(IlMinuto) – Casteddu, 26 de su mesi de làmpadas – Est prevìdiu po su 29-30 de su mesi de làmpadas e po su 3-4 de su mesi de argilas s’avenimentu ”Ideas Foras de s’Arbutzu”, nàsciu de su traballu públicu-privau intre s’Aministratzioni comunali, su tzentru Naturale Apice, s’Assótziu turisticu Pro Loco Guspini e s’Agentzia Regionali po s’isvilupu de sa messarítzia Laore. Una manifestada chi bit su trisinamentu de Provìntzia de su Campidanu de Mesu, se du casifítziu Bussu, de s’Armentizia Moderna e de is diversas aziendas chi ant pigau parti a osa donendi su própriu agiudu culturali e produtivu in nòmini de “un’idea comuna de ecunumia sostenibili”. Sighi a ligi ‘“Ideas Foras de s’Arbutzu”. Is brebeis in s’ecunumia guspinesa’
Archíviu de s'argumentu 'pastori'
(IlMinuto) – Casteddu, 3 de su mesi de maju – Felice Floris, Andrea Cinus e Priamo Cottu, is tres allevadoris sardus acusaus de manifestada no autorizada, agràbiu, fortilesa e tzacaduras amalescidas in is cunfrontus de is fortzas de s’órdini, ariseru 2 de su mesi de maju funt stétiu atrassaus a giudítziu de su Gup de su tribunali de Civitavecchia a pabas de sa dimanda de sa Procura de sa Repúbrica. Is tres pastoris, chi faint parti de su Movimentu Pastoris Sardus, ddu amentaus, manifestànt, impari a su movimentu de issus etotu, po denuntziai su prétziu de lu lati bàsciu meda – ingíriu de 60 centésimus a su litru – chi at arruinau su cumpartu produtivu insoru. Cabaus de is nais is allevadoris funt stétius frimaus de is fortzas de s’ órdini chi ddis ant impediu de passai s’acorru de su portu, frimendu aici sa manifestada de protesta aprontada in Roma. Sa primu udiéntzia de su protzessu, ananti de su giugi “monocratico”, est stétia fissada po su 15 de su mesi de ledàminis. Sighi a ligi ‘Manifestada Mps 28 de su mesi de paschixèdda de su 2010. Atrassaus a giudítziu is tres pastoris’
(IlMinuto) – Casteddu, 3 de su mesi de maju – Su 28 e su 29 de su mesi de arbili passau, s’est tenta in Barumini, in is stand fieristicus, sa mostra mercau de is mascus sceberaus de arratza sarda. Su radunu, assenti de diversus annus, at biu un’acudita manna de allevadoris e de curiosus tenendu e puru una fortuna bella po is béndidas e po is cuntatus. Sa manifestada filla de una bidea de unu comitau de allevadoris est stétia amparada de su Comunu de Barumini e de sa Provìntzia de su Campidanu de Mesu. Sighi a ligi ‘In Barumini in mostra is mascus de genealogia arta’
(IlMinuto) – Casteddu, 21 de su mesi de paschixèdda – Ita fini at fatu su dinai de s’Unioni Europea po is pagamentus prevìdius de s’artículu 68 e chi ant a depi essi fatus in deretura a is pastoris? Est sa pregunta chi de unus cantu cidas si faint is centinas de allevadoris e massarzus de sa provìntzia de Tàtari chi a oi no ant arriciu nudda po sa campannia de su 2010. A denuntziai sa cosa cun d-una nota est sa Coldiretti Tàtari. “A oi – si ligit in sa nota – scéti calencuna azienda at pigau su Prémiu chi ddi spetàt”. Sighi a ligi ‘Pastoria: aundi est su dinai de s’artículu 68?’
