(IlMinuto) – Casteddu, 2 de su mesi de fiàrgiu – Su sderrocu de un’aereu militari chi aterrat amantat su sonu de su bentu e su cantu de is pillonis. Est un’iscena chi s’arrapitit totus is diris de 30 annus a custa parti in sa vida de su pastori protagonista de “Everyday”, su videu chi at biu a Pedru Mele bincidori de “Senz’Appello”: su cuncursu de arti po videus de sa Galleria de Arti Moderna e Contemporanea de sa Repúbrica de San Marino. In cincu minutus de efetu mannu Mele descririt cun abilidadi manna s’ocupatzioni militari de sa Sardigna: s’Ísula aundi su stadu italianu – comenti amentat su riassuntu de s’òpera – at sceberau de ponni su 60% po centu de su demàniu militari. Su prétziu de custa ocupatzioni militari chi nisciunu at dimandau – scririt s’artista in sa presentada de s’òpera – est “una destrossa de civílis, mortus po tumoris […], comenti puru de unu númeru mannu de maladias geneticas”. Sighi a ligi ‘Sa bitória de Pedru Mele: premiau in San Marino cun su videu chi denuntziat s’ocupatzioni militari de sa Sardigna’
(IlMinuto) – Casteddu, 9 de su mesi de paschixèdda – Bogai foras is cucutzuras in Eternit de is barracas de is artesanalis, industrialis o agriculas e in su mantessi tempus agiudai su fàbricu de impiantus “fotovoltaici”. Funt custus is obietivus de sa campannia de sceda promòmovia de sa Provìntzia de Casteddu cun d-una fibera de atóbius. Su primu atopu est in programa custu merì in Senobrì (17.30, tzentru culturali Domu Lonis). Sighi a ligi ‘Ambienti e saludi: in Senobrì sa campannia “Provincia Eternit Free”’
Pubblicau su 21/10/2011 a is
12:43 in Cultura, Sport | 0 cummentus
Argumentus: saludi
(IlMinuto) – Casteddu, 21 de su mesi de ledàminis – “La natura, la mente e il corpo che sorridono alla salute”. At essi custu su tema de sa cuferéntzia asuba de su Ayurveda e su Yoga in programa cras a merì a is 17.30 in sa domu de s’assótziu Don Chisciotte, in bia Santu Giacu 117 in Casteddu . Su cursu at essi fatu de Ong Kar Singh (Ettore Messinas), maistu de Kundalini Yoga, de cariaduras orientalis e operadori in Ayurveda. Sighi a ligi ‘Yoga: in Casteddu cuferéntzia cun Ong Kar Singh’
(IlMinuto) – Casteddu, 11 de su mesi de ledàminis – Is traballus po su fàbricu de is radar de “Capo Pecora”, Frùmini Mayori e Tresnuraghes funt blocaus fintzas a su 21 de su mesi de gennàrgiu de su 2012, diri de sa senténtzia. Est cantu detzidit unu pragoni publicau in is diris passadas de su Tar Sardìnnia, cun satisfatzioni manna de is Comitaus No Radar de s’Ísula. “Su giugi aministrativu – si ligit in su giassu NoRadarCapoSperone – donat a su Ministeru e a sa Regioni una letzioni de diritu costitutzionali e de tzivilidadi giurídica”. Su puntu 1 de sa senténtzia narat in manera crara ca “s’interessu natzionali” in su fàbricu de is radar “arruit ainnantis de un’interessu prus mannu, su de su públicu po s’amparu de sa saludi”.
Pubblicau su 16/06/2010 a is
16:48 in Cultura | 0 cummentus
Argumentus: saludi
(IlMinuto) – Casteddu, 16 de su mes”e làmpadas – 3milla líbburus, logus po intrai in Internet, unu logu de spàssiu po is prus giòvanus. Funt custus is serbízius chi de 12 annus oferit sa Bibblioteca de is malàdius de Aviano. S’esperiénzia at a benni presentada cras a is 10.00 in sa sedi de sa Bibblioteca Regionali, in Casteddu, de sa responsàbbili de sa Bibblioteca cívica de Aviano Margherita Venturelli. “In custus annus de atividadi – si ligit in d’una nota – sa Bibblioteca po is malàdius at curau unus cantu pubblicazionis chi arregollint su contribbutu de is malàdius, lassaus atressu scritus, notas, saludus, testimónias e disignus, donendi boxi a chini s’est agatau cun pagu gana de abbitai su Centru de ‘Riferimento Oncologico’”.
