Sa fine ‘e freazzu b’ ìada un’ isbirru
in d’onnia intrada a perras de manzanu;
firmande in grundu cun su frenu a manu
in nue ‘ pruìne n’des caladu Ischirru;
in su lentòre de su primu ‘eranu
mezzos e camios firmàus in s’atru chirru,
e sa campagna a canta e Narbolia
si prene de battalla e polizia. Sighi a ligi ‘CANZONE PRO S’ARRIEDDU ‘E NARBOLIA’
(IlMinuto) – Casteddu, 13 de su mesi de fiàrgiu – [...] Sa nébida s’imprentat comenti mudesa asuba de sa peddi mia, m’imboddiat intre is bratzu suus fridus. Mi spollincat de is caboris, mi ndi lat s’aidu. [...] [Anna Cinzia Paolucci 'LA CASA DINS LA BOIRA (NELLA NEBBIA)']
Custumerì, a is 19.30 in is aposentus de sa saba Manno de bia Marconi in S’Alighera torrat s’atopu cun “IS LÚNIS DE SA POESIA”. Comenti sèmpiri su protagonista de is recitals at essi Pier Luigi Alvau. Custa cida sa boxi sua frima e forti at a interpretai is versus de Anna Cinzia Paolucci, artista chi at sceberau de impitai su catalanu de S’Alighera po sa poesia sua. Sighi a ligi ‘“IS LÚNIS DE SA POESIA”: in S’Alighera Alvau ligit a Paolucci’
(IlMinuto) – Casteddu, 30 de su mesi de gennàrgiu -
Terra fort’e gentile, custu cantu
est su saludu chi non t’hapo dadu
in s’attu chi, partinde, su piantu
cuss’estremu consolu m’hat negadu. [...] (Peppinu Mereu)
Peppinu Mereu est stétiu unu de is puetas in língua Sarda prus importantis de sa fini de s’Otuxentus. Una vida de abisóngius sa sua: a bintinoi annus sa maladia chi dd’at trumentau totu sa vida fintzas a ddi ndi liai su súlidu,. Comenti donu s’at lassau is òperas suas miríficas. Sa Sardigna amentat una de is boxis suas prus bellas cun su cuncursu de poesia in língua sarda “Pro custa terra rosas e beranos”, aprontau de su Colletivu Peppinu Mereu de Tonara. Sighi a ligi ‘“Pro custa terra rosas e beranos”. Unu bandu de poesias po amentai a Peppinu Mereu’
(IlMinuto) – Casteddu, 6 de su mesi de paschixèdda – S’at tenni domínigu 11 de su mesi de paschixèdda in “I Sufeti” de Sant’Antiogu, a is 18.00, su ligimentu públicu de Giovanna Mulas a tema políticu e sotziali. Ligimentu públicu chi nascit de una bidea de su Comitau “No Radar Capo Sperone” de sa bidda in sa provìntzia de Crabònia-Igrèsias. Sa scriidora e cantadora Giovanna Mulas, at torrai a annoai in custu atopu puru, atressu de sa maia de is fueddus suus, s’impínniu artísticu e sotziali chi mandat ainnantis, un’impínniu giai nódiu in totu sa carriera sua. Sighi a ligi ‘Avenimentus: in Sant’Antiogu ligimentu públicu de Giovanna Mulas’
(IlMinuto) – Casteddu, 22 de su mesi de totussantus – Sinistra Critica Sarda s’allirgat po s’assolutzioni e sa liberatzioni – agoa de 29 mesis de impresonamentu preventivu – de Bruno Bellomonte. Po su cordinamentu sardu de s’organizatzioni anticapitalista e anticolonialista sa senténtzia de ariseru est “unu corpu mannu a sa cassa a is istregas contra a su comunismu e contra a s’indipendentismu, marcatismu beru a s’italiana, chi at biu un’àtera borta a su dirigenti de aMpI comenti vitima”. Cassa a is istregas chi po Sinistra Critica sighit cun s’obertura de s’operatzioni Arcadia e cun s’atrassadura a giudítziu de 18 militantis indipendentistas de manca. Sighi a ligi ‘“Bruno est líberu”. Sinistra Critica Sarda: “Assolutzioni corpu mannu a su marcatismu a s’italiana” Mulas dedicat ligimentu públicu a Bellomonte. Sa felicidadi su Minadori arrúbiu’
(IlMinuto) – Casteddu, 18 de su mesi de totussantus – S’at a tenni oi, a is 18.30, in is aposentus de s’auditorium de sa Boblioteca Sebastiano Satta, in pratza Asproni in Nùgoro sa presentada de su film documentàriu de Ignazio Figus “Il Coraggio e la Poesia – Voci della poesia logudorese”. A s’avenimentu ant a fueddai, s’autori, is poetas Giovanni Fiori e Giovanni Piga. Sighi a ligi ‘Avenimentus: in Nùgoro “Il Coraggio e la Poesia” de Ignazio Figus’
(IlMinuto) – Casteddu, 14 de su mesi de totussantus – Ligimentu púbblicu cun sa poesia de Giovanna Mulas po sa Diri mondiali contra a sa violéntzia asuba de is féminas. Cenàbara 25 de du mesi de totussantus a is 18.00, in is aposentus de su Palatzu Régiu in Casteddu – in d-unu merì aprontau de d’Assótziu onlus Timbora cun s’apógiu de sa Provìntzia, de sa Comissioni “Pari Opportunità” de sa Provìntzia e de su Comunu – Giovanna Mulas at a fueddai de sa cosa impitendi is versus suus: Sighi a ligi ‘Avenimentus: is fueddus de Giovanna Mulas contra a sa violéntzia asuba de is féminas’
(IlMinuto) – Casteddu, 7 de su mesi de totussantus - “Fai poesia est comenti fai a s’amori: no as a sciri mai si su prexu tuu est cundividiu.” (Cesare Pavese)
Est po oi su primu atopu de sa VII editzioni de is Lúnis de sa Poesia, dónn’annu promòvia de Pier Luigi Alvau. Is protagonistas de oi ant essi is versus de Giuseppe Piras, mortu primu de s’ora su mesi de martzu passau. Sighi a ligi ‘Avenimentus: in S’Alighera torrant is “Lúnis de sa Poesia”’
(IlMinuto) – Casteddu, 13 de su mesi de ledàminis – Sa sarda Giovanna Mulas, s’argentinu Gabriel Impaglione e su cubanu Alex Pausides. Ant essi is protagonistas de su ligimentu públicu “Cuba, Sardìnnia, Argentina in poesia”, in programa sàbudu 15 de su mesi de ledàminis a is 20.00 in sa Domu de su Pópulu. Sighi a ligi ‘“Cuba, Sardìnnia, Argentina in poesia”: in sa Domu de su Pópulu de Bosa unu merì cun Mulas, Impaglione e Pausides’
