(IlMinuto) – Casteddu, 3 de su mesi de fiàrgiu – “A pagu diris de sa tucada de sa campagna ‘Sos supermercados bochint s’economia sarda’ si benit a sciri ca 36 personis, cun incàrrigus políticus de importu mannu, funt acusadas de essi conis in s’afàriu Tanit: consilleris comunalis, aministradoris e apaltadoris funt trisinaus in d-un’istória de tentada concussioni, tentada corrutzioni, aprofitu de ofítziu”. Est cantu scririt in d-unu comunicau a Manca pro s’indipendentzia. Sighi a ligi ‘Supermercaus: a Manca apitzus de afàriu Tanit in Tàtari’
Archíviu de s'argumentu 'partidus'
(IlMinuto) – Casteddu, 1 de su mesi de fiàrgiu – “In Sardigna a oi tenni una laurea fortzis no est prus unu privilégiu de pagu genti, ma est, comentisiollat, sèmpiri po una fita pitica de sa populatzioni e no est nimancu su primu e s’únicu títulu chi su mercau de su traballu pedit. Su Master & Back arriscat de fabricai aici cumpeténtzias scapiadas de sa dimanda bera de traballu e de connoscéntzias”. Est cantu denuntziat ProgRes cun d-una nota de imprenta. Po sa fortza política indipendentista su progetu andat acumpangiau de un’àtera proposta, chi andit beni po is cumpeténtzias beras chi s’agatant in Sardigna: Expert & Back. Sighi a ligi ‘Imparu e traballu. Sa proposta de ProgRes: “De Master & Back a Expert & Back”’
(IlMinuto) – Casteddu, 1 de su mesi de fiàrgiu – Lúnis a merì su Consillu comunali de Pòrtu Turre at aprovau a cuncórdiu – gràtzias a una proposta de su grupu “Sa Manca po Pòrtu Turre” – una motzioni chi est favoràbili a su fàbricu de su Galsi: su metanodotu Algeria Sardigna Itàlia. Apitzus de sa cosa fueddat cun d-una nota a Manca pro s’Indipendentzia, chi definit su votu “afrentosu”. Sighi a ligi ‘Su Consillu comunali de Pòrtu Turre votat eja po su Galsi, aMpI: “Votu afrentosu e lingidori”’
(IlMinuto) – Casteddu, 31 de su mesi de gennàrgiu – “Amentai a sa Comissioni sanidadi de Consillu regionali ca su diritu a sa saludi de is sardus no podit fai de mancu de is ispidalis chi s’agatant in biddixeddas comenti Itiri Cannedu e Tièsi”. Cun custu obietivu Sardigna Natzione Indipendentzia at aprontau po custumerì unu sit in asuta de is pórcius de bia Roma, in Casteddu. Sa manifestada at a cumentzai a is 15.30, duas oras primu de su cumentzu de s’assembrea de sa Comissioni Sanidadi. Sighi a ligi ‘Sanidadi: in Casteddu sit in de Sni po salvai is ispidalis de is biddixeddas’
(IlMinuto) – Casteddu, 30 de su mesi de gennàrgiu – S’Ispidali de Itiri Cannedu no si tocat! Est custu su pentzu de sa setzioni de Itiri Cannedu de Sardigna Natzione Indipendentzia, chi proponit a sa genti de su logu una fibera de bideas po difenti e po mellorai s’istrutura. Sighi a ligi ‘“Cabai is manus de s’Alivesi”. Is propostas de Sardigna Natzione po s’ispidali de Itiri Cannedu’
(IlMinuto) – Casteddu, 30 de su mesi de gennàrgiu – Su Guvernu Monti rafrenat cun sa fortza “dógnia disacórdiu a su programa suu in difesa de is interessus de is bancas e de su capitalismu internatzionali”. Est cantu denuntziat su Pcl de sa Sardigna cun d-una nota de imprenta in difesa de su diritu de manifestai liau de is guvernus Berlusconi e Monti. Sighi a ligi ‘“Su Guvernu Monti arrafudat a is operàjus Alcoa su diritu a manifestai in Roma”. Sa denúntzia de su Pcl Sardigna’
(IlMinuto) – Casteddu, 26 de su mesi de gennàrgiu – Cali iscolas chi s’agatant in su comunu de Casteddu ant essi soprimias de su pranu “dimensionamento scolastico” 2012/2013? Ita pentzat de fai s’aministratzioni comunali de Casteddu po difendi is istitutzionis iscolàsticas de su própriu territóriu e po su prus is chi funt in bixinaus chi tenint istrobus mannus comenti Sant’Elia, Santa Teresa in Pirri e Is Mirrionis? Est cantu pedit, cun dun’interrogatzioni apretosa a s’assessori comunali a s’Istrutzioni, su consilleri comunali de is Rossomori Giuseppe Andreozzi. Sighi a ligi ‘Imparu. Andreozzi (Rossomori): “Ita fait su comunu de Casteddu po salvai is iscolas de su territóriu?’