Pubblicau su 3/06/2010 a is
17:32 in Sociedadi | 0 cummentus
Argumentus: saludi
(IlMinuto) – Casteddu, 3 de su mes”e làmpadas – Primu cungressu regionali po s’assóziu regionali de is club de is Alcolistas in terapia (Arcat). S’apuntamentu – promòviu de su “Centro servizi Sardegna Solidale” – s’at a tenni domínigu chi benit in Casteddu (9.00, Hotel Mediterraneo). Tema de s’atóbiu at essi “Il sistema ecologico sociale dei Club degli Alcolisti in trattamento in Sardegna: il senso di appartenenza”. Sa diri s’at a oberri cun su relatu de su presidenti regionali. Ant a sighiri is chistionus de is responsàbbilis de zona de s’assóziu. At a concluiri su primu cungressu Arcat una discussioni – cordinada de Paolo Carta – po fueddai de is chistionis acapiadas a s’abbusu de alcol in is comunidadis de su territoriu.
Pubblicau su 2/06/2010 a is
13:24 in Cultura | 0 cummentus
Argumentus: saludi
(IlMinuto) – Casteddu, 2 de su mes”e làmpadas – Sighit in s’ispidali San Martino de Aristanis sa rassigna “Un libro per la salute”. Custumerì, a is 16.00 at essi su scritori de Neoneli Eliano Cau a presentai a is malàdius s’úrtimu líbburu suu “Per le mute vie”. S’atóbiu est obertu a sa genti. Is aprontadoris de su progetu funt is volonteris de s’assóziu “Cittadinanzattiva”, chi, tra is àteras cosas, curat sa bibblioteca de su “San Martino”. “Per le mute vie” – si ligit in d’una nota – “est unu contu in sa Sardigna de is annus Sessanta, chi in su sfundu de su disterru e de su diminuiméntu de sa genti chi bivit in d’una biddixedda de sa Sardigna, contat un’istória de amori e de arrevesa”.
Pubblicau su 2/06/2010 a is
12:28 in Sociedadi | 0 cummentus
Argumentus: saludi
(IlMinuto) – Casteddu, 2 de su mes”e làmpadas – In Sardigna funt circa 15milla is personas malàdias de Alzheimer. Númerus destinaus a cresci in is annus chi benint po mori de un’imbeciamentu de sa genti. Po cumbàtiri custa forma de ammàchiu e promoviri is novas chi chistionint de sa maladia, in totu s’Italia est in cursu sa campagna “Una città per l’Alzheimer”. Unu progetu chi in custas diris est aghilliu in Tàtari. Su momentu prus importanti de s’atóbiu tàtaresu at essi s’apuntamentu cun su púbblicu in programma po cenàbara chi benit a is 17.30 in s’àula magna de sa Facoltadi de “Medicina e Chirurgia”. “S’Alzheimer, sa forma de ammàchiu chi ferrit prus personas in totus is istadus de s’ozidenti – si ligit in d’una nota – podit tenni unu cumenzu mudu mudu, cun disturbus de sa memória chi podint essi confúndius cun apretus normalis de s’imbeciamentu. Aici, prus de una borta, sa malàdia no podit essi connota in tempus e sa genti malàdia arribbat a sa bisita de su datori cun meda bistentu. Est imbecis importanti chi sa malàdia siat iscoberta debressi po cumenzai allestru sa cura”.
(IlMinuto) – Casteddu, 2 de su mesi de fiàrgiu – Su sderrocu de un’aereu militari chi aterrat amantat su sonu de su bentu e su cantu de is pillonis. Est un’iscena chi s’arrapitit totus is diris de 30 annus a custa parti in sa vida de su pastori protagonista de “Everyday”, su videu chi at biu a Pedru Mele bincidori de “Senz’Appello”: su cuncursu de arti po videus de sa Galleria de Arti Moderna e Contemporanea de sa Repúbrica de San Marino. In cincu minutus de efetu mannu Mele descririt cun abilidadi manna s’ocupatzioni militari de sa Sardigna: s’Ísula aundi su stadu italianu – comenti amentat su riassuntu de s’òpera – at sceberau de ponni su 60% po centu de su demàniu militari. Su prétziu de custa ocupatzioni militari chi nisciunu at dimandau – scririt s’artista in sa presentada de s’òpera – est “una destrossa de civílis, mortus po tumoris […], comenti puru de unu númeru mannu de maladias geneticas”. Sighi a ligi ‘Sa bitória de Pedru Mele: premiau in San Marino cun su videu chi denuntziat s’ocupatzioni militari de sa Sardigna’
