(IlMinuto) – Casteddu, 29 de su mesi de maju – Sa sotzietadi tzivili arraspundit a su ratzismu “biu” in is iscolas médias de Casteddu. Furiat sa noti intre domìnigu e lùnis 26 de su mesi de maju passau candu unus cantu de rapresentantis de s’organizatzioni polìtica Forza Nuova (“lota de is istudiantis”) ant tancau is ecas de orcaxu de tres iscolas médias de Casteddu, sa Manno, sa Cima e sa Pier Luigi da Palestrina e ant apicau in is bixinàntzias insoru, un’iaxi de bolantinus cun iscritu: “Stop a is rom. Primu is istudiantis casteddaius”. No est custa un’acontéssia po a casu ma lompit, ddu amentaus, a pustis de is afrentas e de is amaletzus de morti fatus a su Ministru de s’’Integratzioni e Coperatzioni Internatzionali Cucile Kyenge, e agoa de is paradas anti Rom chi si funt isboddiadas in Bologna. In is iscolas casteddaias is pipius rom funt iscritus e frecuentant is letzionis comenti is àterus pipius. “S’istùdiu e s’iscola – si ligit in d-unu comunicau de imprenta firmau de is assòtzius sardus Dosta – Casteddu Asce e de is romanus New Romalen ‘Nazione’ Rom – funt su fundamentu de sa cittadinàntzia ativa, caminu atressu de su cali dognunu pigat cuscièntzia de is diritus ,de is doveris, de sa dignidadi, de sa conoscèntzia e de sa sabiduria”. Is assòtzius e is organizatzionis Rom impari a sa sotzietadi tzivili denuntziant comenti atu de ratzismu grai, comenti atacu malu a is diritus fundamentalis de is cristianus, is atzionis fatas de Forza Nuova in sa primu tzitadi de sa Sardigna. “Forza Nuova – si ligit in sa nota – fait biri de fai parti tambeni de su mesuevu, perìodu in su cali scéti is arricus podiant istudiai e si podiant annestrai. Un’atzioni chi tenit s’iscopu de cumpratziri a is tzitadinus Casteddaius de is tzitadinus Rom, un’atzioni de demagogia e ‘populismo’”. Sighi a ligi ‘Sa sotziedadi tzivili arraspundit a Forza Nuova’
Archíviu de s'argumentu 'Rom'
(IlMinuto) – Casteddu, 13 de su mesi de cabudanni – Frimai “s’isolamentu, is gherras intre is poberus, is arrevescioris contra a totus, sa ‘xenofobia’ e su ratzismu, is timorias e a sa divisioni e po su prus po frimai s’acanarjada de is Rom!”. Cun custu iscopu nascit Dosta – unu fueddu ca in língua romanes o romani espressat própriu ”basta” – s’assótziu nou chi at essi presentau cenàbara 14 de su mesi de cabudanni in Casteddu (11.00, domu Usb arruga Madalena 20). Sighi a ligi ‘“Dosta”. In Casteddu sa presentada de s’assótziu chi denuntziat sa “acanarjada de is Rom”’
(IlMinuto) – Casteddu, 30 de su mesi de arbili – Apu biu puru zíngarus ditzosus, currendusì a pari, fai s’amori e arrumbullonaisì a terra”, narant is fueddus de una cantzoni nódida meda de Claudio Lolli. Est cussu chi iaus a bolli biri puru nos in Casteddu, aundi su campu de is Rom de sa Ss 554 est in cunditzionis malas meda. In àterus fueddus, iaus a bolli ca is cuntzionis residentzialis de is Rom fessant decentis. Su chi difatis s’abetaus de s’aministratzionis comunali est chi diventit parti ativa de unu caminu chi dongat dignidadi a is cunditzionis de vida de custas ànimas. “Si podit circai un’arremédiu” – si ligit in d-una nota de imprenta de s’Assótziu sardu contra a s’assolamentu (Asce) – “afrontai is chistionis de sa comunidadi de is residentis e is cusseguéntzias po is tzitadinus totus, fadendi acabai s’isolamentu e agiudendi unu chistioni intre totus is partis sotzialis po incarrerai unu progetu beru de inclusioni sotziali cundividiu e partitzipau”. Sighi a ligi ‘“Rom, Campu de sa 554, cali insertamentu?” In Casteddu assembrea pública’
Social
