(IlMinuto) – Casteddu, 2 de su mesi de fiàrgiu – “Libertà Sarda” si presentat. Sabàdu chi benit in Pòrtu Turre (16.00, Saba Museu de su Mari) s’assótzius at amostai su progetu de traballu suu a is tzitadinus, cun s’avansada de “cuntribuiri a mellorai su territóriu nostru, atressu de su fàbricu de unu tempus benidori prus bellu”, acrarendu s’”abisóngiu de indipendentzia de sa Sardigna”. Sighi a ligi ‘Assótzius: in Pòrtu Turre sa presentada de “Libertà Sarda”’
Archíviu de s'argumentu 'movimentus'
(IlMinuto) – Casteddu, 27 de su mesi de gennàrgiu – Sa Sardigna est a su costau de su pópulu No Tav. Ariseru a merì – de pagus oras de s’arrestu de 26 militantis de su movimentu cun d-una operatzioni ghiada de sa Procura de sa República de Torinu – una centina de personis si funt agatadas in pratza República in Casteddu po espressai solidariedadi a is arrestaus cun d-unu sit in. Sighi a ligi ‘“Imoi e sèmpiri No Tav”. In Casteddu sit in apustis de is 26 arrestus de ariseu’
(IlMinuto) – Casteddu, 26 de su mesi de gennàrgiu – De is fueddus a is fatus. Fintzas a imoi funt noi is domus de is Comunus ocupadas de sa Consulta de is movimentus agoa de s’assembrea de martis in Tramatza: Crabònia, Domunoas, Teulada, Ollolai, Itiri Cannedu, Nujvi, Biddacidru e Silìcua. Ariseru sa Consulta chi aghillit a su Mps, a su ”Movimento Artigiani e Commercianti Liberi”, a is autotrasportadoris de “Sardegna in movimento”, a Irs, a Sardigna Natzione Indipendentzia, a su “Movimento Anti-Equitalia”, a su ”Presidio di Viale Trento”, a is “Donne del Digiuno di Viale Trento” e a is “Pratici” at atopau e donau sa solidariedadi a is traballadoris Alcoa chi manifestànt in Casteddu. Sighi a ligi ‘“Consulta de is movimentus”: ocupaus noi comunus, solidariedadi a is traballadoris Alcoa’
(IlMinuto) – Casteddu, 25 de su mesi de gennàrgiu – Ocupai is comunus sardus, blocai is portus cun is mercis in intrada in Sardigna e is arrafinerias, denuntziai is supermercaus arresponsàbilis de no bendi is prodotus sardus. Funt is obietivus printzipalis de sa “Consulta de is movimentus”, nàscia ariseru in Tramatza e filla de un’acórdiu intre su Mps, su “Movimento Artigiani e Commercianti Liberi”, is autotrasportadoris de “Sardegna in movimento”, Irs, Sardigna Natzione Indipendentzia, su ”Movimento Anti-Equitalia”, su “Presidio di Viale Trento”, is “Donne del Digiuno di Viale Trento” e is “Pratici”. “Est netzessàriu – si ligit in d-una nota – a no fai aerrus e dannus a s’ecunumia nostra giai posta mali e a sa genti nostra, evitendi po su mamentu is blocus a is arrugas”. Sighi a ligi ‘“Prontus a ocupai is comunus sardus”. In Tramatza nascit sa “Consulta de is movimentus”’
(IlMinuto) – Casteddu, 25 de su mesi de gennàrgiu – “Su tardamentu de su pagamentu de is assignus de agiudu a is malàdius de anemia mediterrànea chi bivint in su comunu de Casteddu est fadendu istrobus mannus a is malàdius etotu e a is famílias insoru”. Est cantu denuntziat cun d-una nota Maria Grazia Caligaris, presidenti de s’assótziu ”Socialismo Diritti e Riforme”. Sighi a ligi ‘Sanidadi. Sdr: “In Casteddu assignus de agiudu a is malàdius de anemia mediterrànea in tardamentu mannu”’
(IlMinuto) – Casteddu, 24 de su mesi de gennàrgiu – Est po oi, agoa de una fibera de atrassaduras, sa senténtzia de su protzessu a su responsàbili de su sistema gestioni ambientali de sa Portovesme srl e a sa responsàbili de sa gestioni arrefudus de su mantessi istabilimentu. Personis acusadas de ai cumandau s’interramentu abusivu de deximilla metrus cubus de arrefudus industrialis de s’azienda – 15.000 tonnelladas de arrefus toscus e noxilis – in is tretus de Setimu, Serramanna e asuta de s’arruga de s’ispidali Businco, in Casteddu. Po sa senténtzia su Comitau “Carlofortini Preoccupati” at promòviu un’àteru sit in de protesta, a faci a s’intrada de su Tribunali de Casteddu, in pratza Repúbrica. Sighi a ligi ‘Protzessu Portovesme srl: oi sa senténtzia. Sit in a faci de su Tribunali de Casteddu’
Social
