Archíviu de s'argumentu 'razzismo'
(IlMinuto) – Casteddu, 22 de su mesi de paschixèdda – Est po oi in Pauli s’atopu contra a sa xenofobia e po s’inclusioni sotziali de su pópulu Rom e de is àterus furestis. Unu merì musicali chi at a cumentzai a is 19.00 in sa Domu de sa Cultura de bia Giulio Cesare 37. Sa festa est aprontada de su comunu de Pauli cun s’agiudu de s’Assótziu Sardu contra a s’assolamentu, cun s’iscopu de no si ndi scaresci de is fatus, acontéssius de pagu, in Firenzi. At essi Antonello Pabis a presentai s’atopu contra a sa xenofobia. Sighi a ligi ‘Avenimentus: cuncertu contra a su ratzismu custumerì in Pauli’
(IlMinuto) – Casteddu, 21 de su mesi de paschixèdda – “Sa destrossa de is senegalesus, acontéssia in Firenzi in is diris passadas po mori de unu fascista. est stétia filla de sa propaganda manna e mala meda fata de sa dereta italiana contra a is furesteris”. Est cantu si ligit in su follu donau ariseru a merì in Casteddu po sa manifestada contra a su ratzismu promòvia de sa comunidadi de is furesteris de su Senegal. Sighi a ligi ‘Manifestada contra a su ratzismu: in Casteddu in 300 po nai ca no a su ratzismu e a su fascismu agoa de sa destrossa de Firenzi’
(IlMinuto) – Casteddu, 23 de su mesi de totussantus – Funt passaus 100 annus de sa destrossa de Itri: su maceddu de is sardus. In Itri, una bidda de su meridioni de su Laziu, in su mesi de argiolas de su 1911 furiant stétius bocius seti operàjus chi furiant ingunis impari a àterus cuatruxentus personis po traballai a su fàbricu de sa ferruvia. Su maceddu fut aprontau e fatu de sa genti de su logu – operàjus e massarzus – intzulau de sa camorra – poita is “sardegnoli” si furiant arrefudaus de pagai su “pizzo” – e cun s’adduimentu de is autoridadis: síndigu e carabineris po primus. De custu maceddu scaresciu – e in su tempus scabudau de s’Avanti puru – e de su ratzismu de ariseru e de oi s’at a chistionai cenàbara chi benit, 25 de su mesi de totussantus, a is 18.00, in Pauli, cun is istudiantis de s’Istitutu Alberghieru Gramsci. Su merì at essi obertu de sa proietzioni de su film “Sangue verde”, asuba de is fatus de Rosarnu. Sighi a ligi ‘In Pauli si chistionat de ratzismu a 100 annus de su maceddu de Itri: sa destrossa de is sardus’
(IlMinuto) – Casteddu, 4 de su mesi de ledàminis – Cumbati a su ratzismu agiudendi s’arrexonu intre is istitutzionis e is tzitadinus furesteris in tzitadi. Custu s’obietivu de “Diamo un calcio al razzismo”, sa gara a cuàturu scuadras de calciu chi s’at a tenni cenàbara chi benit a is 20.30 in su tzentru sportivu Monti Claro de bia Cadello, in Casteddu. Ant a cabai in campu is giogadoris chi rapresentant: sa Provìntzia de Casteddu, is giornalistas Sardìnnia, s’assótziu Don Chisciotte e sa scuadra de is piciocus furesteris. Sighi a ligi ‘“Diamo un calcio al razzismo”: in Casteddu sa gara a cuàturu scuadras contra a su ratzismu’
(IlMinuto) – Casteddu, 3 de su mesi de ledàminis – Prus de una borta su ratzismu passat atressu de Facebook. Mancai is diversus avertimentus, de su 2010 in su social network ddoi sighit a essi sa pàgini “Odiai a sa bandera de is Cuàturu Morus a is concertus”. Su gestori scririt “Eis mai biu banderas campanas o calabresas? S’eis segau is […] cun custa bandera” e impitat Facebook po dirigi su menosprétziu po sa Sardìnnia. In post meda is sardus – e po su prus is pastoris – innoi, funt amostaus comenti “sfloradoris de brebeis” e sa bandera de Ísula puru est strupiada in custu sensu. Sighi a ligi ‘“Odiai a sa bandera de is Cuàturu Morus a is concertus”. Candu Facebook est impitau po menospretziai a sa Sardìnnia’