(IlMinuto) – Casteddu, 24 de su mesi de gennàrgiu – Unu pisci arrúbiu, su butegheri o produsidori, ingiriau de is piscis nieddus de is supermercaus prontus a ddu scataxai. Est custa sa màgini impitada de a Manca pro s’Indipendentzia po promovi “Sos supermercados bochint s’economia sarda!”, sa campagna chi cumbidat a is sardus a “disertai is tzentrus cumertzialis”. Sa proposta est stétia presentada cida passada in Tàtari, tzitadi – est stéstiu acrarau – “chi s’agatat in su primu postu de sa classífica de isvilupu de is tzentrus cumertzalis e chi primu puru in sa classífica de su disimpreu giovanili cun su 54,3%”. A cantu narat su fascìculu de a Manca is supermercaus si faint fortis gràtzias a sa trampa traballu: centinas de postus de traballu promìtius, ma fintus. Sighi a ligi ‘“Sos supermercados bochint s’economia sarda!”, aMpI denuntziat “sa trampa traballu” de is supermercaus’
(IlMinuto) – Casteddu, 23 de su mesi de gennàrgiu – Ponni unu fiotu regionali sardu puru po is trenus. Est custa s’idea de ProgRes po sboddiai sa chistioni de is trasportus ferruviàrius in Sardigna. Sa scuadra indipendentista denuntziat su “serbítziu malu” de Trenitalia. “Unu serbítziu públicu chi no funtzionat comenti su de is trasportus – acrarat ProgRes – est inevitàbili chi dongat istrobus mannus a totu sa sotziedadi: is diritus printzipalis comenti su traballu e s’istudiu, fatuvatu benint fertus de tardamentus, cursas liadas e billeterias ausentis”. Sighi a ligi ‘“Tocat a dd’acabai cun Trenitalia. Unu fiotu regionali sardu puru po is trenus”. Sa proposta de ProgRes’
(IlMinuto) – Casteddu, 16 de su mesi de gennàrgiu – “Ses de acórdiu comenti bófiu de su diritu de is Natzionis unias a sa conchiasta de sa libertadi de su pópulu sardu cun s’indipendentzia?”. Cun custus fueddus sàbudu passau est stétiu presentau, in d-una cuferéntzia de imprenta in Casteddu, su referendum po s’indipendentzia promòviu de su movimentu Paris–Malu Entu. Intre pagus diris at cumentzai s’arregorta de is firmas po su referendum promòviu – est stétiu acrarau in sa cuferéntzia – asuba de su printzípiu giurídicu e políticu de sa “soverania de is pópulus”. No totus is fortzas indipendentistas pentzant perou ca is tempus siant cumprius po una votatzioni de custu importu. Sighi a ligi ‘“Unu referendum po s’indipendentzia de sa Sardigna”, cumentzat s’arregorta de is firmas de Malu Entu. Is dúbius de ProgRes e aMpI’
Social
