Traballu de sa Provìntziade su Campidanu de Mesu. Su progetu at essi presentau cras 15 de su mes’e làmpadas, a is 11.00, in d-una cuferéntzia de imprenta in is aposentus de su Centru Serbítzius po su Traballu de Santu ‘Engiu, in bia Montevecchio snc, a sa presentada at essi presenti puru s’Assessori provintziali a is Políticas e Serbítzius po su Traballu Simona Lobina. Sighi a ligi ‘Campidanu de Mesu: s’assessori Lobina presentat sa campagna asuba de sa seguresa in su traballu’
(IlMinuto) – Casteddu, 13 de su mes’e làmpadas – “Is mortus e is malàdius de oi funt acapiaus a su cuntatu chi tempus primu s’est tentu cun s’amiantu. Cussus chi eus a contai cras ant essi su cun dabori su frutu de cussu chi no arrennesceus a fai oi”. Cun custus fueddus s’Aiea Sardigna presentat su cunvegnu “Amianto. Giustizia, previdenza e risarcimento del danno”, in programma custumerì a is 17.00 in sa saba consiliari de su Comunu de Madalena. Sighi a ligi ‘Morri de amiantu. Custumerì in Madalena cunvegnu asuba de is pagamentus de is dannus’
Incidenti in sa Saras: Pulvirenti est mortu. Sinistra critica sarda: “Nisciuna preneta, ma omicidiu”
(IlMinuto) – Casteddu, 12 de su mes”e arbili – Pierpaolo Pulvirenti est mortu. S’ómini, 23 annus, si nd’est andau a is cincu ‘e chitzi in s’ispidali Santissima Trinità de Casteddu. Ariseru a merì a is 19.00 furiat stetiu carraxau impari cun su cullega Gabriele Serrano, de 23 annus, de unu gétidu de H2S – candu furiat traballendi a sa manutentzioni de s’impiantu Dea a sa Saras de Sarròccu. Impiantu chi – a cantu narat is sindacaus – is traballadoris iant essi depiu agatai interamenti bonificau: senz”e nisciuna arremusulla de gas. In s’ispidali ddoi est puru unu terzu operàju, chi s’est truncau una camba circhendi de agiudai a is duus cullegas de s’aziendha siciliana Star Service. Asuba de s’acontéssia fueddat cun d-una nota Sinistra Critica Sarda. Sighi a ligi ‘Incidenti in sa Saras: Pulvirenti est mortu. Sinistra critica sarda: “Nisciuna preneta, ma omicidiu”’
(IlMinuto) – Casteddu, 18 de su mes”e fiàrgiu – “Est un’aturdimentu mannu s’esclusioni de sa FiomCgil de su processu chi at a acrarai de chini funt is crupas de sa morti de is tres operàjus de sa Saras chi si ndi funt andaus su 26 de su mes”e majus de su 2009″. Ddu at nau su segretàriu generali de sa Cgil Enzo Costa. Su sindacau at a presentai “debressi unu recursu contra a s’arrefudu chi at tentu sa dimandha de sa Fiom sarda de si costituiri parti Civili”. Su 26 de su mes”e maju de su Daniele Melis, 29 annus, Luigi Solinas, 27, e Bruno Muntoni, 58 – traballadoris de sa Comesa, dita apaltadora de sa Saras – morriant allupaus po mori de su traballu in Sarròccu. In su mes”e ledàminis de s’annu passau sa Procura de sa Reprúbbica de Casteddu at pediu su rinviu a giudítziu po omicidiu curposu de parti de is capus mannus de sa Saras e de su rapresentanti legali de sa Comesa. Ariseu s’esclusioni de sa Fiom comenti parti civili. Sighi a ligi ‘Processu Saras. Costa (Cgil): “Recursu contra a s’esclusioni de sa Fiom sarda”’
Social
