(IlMinuto) – Casteddu, 11 de su mesi de gennàrgiu – Sighint de mesi in mesi is sit in po pediri “beridadi e giustítzia po is mortus de is belenus de gherra e de poligonu” aprontaus de is comitaus “Gettiamo le basi” e Amparu e de is familiaris de is militaris mortus de tumori. In su mesi de gennàrgiu s’atopu est po domínigu in pratza de su Cramu, in Casteddu, a cumetzai de is 10.00. Sighi a ligi ‘“Gettiamo le basi”: “Registru tumoris útili, ma no frimat sa destrossa de is fainas militaris”. In Casteddu sit in po pediri “beridadi e giustítzia”’
Archíviu de s'argumentu 'quirra'
(IlMinuto) – Casteddu, 20 de su mesi de ledàminis – Chini morrit po mori de is belenus de su Poligonu de Cuirra? Chini fait dinai de is fainas de s’istritura? Cali funt is arresponsabilidadis in giogu? Arrespundi a custas preguntas est s’obietivu de s’atóbiu “S’istória de sa basi de Cuirra intre interessus políticus i económicus”, aprontau in Tàtari de s’Atóbiu de is grupus “autogestiti” po su scordonamentu de su Pisq. Sighi a ligi ‘Sindrome de Cuirra. In Tàtari assembrea asuba de su Pisq: mortus, profetus e crupas’
(IlMinuto) – Casteddu, 26 de su mesi de cabudanni – Su stadu italianu no at a spendi nimancu un’euru po sa bonífica de Cuirra a pustis de 50 annus de sperimentatzionis militaris. Ddu at acrarau mélcuris passau su sutasegretàriu a sa Difesa, Giuseppe Cossiga, arrespundendi a un’interrogatzioni parlamentari presentada de Amalia Schirru (Pd). Po su rapresentanti de su Guvernu Berlusconi no ddoi est nisciunu acàpiu intre is fainas militaris e is patologias e is istrópius in sa genti de su logu e in is animabis. Nimancu un’euru. Pagu importat si su 65 po centu de is pastoris (dexi allevadoris) in d-unu tretu de 2,7 chilómitrus de sa basi – comenti ant amostau de is primus de s’annu is datus pigaus de is veterinàrius de is Asl de Casteddu e de Lanusè – est corpiu de tumoris grais. Asuba de sa chistioni fueddat Claudia Zuncheddu, consilleri regionali indipendentista. “Su pranu de osserva asuba de s’impestadura chi faint is esercitatzionis militaris in su Poligonu de Cuirra – scririt Zuncheddu – iat a amostai ca su poligonu prus mannu e prus abitau de Europa po is sperimetatzionis asuba de is esplosivus est puliu”. Sighi a ligi ‘Militarizatzioni. Zuncheddu: “Asuba de Cuirra narais su fratzu”’
(IlMinuto) – Casteddu, 15 de su mesi de cabudanni – “Nosu bidiaus is sordaus americanus cun is mascaras, is guantus e is tutas arregolli su croxu de is ballas in su Poligonu. Ddus pigaiaus po culu […], issus invecis scidiant ca is ballas teniat uraniu impoberau. Ddu scidiant”. Est sìmbili a su contu de is àterus militaris cussu de Paolo Floris. In su 1998 fadiat su serbítziu de leva (“de nimancu ddu boliu fai su militari) in su Poligonu de Teulada e in su 2006 ddi fut dianniosticau su linfoma de Hodgkin. “A pustis de ai tentu diversas arrecaidas – acrarat a IlMinuto – in su 2008 apu fatu da arradiuterapia e imoi fatzu una bisita de cuntrollu dónnia ses mesis”. Floris at pediu a su Poligonu de Teulada totu is scedas asuba de is armas impitadas in cussu tretu, po podi fai a su Ministeru de sa Difesa sa dimanda de pagamentu de is dannus. Ma de su Poligonu no est arribada niscina arrespusta. Po su datori chi curat a s’ómini s’acàpiu intre is fainas in su Poligonu e su tumori est craru. Is tempus funt cussus de sa maladia. Custu mangianu puru Floris at partitzipau a su sit in aprontau de su Comitau “Gettiamo le basi” e de s’assótziu familiaris in pratza de su Cramu in Casteddu. Sighi a ligi ‘Sindrome de Cuirra. Cao (Gettiamo le basi): “Su Guvernu no fueddat”. S’istória de P.F.: militari de leva in Teulada’
(IlMinuto) – Casteddu, 29 de su mesi de austu – Un’àteru casu de tumori intre is militaris chi traballant in su Poligonu interfortzas de Foghesu. In is diris passadas una fémina de 28 annus, soldau cun s’incàrrigu de missilista, at denuntziau – cun d-una lítera mandada a su giassu Vittimeuranio.com – de ai scobertu de calencunu mesi de tenni unu cancru. “Seu in cura – scririt sa fémina – in s’ispidali ocològicu de Casteddu. Po duus annus e pagu prus apu fatu serbítziu in su Poligonu interfortzas de Foghesu, e no negu ca totus is datoris a sa scoberta de sa malàdia mia m’ant dimandau chi furiu stetia in cussus logus. Est aici, in cussus logus ddoi seu stetia e seu stetia puru in Teulada po is esercitatzioni, biu s’incàrrigu miu de missilista [...] apu sparau puru deu is ‘nomenaus’ missilis […]“. Sighi a ligi ‘Sindrome de Cuirra. Sa denúntzia de una fémina soldau a Vittimeuranio.com: “Traballu in su Poligonu intefortzas e tengu unu tumori”’
