Archíviu de s'argumentu 'movimentus'
(IlMinuto) – Casteddu, 22 de su mesi de ledàminis – Sa Consulta Rivolutzionària infervorat a su pópulu de is traballadoris sardus. Nàscia difatis comenti istrumentu de lota populari, s’organizatzioni bolit rapresentai a is milla e prus de milla traballadoris sardus unius de unu programa e de unu obietivu comunu: su de fundai un’area de cunfrontu, de adesioni e de participatzioni populari chi aceddat in Sardigna a totus is tzitadinus, a is movimentus e a is organizatzionis sotzialis e produtivas. In pagu fueddus po donai boxi a totus is sardus, poita onniunu potzat pigai parti cun is próprius propostas a fabricai una Sardigna noa, un’ísula chi castit a modellus nous de isvilupu chi remplasint a is disusaus chi ant portau a su pópulu sardu in s’isprofundu. “Sa Consulta – si ligit in pàgini facebook de su grupu – proponit de èssiri unu laboratoriu permanenti e giranteri chi favoressat s’arrexonu colletivu”. Sighi a ligi ‘Pópulu ainnantis : sighit sa martza de sa Consulta Rivolutzionària’
(IlMinuto) – Casteddu, 5 de su mesi de ledàminis – No si frimat su traballu de sa Consulta Rivolutzionària. A pustis de Tramatza e Utieri ant essi Teulada su 6 de su mesi de ledàminis a is 19.00 in su Palatzeddu de s’isport, Silìcua s’8 in su “Montegranatico” a is 19.00, Pòrtu Turre su 9 in sa saba Filippo Canu in cursu Vitoriu Manueli a is 18.30, Lanusèi su 12 a is 10.30 in s’ititutu Enaip e in Ulìana a is 10.30 in s’auditorium de is iscolas médias is logus chi ant a aghilliri a is assembreas benientis. A pustis de ai firmau in Utieri su primu ordiminzu de puntus cundividius, zeurra de unu traballu chi at a cresci sèmpiri de prus e chi s’at a isvilupai e s’at a aprontai mellus in is atopus chi benint, is assembreas ordingiadas de sa Consulta ant a aghilliri a totus is fortzas netzessàrias po sa manifestada manna de su Pópulu sardu chi a intre de pagus tempus at a lompi in Casteddu pedendu is dimmissionis prontas de totus is consilleris regionalis, siat de majoria ca de opositzioni. “A sa destrossa fata de su colonialismu italianu – comentat in d-una nota de imprenta a Manca pro s’Indipendentzia – e de is paraímpius, sa Consulta arraspundit cun d-unus cantu de puntus istratégicus chi depint essi aplicaus debressi”. Sighi a ligi ‘S’impulsu forti de sa Consulta Rivolutzionària. Atopus benientis’
(IlMinuto) – Casteddu, 1 de su mesi de ledàminis – S’ex “Bocciodromo” de Pòrtu Turre torrat a pigai vida. A si dda torrai, cenàbara passau, cun sa màssima ”ocupai po liberai”, est su movimentu Ncl, “Noi Contro Loro”. S’istrutura de sa bidda de sa Sardigna de Tramuntana chi de diversus annus furiat posta mali imoi torrat a abidai e diventat unu Tzentru Sotziali Autogestiu. Istresiendi su discùidu, s’ex “Bocciodromo” si iat a depi difatis trasformai – si ligit in d-una nota de imprenta - in d-”unu Logu creativu e ‘aggregativo’, modernu e innovativu, prontu a si cunfrontai cun su valori traditzionali e arrexinau de sa tzitadi, atressu de programatzionis sèmpiri noas, didàticas e de serbítziu sotziali e culturali”. A petus de s’istadu de crisi chi ferrit a sa Sardigna, Ncl si furriat circhendi de avalorai sa tzitadi de Pòrtu Turre, una de is realidadis isulanas connotas po su disacatu e s’abandonu. Sighi a ligi ‘S’ex “Bocciodromo” de Pòrtu Turre torrat a pigai vida cun Ncl’
(IlMinuto) – Casteddu 17 de su mesi de cabudanni – Si respirat ària de rennovamentu in Sardigna. Su 14 de su mesi de cabudanni passau, difatis, in Tramatza un’assembrea stibia de centinas de Sardus s’est pinnicada po nai basta a una classi política chi no at mai fatu is interessus de s’ísula, chi dda at isprupada comenti chi fessat propriedadi privada, fosilendi a is traballadoris e bocendi cumpartus produtivus intreus . Cun d-unu brìnchidu felinu chi abruxat a totus, su pópulu traballadori sardu – pastoris, artesanus, operàjus, impiegaus, istudiantis e pensionaus – at donau is nascidas a sa Consulta Rivolutzionària, chi manifestat sa boluntadi frima de cabai in campu po salvai a sa terra sua annullendi su Consillu Regionali. Su sugetu si proponit comenti agu políticu chi iat a depi fai papai prúini a is partidus italianus chi ant fatu diventai sa Sardigna s’umbra de cussa etotu. Sighi a ligi ‘Su Beranu de su Pópulu Sardu. In Tramatza nascit sa Consulta Rivolutzionària’
