Archíviu de s'argumentu 'música'
(IlMinuto) – Casteddu, 5 de su mesi de paschixèdda – Est aprontau de su grupu folk Onnigaza po sàbudu 8 de su mesi de paschixèdda s’avenimentu “Atopus de Música Populari 2012″, chi lómpiu a sa XXVII editzioni s’at a isboddiai in sa Turri Aragonesa de Ilàrtzi a cumentzai de is 16.30. S’atóbiu di ocannu at tenni po títulu “Sonos de festa” e at essi dedicau a su raportu intre música e festa in Sardigna. Contestus e vàrias espressionis, traditzioni e innovatzioni, mudamentus e paticipatzioni ant essi is allegas isvilupadas in su merì. S’intentu est su de donai una mirada a is espressionis musicalis traditzionalis analizendi música ‘strumentale’ e cantu, e profundendi is contestus siat profanus ca sacrus. E galu, s’at a atinai asuba de su divulgamentu de sa música traditzionali e asuba de is contestus de impitu de istrumentus musicalis particularis. Aintru de s’atopu s’ant a marcai puru is raportus chi ddoi funt in Sardigna intre is músicas de traditzioni orali e is festas. Sighi a ligi ‘A sa XXVII editzioni “Atopus de Música Populari”’
(IlMinuto) – Casteddu, 29 de su mesi de totussantus – Sa Biblioteca comunali Grassia Deledda de Lungone aderit a “Nàscius po sa Música”, unu progetu dedicau a is pipius chi andant de is 0 a is 6 annus po ddis fai connosci sa cultura musicali. Sa proposta est fata cun s’agiudu de su Tzentru po sa Saludi de su Pipiu, s’Assótziu culturali pediatras, s’Assótziu Italianu Bibliotecas e s’iscola de sa bidda. Su progetu, chi previdit unu programa arricu, s’at a isboddiai de su 6 a su 28 de su mesi de paschixèdda e s’at a intitulai “Caboris in Música”. Sighi a ligi ‘Caboris in Música: su progetu de annestru a sa música po pipius’
(IlMinuto) – Casteddu, 28 de su mesi totussantus – Tenit po títulu “The Secret Life of Parks – s’ispetàculu de sa vida in is parcus de sa Sardigna e de sa Córsica” e s’at a isboddiai in “prima assoluta” in is aposentus de su Teatru Verdi de Tàtari. S’avenimentu, fabricau cun música e màginis asuba de una bidea de Vittorio Gazale diretori de su Parcu Regionali de Portu Conti e de su Parcu Natzionali de Madalena, est stétiu prodúsiu de “Ísula de is Sonus” cun sa diretzioni artística de Enzo Favata, chi, impari a Marcello Peghin, Danilo Gallo e U.T. Gandhi at a sonai in su palcu. Sighi a ligi ‘Atopus: in Tàtari e Casteddu is duas frimadas de “The Secret Life of Parks”’
(IlMinuto) – Casteddu, 5 de su mesi de totussantus – Duus nòminis chi faint sa Sardigna galu prus manna. Su regista e su tenori nugoresus, difatis, ant a pigai, su prémiu Montblanc su 9 de su mesi de totussantus chi benit, sa primu diri de “Majia de Ierru”, is tres diris de festa aprontadas dógnia ddus annus de sa Gioieria Rosas 1945, chi ocannu s’ant a isboddiai in is aposentus de su Museu Tribu de Nùgoro. “Is duas pinnas pretziadas – si ligit in su comunicau de imprenta - ant essi intregadas in sa biblioteca de s’Isre”. Salvatore Mereu, est autori de numerosus films chi ant tentu una ditza manna, e chi ddu ant portau a binci prémius de importu, própriu in custas diris est in is sabas sardas e in is de sa penísula cun “Bellas Mariposas”, òpera pigada de su romanzu de Sergio Atzeni. Sighi a ligi ‘Su Prémiu Montblanc a Salvatore Mereu e Piero Pretti’
Social
