Archíviu de s'argumentu 'istúdiu'
(IlMinuto) – Casteddu, 10 de su mes”e martzu – Sa circa sarda oberrit istradas noas a sa cura de is maladias epàticas. Cun d-unu studiu pubblicau de sa rivista internatzionali “Hepatology” unu grupu de istudiu de s’Universidadi de Casteddu at difatis cumprovau ca si podint tenni “epatociti” de s’urba. “Est – si ligit in d-una nota de imprenta – un’importanti scoberta po s’individuazioni de una o diversas strategias [...] alternativas a su trapiantu de su figau, a oi única terapia possíbbili po sa cura de is patologias epàticas”. Sighi a ligi ‘Circa: Marongiu oberrit s’istrada a sa cura de is maladias epàticu senz”e fai su trapiantu de su figau’
(IlMinuto) – Casteddu, 8 de su mes”e fiàrgiu – Finantziai a sa circa asuba de s’Atassia de Friedreich, un’anomalia chi portat a su dannu progressivu de su sistema nervosu. Est custu s’obbietivu de s’eventu aprontau de GoFAR po cenàbara chi benit in Casteddu. A is 21.00 su sipàriu de s’Auditorium de pratza Porrino s’at a oberri cun s’ispetàculu, pigau de is scritus de is tres líbburus casi inéditus de Filippo Martinez, “Il mio funerale è stato un disastro”, presentau po sa primu borta in su festival internatzionali Dromos 2010. S’iscena at essi animada de una fibera de monòlogus de pagu dura, tràgicus e, fatuvatu, rísidus, acumpangiaus de sa música de “S’armeria dei briganti”. Sighi a ligi ‘“Il mio funerale è stato un disastro”: in Casteddu s’ispetàculu po finantziai a sa circa asuba de s’Atassia de Friedreich’
(IlMinuto) – Casteddu, 10 de su mes”e paschixèdda – Arribbat a sa terza editzioni “Io la scienza la vedo così”, su cuncursu a prémius bófiu de “Sardegna Ricerche” e obertu a is iscolas primarias e segundarias de primu e segundhu gradu de totu sa Sardigna. A su cuncursu podint participai, atressu de iscritzioni fatta intru de su 25 de su mes”e fiàrgiu de su 2011, síngulus scientis o classis intreas. Si podit participai – si ligit in d’una nota – “cun disignus, pinturas, sculpiduras, videu, temas, poesias, contus e cun dógnia cosa chi consillat sa fantasia”. Sighi a ligi ‘“Io la scienza la vedo così”: a sa III editzioni su cuncursu a prémius de “Sardegna Ricerche”’
(IlMinuto) – Casteddu, 19 de su mes”e totussantus – “Dimandaus a su Retori de si ndi scapiai pubblicamenti de is determinus de sa Cuferéntzia de is Retoris chi spingit po s’aprou de sa ‘riforma’ Gelmini e chi at de pagu tempus dimandau un’iaxi de dinai po is ateneus privaus”. Si concluit cun custus fueddus s’apellu fattu de is istudiosus de sa Rete 29 aprile de s’Universidadi de Casteddu, apellu mandau a su Retori Giovanni Melis po sa Diri internatzionali po su Diritu a s’istudiu. Sighi a ligi ‘Universidadi de Casteddu, Rete 29 aprile: “Su Retori si ndi scapit de sa Crui chi promovit sa riforma Gelmini”’
(IlMinuto) – Casteddu, 13 de su mes”e ledàminis – Istudiantis, maistus, istudiosus e personali amministrativu. Funti stetias prus de cincuxentus is personis chi ariseru a merì ant isfilau po is bias de su centru de Casteddu po nai no a is tàglius a s’istrutzioni e sa riscerca universitaria bófias de su Guvernu Berlusconi. Su corteu, ammutullonadu, esti stetiu obertu de unu striscioni cun sa scrita “Senz”e Universidadi, nesciunu tempus benidori”, poderau de is presidis de is 11 facoltadis casteddaias. Sighi a ligi ‘“Senz”e Universidadi, nesciunu tempus benidori. In 500 in corteu in Casteddu. Oi assembrea de is istudiantis’
Social