(IlMinuto) – Casteddu, 14 de su mes’e argiolas – Pediri beridadi e giustítzia po is “mortus po mori de is belenus de gherra e de is poligonus militaris”. Acabai sa strossa liendi debressi is fainas militaris de Chirra, Teulada e Capo Frasca. Cun custus obietivus is famílias de is militaris bocius de is tumoris de gherra e su cumitau “Gettiamo le Basi” ant aprontau unu sit in in Casteddu. S’apuntamentu est po cras a mangianu a is 10.00 in sa pratza de su Cramu. “Su Ministeru de sa Difesa e su Guvernu, agiudaus de sa majoria de is políticus – si ligit in d-una nota – sighint chentz’e cuscéntzia a no bolli biri su númeru mannus de is mortus”. Sighi a ligi ‘“Gettiamo le basi”: assumancu 232 mortus po mori de is belenus de gherra e de is polgonus. Cras in Casteddu sit in cun is familiaris de is militaris bocius’
(IlMinuto) – Casteddu, 14 de su mes”e arbili – “Costruiamo un’alternativa! Idee nuove per il Salto di Quirra”. Custu su títulu de su dibbàtidu aprontau de sa Provìntzia de Casteddu po sàbudu chi benit in Ballao (Domu Olla, 10.00). “In su mentris chi sighint is spricullitus de sa Procura de sa Repúbbrica de Lanusè asuba de s’impestadura ambientali e asuba de is dannus grais a is personis – si ligit in d-una nota de imprenta – chi su prus de sa genti pensat essi fillus de is esperimentus de is armas in su Poligonu de Quirra, sa Provìntzia de Casteddu at decídiu de fai unu dibbàtidu asuba de sa chistioni”. Sighi a ligi ‘“Testimónias e opinionis asuba de su Poligonu de Quirra”: sàbudu in Ballao dibbàtidu de sa Provìntzia de Casteddu’
(IlMinuto) – Casteddu, 14 de su mes”e martzu – Sighit s’abbétia tra Claudia Zuncheddu, consilleri regionali indipendentista, e Giusepppe Cossiga, sutasegretàriu a sa Difesa. “Fustei – scririt Zuncheddu in d-una lítera oberta mandada a su rapresentanti de su Guvernu Berlusconi – si pigat ancora tempus po perificai si siat berus o falsu chi is sperimentatzionis in is poligonus, comenti in Quirra, siant cumpatìbilis cun sa saludi de sa genti e de is militaris chi traballant in custus logus”. “Po fustei – dimandhat sa consillera indipendentista a su políticu tataresu – 20 annus de dinúntzias de deformidadis agatadas a is pipius nostrus (po no fueddai de cussas de is angionis e de is procededdus chi bivint acanta de sa basi) e de linfomas tra militaris e personali civili de is poligonus funt diaderus causadas de is manielis chi s’agatant in su DNA de is sardus?. Sighi a ligi ‘“Sindrome de Quirra”. Zuncheddu: “De Cossiga un’àteru ingànniu”’
(Minuto) – Casteddu, 11 de su mes”e martzu – Pàgini légia meda po su Consillu regionali de sa Sardigna. S’auséntzia de 31 consilleris e is diversas astensionis ant impidiu a s’àula de bia Roma de pigai in forma uficiali positzioni asuba de sa “Sindrome de Quirra”. Cun 23 sì, 14 no e 11 astènius (senz”e arribbai a sa majoria pedia de 25) su Consillu regionali at difatis arreusau un’odg presentau de sa majoria, primu a ai firmau Petro Pittalis (Pdl). Un’odg “asuba fe su fenómenu sanitàriu grai de is neoplasias” in su territóriu de Quirra, po su prus, in su tretu de sa basi de Capo San Lorenzo. S’assembrea at arreusau (22 sì, 22 no e 4 astènius) s’odg presentau de su centrusinistra (primu a ai firmau Claudia Zuncheddu) chi at arregortu is votus de su Psd’Az e de Roberto Capelli (Grupu ammasturau) e de Matteo Sanna e Ignazio Artizzu de s’Udc-Fli. Sa “motzioni Zuncheddu”, presentada su 5 de su mes”e gennàrgiu e discutia ariseru, est stetia bullada gratzias puru a sa decisioni de Renato Soru de no dd’acotzai poita – narat sa Nuova Sardigna – “moderada meda”. Sighi a ligi ‘“Sindrome de Quirra”: su Consillu bullat a is odg de centrusinistra e centrudestra. Fueddus tra Zuncheddu e Cossiga’
Social