(IlMinuto) – Casteddu, 30 de su mes’e làmpadas – “Cronache dal Ruanda. L’esperienza di un giovane giornalista italiano nel paese teatro del genocidio del 1994″. Est custu su títulu de sa cuferéntzia in programma po cras a is 17.30 in s’àula magna de sa Facoltadi de Sciéntzias políticas, un Casteddu. Protagonista de s’apuntamentu at essi Stefano Curtit, giornalista chi scririt po s’”Unione Sarda” de su 2003. Curtis est tra is 24 giornalistas chi benint de s’Europa e de s’Africa chi ant participau a su progetu comunitàriu “Take your chance, be the change”. “Su progetu – si ligit in d-una nota de imprenta – est stetiu fattu in su mes’e maju passau cun s’iscopu de fai nasci una retza de giornalistas europeus e africanus chi, donant atentzioni manna a is diritus umanus, chi controriant su ratzismu e sa xenofobia”. Sighi a ligi ‘“Crònacas de su Ruanda”. Cras in Casteddu cuferéntzia cun Stefano Cortis’
(IlMinuto) – Casteddu, 13 de su mes”e arbili – “Pira cotta pira crua. Tunisimo a domu sua”. Custu su títulu de sa pàgini pubblicada in Facebook de su Círculu Giovanili Caravella Casteddu. “Sa Francia – scrirint is giòvanus de Caravella – ddus respingit, Malta ddus fait annegai, sa Ue narat ‘seus cun bosàterus e si ndi sbatit’ [...] s’Itàlia ddus aghillit. 0% razistas, 100% identitàrius”. Sighi a ligi ‘“Tunisinu a domu sua”: asuba de sa pàgini Facebook pubblicada de su Círculu Caravella unu cummentu cumbidat a “aprontai scuadras mannas de sa morti”’
(IlMinuto) – Casteddu, 13 de su mes”e arbili – Santu Antiogu narat de nono a su Semàforu. Sàbudu a mangianu sa bidda in provìntzia de Carbònia-Igrèsias at essi atreversada de unu corteu chi at a tucai a is 10.30 de bia Nazionale (bixinau ex Sardamag) po acabbai cun d-unua parlata in pratza Italia. “Su radar – si ligit in d-una nota – bogat unu fasci poderosu de undas eletromagneticas, pirigulosas meda po sa saludi. Pirigulosas po s’ambienti e po su turismu, poita cun d-unu radar de custas mannarias no podeus prus fueddai de turismu in Santu Antiogu”. Sighi a ligi ‘Radar in Capo Sperone: sàbudu manifestada de protesta in Santu Antiogu’
(IlMinuto) – Casteddu, 7 de su mes”e arbili – De ariseru a merì 700 citadinus tunisinus funt inserraus un d-unu depósitu abbandonau de s’Aereonautica militari, in abetu de arriciri su permissu de tratenimentu. S’istrutura – ingiriada de filuferru spinosu – s’agatat in s’arburasa Elmas, in su coru de Casteddu. De sa “Confederazione sindacale sarda” arribbat unu nono sicu “a is struturas manna meda aundi ammuntonai centenas de furesteris e de disterraus. Centrus chi finint po essi berus e próprius ‘lager’, difícilis de gestiri, chi funt carus meda, pagu segurus e perigulosus”. S’Anci Sardigna invecis pedit de aghilliri a is furesteris tunisinus in totu su territóriu sardu. Sighi a ligi ‘“Is istruturas mannas meda diventant ‘lager’”, Meloni (Css) pedit de acasigiai a is tunisinus in is comunidadis’
Social