(IlMinuto) – Casteddu, 28 de su mesi de totussantus – Diri de protesta in Roma po su Movimentu Pastoris Sardus. Cras a mangianu Mps at pigai parti cun is arrapresentantzias de Sicilia, Toscana, Laziu e Abrutzu a unu sit in aprontau po su Forum de Roma (Tzentru Cungressus Palatzu Rospigliosi, 9.00) cun sa preséntzia de su cummissàriu europeu a sa Messarítzia e s’Isvilupu Rurali, Dacian Ciolos, de su ministeru a is Políticas Agriculas, Mario Catania, e de su vicepresidenti de sa comissioni messarítzia de su senau, Paolo De Castro. Sighi a ligi ‘Pastoria: cras sit in Mps in su Forum de Roma’
(IlMinuto) – Casteddu, 1 de su mesi de totussantus – Su sicori de su 2011 at fatu dannu mannu a sa messarítzia e a sa pastoria de sa Sardìnnia. Est cantu denuntziat cun d-una nota Felice Floris, rapresentanti de su Mps. “In is satus – denuntziat Floris – sa cosa est posta mali meda, is campus funt sicus e is bestias funt inserradas in is acorrus in cunditzionis piedosas e is provistas de su musúngiu funti spaciendi. Unu sicori chi, po Mps, at fatu unu “dannu chentza de torrada”. Sighi a ligi ‘Sicori. Floris (Mps): “Destrossa manna po totu sa Sardìnnia”’
(IlMinuto) – Casteddu, 21 de su mesi de ledàminis – “Teneus novas tzertas chi narat ca in sa mesa de su Ministru Fazio ddoi siat giai prontu unu pragoni po brivai s’esportatzioni de petza de procu de sa Sardìnnia”. Est cantu denuntziat cun d-una nota impensamentada su Movimentu Pastoris Sardus. Po Mps, difatis, chi su rapresentanti de su Guvergu Berlusconi at a firmai su pragoni iat essi “sa morti tzerta de su cumpartu chi in Sardìnnia est fatu de 15mila aziendas cun pagu prus de 180milla procus”. Sa petza nostra – si ligit in d-una nota – “est controllada fintzas a s’arroscentzia mentris is animabis chi intrant in Sardìnnia no funt controllaus o mellus is controllus funt fatus mali, comenti eus biu po is crabas impestadas de “brucellosi” ci lompiànt de sa Sapagna”. Sighi a ligi ‘Allevamentu. Mps: “Nisciunu controllu beru asuba de sa petza furestera. Prontus a presidiai is portus”’
(IlMinuto) – Casteddu, 29 de su mesi de cabudanni – “Fai unu prétziu de su lati capatzu de assigurai su tempus benidori a is impresas de is pastoris”. Cun custu obietivu Coldiretti Sardìnnia at pediu a s’assessori regionali a sa Messarítzia, Oscar Cherchi, de avisai in pagu tempus una mesa de su cumpartu de sa pastoria. “Is impresas de is pastoris no podint prus abetai – scririt su presidenti de Coldiretti Sardìnnia, Marco Scalas – teneus s’abisóngiu de programai s’incaminada de sa campannia tenendi una tzerta seguresa”. Sighi a ligi ‘Coldiretti: “Pastoris obrigaus a ‘donai in prenda’ su lati”’
(IlMinuto) – Casteddu, 26 de su mesi de austu – Protesta a duus frimadas po su Movimentu Pastoris Sardus. Custu mangianu pagu prus de 200 pastoris de Mps ant manifestau primu a faci de is domus aministrativas de Argea e Laore in bia Caprera, in Casteddu, po protestai – comenti at acrarau a IlMinuto Andrea Cinus “contra a su tardamentus in is pagamentus de is agiudus comunitarius chi iaus ai depiu arriciri de mesis meda e chentza de is calis is aziendas nostras no podint bivi poita no podint pagai is pagamentas de s’Inps”. A is 11.30 s’est detzidiu de si movi: is pastoris ant improvisau unu corteu chi in dexi minutus ddus at portaus a faci de s’intrada de Villa Devoto – in bia Oslava – innoi dooi furiat giai un’atopu intre su presidenti de sa Regioni Sardìnnia, Ugo Cappellacci, e una delegatzioni de parlamentaris sardus asuba de s’acontéssia de is comunus chi bolint liai cun sa manuvra TRemonti. Mps est lompiu a faci de Villa Devoto cun d-una dimandacrara: atobiai Capellacci e is parlamentaris sardus po pediri determinus a is chistionis de sa pastoria. Sighi a ligi ‘Movimentu pastoris sardus: in 200 chentza de nai nudda primu, a faci de Villa Devoto’
Social
