(IlMinuto) – Casteddu, 22 de su mesi de maju – Po s’editzioni de su Slow Food day, Slow Food Casteddu proponit su 25 e su 26 de su mesi de maju una manifestada noa dedicada a is ortus, artis e giardinus chi s’at a isboddiai asuba de is temas de su birdi e de sa “biodiversità” cun d-una mostra mercau chi tenit comenti protagonistas, is chi traballant in pipiniera. Ant lompi de totu sa Sardigna is produtoris de s’ìsula promòvius de Slow Food, artesanus di prodotus naturalis e po la cura de su birdi e, s’apuntamentu previdit diversus talleris. Sighi a ligi ‘Po su SlowFood day 2013 su talleri Re-gardening’
Archíviu de s'argumentu 'Sardigna'
(IlMinuto) – Casteddu, 22 de su mesi de maju – In su mesi de arbili is prétzius in Casteddu crescint prusatotu in su cumpartu “Comunicatzionis” (+2,2%). Ddu iscoviat su comunicau de imprenta de su mesi fatu connosci de su Serbìtziu Sistemas Informativus de su Comunu. Is incarimentus prus grais si registrant, po su prus, in is “Serbìtzius de telefonia e telefax” (+2,4%). Si in su cumpartu de is trasportus ddoi est stétiu unu smingumenteddu (-0-9%), in dògnia modu est mannu s’aumentu de is prétzius averiguau in is classis “Trasportu marìtimu e atressu de is caminus de àcuas de aintru” (+8,8%) e “Trasportu pasagerus bia de s’arroda” (+2,5%). Sighi a ligi ‘Prétzius in Casteddu: in su mesi de arbili carestia manna in is trasportus marìtimus (8,8%) e in is comunicatzionis (2,2%)’
(IlMinuto) – Casteddu, 22 de su mesi de maju – Su dipartimentu po s’infuimatzioni e s’editoria de su Consillu de is Ministrus, sa Provìntzia de Bolzano e sa Rai ant firmau, in is diris passadas, un’acórdiu nou de tres annus, de su 2013 a su 2015,chi previdit su cumprimentu e sa distributzioni de argumentus in lìngua tedesca e ladina. Est sa primu bia chi s’acórdiu incluit sa Provìtzia de Bolzano puru, chi s’at a acollai is pesus acapiaus a serbìtzius de s’Istadu chentza trasladamentu de is funtzionis istatalis. Sa porposta si isboddiat in acatu a cantu prevìdiu de su puntu 5 de s’Acórdiu de Milano. Sa Provìntzia de Bolzano s’est acollada difatis, in sa mesura màssima, comenti narat s’artìculu 79, coma 1, lìtera c de s’Istatutu, is pesus chi pertocant is trasmitiduras in s’arràdiu e in sa televisioni in lìngua tedesca e ladina. Su, fatu e bòfiu de sa Provìntzia autónoma de Bolzano est unu passu mannu chi avalorat de meda is lìnguas de minoria. Unu determinu, cussu pigau de is aministradoris de su logu chi praxit a is indipendentistas de a Manca, chi cumentendi s’isceda afirmant: “una nova bella po is natzionis chentza de istadu obligadas a sutai a s’Itàlia” ma no est bella po nudda, – sighit sa nota de imprenta – “po is Sardus, no est bella po sa lìngua sarda, no est bella po sa natzioni nostra”. “Difatis – sighit s’organizatzioni indipendentista de manca – s’annu chi benit is ‘palinsesti’ de sa Rai sarda ant a essi lintus e pintus a is de sèmpiri, est a nai totu o casi totus in lìngua italiana”. Berus est ca sa Rai regionali no tenit unu telegiornali in sardu, e chi is médius chi teneus iant a fai unu traballu mannu impitendi su sardu po ddu avalorai comenti lìngua. Sighi a ligi ‘Sa Regioni Sardigna abarrat agoa in s’amparu de sa lìngua a petus de sa Provìntzia de Bolzano. aMpi “Po cali arrexoni is Sardus iant depi pagai su canone Rai”’
(IlMinuto) – Casteddu, 22 de su mesi de maju – At a lompi a sa fini de su caminu fatu, su progetu promòviu de su Comunu de Serrenti, “Nascius po Ligi”, chi at biu unu nùmeru mannu de voluntàrius impignaus a ligi contus in sa Biblioteca de sa bidda a is pipius chi ant pigau parti a sa proposta. Cenàbara chi benit, a cumentzai de is 16.00, s’at a isboddiai s’ùrtimu atopu chi tenit comenti tìtulu “Totus a basciu po Ligi”. Sighi a ligi ‘Serrenti: lompit a sa fini “Nascius po Ligi” su progetu chi at arregalau cultura a is pipius’
