(IlMinuto) – Casteddu, 24 de su mesi de gennàrgiu – Unu pisci arrúbiu, su butegheri o produsidori, ingiriau de is piscis nieddus de is supermercaus prontus a ddu scataxai. Est custa sa màgini impitada de a Manca pro s’Indipendentzia po promovi “Sos supermercados bochint s’economia sarda!”, sa campagna chi cumbidat a is sardus a “disertai is tzentrus cumertzialis”. Sa proposta est stétia presentada cida passada in Tàtari, tzitadi – est stéstiu acrarau – “chi s’agatat in su primu postu de sa classífica de isvilupu de is tzentrus cumertzalis e chi primu puru in sa classífica de su disimpreu giovanili cun su 54,3%”. A cantu narat su fascìculu de a Manca is supermercaus si faint fortis gràtzias a sa trampa traballu: centinas de postus de traballu promìtius, ma fintus. Sighi a ligi ‘“Sos supermercados bochint s’economia sarda!”, aMpI denuntziat “sa trampa traballu” de is supermercaus’
Archíviu de s'argumentu 'precàrius'
(IlMinuto) – Casteddu 12 de su mesi de gennàrgiu – Denuntziai un’àtera borta sa política de is tàglius fatus a s’iscola pública. Cun custu obietivu su Cordinamentu Precàrius Iscola Aristanis promovit un’isciòpiru de su fàmini a stafeta. “Is efetus malus meda de is tàglius – si ligit in d-una nota chi acrarat is arrexonis de s’isciòpiru – funt ladinus a totus: precariau sèmpiri prus mannu, lissentziamentus a carretas, s’auséntzia de paga , violatzioni de su diritu a s’istúdiu in dógnia gradu”. Su Cordinamentu cumbidat a totus is tzitadinus a pigai parti a sa protesta in sa pàgini facebook “Scuola: dalla miseria alla fame“. “Pedendu a totus, babus e mamas, istudiantis, traballadoris, dipendentis de s’iscola, e a totus is chi ndi tenint gana de pigai parti a sa cosa. S’iscola est a diunzu: no dda lasseus morri de fàmini!”. Sighi a ligi ‘Istrutzioni: un’isciòpiru de su fàmini po salvai a s’iscola pública’
(IlMinuto) – Casteddu, 10 de su mesi de gennàrgiu – De duus mesis e prus no arricit su stipendiu e in buxaca no tenit nimancu su dinai netzessàriu po sa binzina po andai a traballai. Est custa s’istória de Maddalena Calvisi, 40 annus, maista precària de Marrùbiu, chi de ariseru a merì at postu una tenda in su cortili de s’iscola aundi traballat: s’Istitutu Ténnicu Sergiu Atzeni de Aristanis. “Podiu sceberai scéti intre s’arrenuntzia a sa suplidura o s’irminorigamentu de is ispesas po su trasportu”, at pretzisau sa maista, chi at a sighiri a bivi in sa tenda fintzas a candu no at a arriciri su chi ddi tocat. Sighi a ligi ‘“No tengu nimancu su dinai po sa binzina”. Maista precària chentza de stipendiu de diversus mesis ponit una tenda in su cortili de s’iscola’
(IlMinuto) – Casteddu, 8 de su mesi de totussantus – 363 traballadoris a is serbítzius po su traballu de is Provìntzias e de is comunus sardus, Cesil e Csl, arriscant de diventai disimperaus a sa fini de su 2011. Est cantu denutziat una nota fata connosci de is traballadoris precàrius de is serbítzius po su traballu de sa Sardìnnia. “Biu su tassu de disimpreu de Cesil e Csl – si preguntaus poita sa Regioni no afortit is istrumentus útilis in matéria de política ativas po su traballu e s’ocupatzioni, cumentzendi a donai unu bellu esémpiu: ‘stabilizzando’ is próprius precàrius!”. Sighi a ligi ‘“Tocat a dda acabbai cun su precariau”, 363 de Cesil e Csl arriscant de perdi su traballu a fin’e annu’
(IlMinuto) – Casteddu, 20 de su mesi de ledàminis – Duus infermieris chi traballànt in su presoni de is minoris de Cuartuciu funt imoi disimperaus po mori de is istrobus burocràticus in sa trasida de sa gestioni de sa sanidadi penitentziària de su Ministeru de sa Giustítzia a is Aziendas sanitàrias de su territóriu. Ddu fait sciri cun d-unu comunicau de imprenta Maria Grazia Caligaris, presidenti de s’assótziu “Socialismo Diritti e Riforme”. Sighi a ligi ‘Sanidadi in is presonis: in Cuartuciu infermieris “lissentziaus” po mori de sa burocratzia’
(IlMinuto) – Casteddu, 18 de su mesi de ledàminis – Is 1800 precàrius de s’Enti Padentis in pratza po pediri de essi pigaus in manera stàbili. De oi fintzas a gióbia – po tres mangianus de fila de pari – is giòvanus forestalis de is diversas provìntzias ant a manifestai asuta de sa domu de s’Assessorau de s’Ambienti in bia Roma, in Casteddu. Sighi a ligi ‘Traballu: in Casteddu tres diris de lota po is 1.800 precàrius de s’Enti Padentis’
(IlMinuto) – Casteddu, 28 de su mesi de cabudanni – In Sardìnnia centinas de traballadoris a is serbítzius po su traballu in is Cesil funt precàrius de annus meda e cun su cuntratu in scadéntzia a sa fini de s’annu. 48 traballadoris de su Csl de Tàtari ant giai pérdiu su traballu, po mori de is cuntratus chi no funt stétius prorogaus nimancu finzas a su 21 de su mesi paschixedda, comenti prevìdiu de sa lei regionali. Est cantu denuntziat in d-una nota Giovanni Pinna, de sa segreteria de sa Funtzioni Pública Cgil, fadendi sciri ca custu mangianu ddoi at essi unu sit in a faci de su Consillu regionali de Casteddu. Sighi a ligi ‘Traballu. Cgil: “Centinas de traballadoris Cesil e Csl cun su cuntratu in scadéntzia”. Sit in in Casteddu’
(IlMinuto) – Casteddu, 19 de su mesi de cabudanni – Terza frimada in su “tour” provintziali in difesa de s’imparamentu comenti beni comunu aprontau de su Cordinamentu Precàrius de s’Iscola de Aristanis. Mérculis 21 de su mesi de cabudanni ddoi at essi un’assembrea noa po chistionai – si ligit in d-una nota – “de sa sciusciadura de su serbítziu e de is arrecaimentus in su territóriu”. Sighi a ligi ‘Iscola: in Santa Justa assembrea in difesa de s’imparamentu comenti beni comunu’
Social