(IlMinuto) – Casteddu, 2 de su mesi de martzu – “Contra a s’arrumpellamentu de sa fuliesa lestra de parti de sa genti No Tav, benint impitadas normas a parti, beras régulas de ocupatzioni militari de su Bacu”. Cun custus fueddus su Casteddu social forum espressat sa solidariedadi sua a sa lota paxiosa de su pópulu No Tav de su Bacu de Susa e po su prus a Luca Abbà, massarzu abarrau fulminau po “difendi su traballu e sa dignidadi sua de tzitadinu”. In d-unu documentu su Csf denuntziat is arriscus po s’ambienti e po is personis e s’isperdítziu mannu de risossas chi est acapiau a custa òpera. “Su costu de sa Tav – scririt su Casteddu social forum – est de 30-40 miliardus de eurus, e iat a essi una sangradura manna po is càscias statalis […]. Sighi a ligi ‘“Bacu de Susa ocupada de is militaris”. Sa solidariedadi de su Casteddu social forum a su pópulu No Tav’
(IlMinuto) – Casteddu, 2 de su mesi de martzu – Arrestaus lúnis a mangianu po violèntzia e arrepellada a Públicu Ufitziali, is duus manifestantis de su comitau “S’Arriedu po Narabuja”, Nello Schirru e su fillu Alessandro, funt stétiu cundennaus s’unu e s’àteru a duus e tres mesis po ai pigau parti a sa frimada de su cantieri innoi funt tucaus is traballus de fàbricu de s’impiantu fotovoltaicu de serras gigantis de s’EnerVitaBio de Ravenna. Is duus imputaus ant sceberau de patuiri otenedi aici is penas firmadas e sa cunditzionali. Su firmu e sa negoziatzioni de is duus manifestantis at intzitau is reatzionis de políticus e traballadoris sardus. ”Un’atu malibistu e de amaletzu grai meda, chi s’incuadrat in d-unu clima de repressioni de totus is movimentus chi nascint de bisóngius e de allacanamentu de is territóriu síngulus” cumentat Claudia Zuncheddu, Consilleri regionali Indipendentistas. Sighi a ligi ‘Trumbullu e arràbiu po arrestu menbrus comitau “S’Arriedu po Narabuja”. Sa solidariedadi de Sinistra Cristica Sarda, Zuncheddu Indipendentistas e Cordinamentu Precàrius Iscola Aristanis’
(IlMinuto) – Casteddu, 10 de su mesi de fiàrgiu – “Problemas ténnicus i económicu funt frimendi su fàbricu de su Galsi”. Est cantu scriri s’agentzia Reuters su 6 de su mesi de fiàrgiu cumentendi is fueddus de su Ministru de s’Energia algerinu Youcef Yousfi a su giornali El Khabar. “Po su progetu Galsi – at decrarau su ministru – is sótzius funt abetendi is cunditzionis económicas e ténnicas netzessàrias”. Is dichiaras de su rapresentanti de su Guvernu algerinu, chi no at acrarau cali siant is chistionis económicas e ténnicas, funt stétias cumentadas de su Comintau “ProSardegnaNoGasdotto”. Sighi a ligi ‘“Galsi frimau de problemas ténnicus i económicus”. Comitau NoGasdotto: “Òpera in decadéntzia”’
(IlMinuto) – Casteddu, 6 de su mesi de fiàrgiu – Su Consillu de Istadu “bullat” a su Retori de s’Universidadi de Casteddu. Nisciuna nova, a su mamentu, est stétia publicada in sa primu pàgini de su giassu de s’Ateneu de Casteddu, ma una senténtzia depositada su 2 de su mesi de fiàrgiu passau donat arraxoni a is istudiantis in decadessimentu. Is artículus 37 e 57 de su regulamentu carrieras po is istudiantis de s’Universidadi de Casteddu, cussus apitzus de su decadessimentu de chini no est in cursu cun is esàminis, andant annullaus – acrarat sa senténtzia – ma scéti in is partis chi faint dannu a chini iat fatu ricursu in primu gradu. Sighi a ligi ‘Universidadi de Casteddu: su Consillu de Istadu donat arraxoni a is istudiantis in decadessimentu. PO su mamentu nisciuna nova in su giassu Unica.it’
(IlMinuto) – Casteddu, 2 de su mesi de fiàrgiu – “Libertà Sarda” si presentat. Sabàdu chi benit in Pòrtu Turre (16.00, Saba Museu de su Mari) s’assótzius at amostai su progetu de traballu suu a is tzitadinus, cun s’avansada de “cuntribuiri a mellorai su territóriu nostru, atressu de su fàbricu de unu tempus benidori prus bellu”, acrarendu s’”abisóngiu de indipendentzia de sa Sardigna”. Sighi a ligi ‘Assótzius: in Pòrtu Turre sa presentada de “Libertà Sarda”’
Social