(IlMinuto) – Casteddu, 21 de su mesi de maju – Passant s’ierru in Sardigna is baleneddas. Est custu s’arresutau de unu programa de circa iscientìfica e de annestru po s’averiguamentu annósigu de sa prisèntzia de is “cetacei” in su Tirrenu tzentrali chi at atzertau ca is baleneddas passant s’ierru in is “Bucchi di Bunifaziu”. Sa circa fata totu s’annu apitzus de is bastimentus de lìnia, at permìtiu s’istùdiu chi at averguau comenti is càstius de is baleneddas acontessant po su prus in su Mari de is Balearis in s’istabi e in su sistema de is “Bucchi di Bunifaziu” in s’ierru. Sighi a ligi ‘Is baleneddas passant s’ierru in Sardigna’
(IlMinuto) – Casteddu, 21 de su mesi de maju – Cun deliberatzioni n°19/26 de su 14 de su mesi de maju passau sa Regioni bogat is resossas po fundai su “Museu e tzentru de documentatzioni de sa Sardigna giudicali”. In matéria fueddat Progetu Repùblica de Sardigna, pedendi a sa Provìntzia e a su Comunu de Aristanis de s’espressai impressi asuba de sa domu chi iat a depi aghilliri su Museu, a oi prevìdia in is aposetus de Palatzu Arcais. ProgReS Aristanis marcat puru ca in tzitadi ddoi at un’àtera istrutura chi iat a podi acasagiai su progetu, est a nai su presoni de Pratza Mannu. Sa serradura definitiva de s’inserru chi at a podi biri impitada “fiamenti sa [...] règia giudicali - si ligit in d-una nota de imprenta firmada ProgReS Regioni de Aristanis – [...] in su sìtiu de sa vida pùblica, e no de sa tzitadi scéti, ma de totu sa natzioni sarda”. Sighi a ligi ‘Avalorai s’istòria aristanesa, sa proposta de ProgReS po sa domu de su Museu Giudicali’
(IlMinuto) – Casteddu, 21 de su mesi de maju – Est prevìdiu po giòbia 23 de su mesi de maju, s’atopu aprontau de “Mieleamaro Circolo dei lettori” cun s’acotzu de sa Fondatzioni Bancu de Sardigna, e chi tenit comenti protagonista a Gianni Mura. Sighi a ligi ‘In Casteddu atopu cun Gianni Mura’
(IlMinuto) – Casteddu, 21 de su mesi de maju – Is istudiantis antifascistas impari a is de su Cua e a is de su Social Forum Casteddu su 19 de su mesi de maju passau ant arreusau a s’iscritori israelianu David Grossman. Un’atopu su chi at biu a Grossam cumbidau, pentzau comenti a unu pregontu chentza possibilidadi de discussioni e chentza de donai sa baga a su pùblicu de pigai su fueddu. Is antifascistas, agoa de essi stétius corrovaus de sa polima funt potzius intrai in s’àula magna de Universidadi de sa facoltadi de Istùdius umanisticus de Casteddu, in sa Duchessa, innoia s’iscritori depiat essi pregontau de sa giornalista Wlodek Goldkorn capuredatori cultura de s’Espresso. Arrenescius a intrai in d-una saba prena de genti ant isboddiau is banderas palestinesas e ant pediu de podi fai unus cantu de preguntas a s’iscritori, asuba de Nakba palestinesa, de su diritu a sa torrada de is foressius, de s’ocupatzioni militari israeliana, de s’operatzioni “Prumu Fùndiu”. Una prigonta, su de su cordinamentu chi est stétia, a cantu narant issus etotu: “istraviada a s’acabu de su pregontu e chentza de possibilidadi de réplica, truessada de is aprontadoris e de unu pùblicu fanàticu e chi tzacarràt is manus” mancai su chistionu de Grossman apat pigau trassas pagu bellas – acrarat sa nota de imprenta – chi “oi puru (19 de su mesi de maju n.d.r. ) at negau su drama palestinesu e sa beridadi”. Comenti antifascistas, antiratzistas e duncas antisionistas – pretzisat su comunicau – “arrefudaus sa dòpia legislatzioni introdùsia de s’Istadu israelianu po fai dannu a su pòpolu palestinesu; is bumbardamentus foras de contu, is arrastellamentus a su noti e is presonias aministrativas de is calis funt malasortaus is prus piticus puru; s’imbragu de Gaza, s’ocupatzioni militari israeliana e sa cunditzioni de apartheid innoia s’agatat obrigau su pòpolu palestinesu acanenciau de dògnia diritu suu. Sighi a ligi ‘Su Cordinamentu antifascista casteddaiu arreusat a s’iscritori Grossman’
(IlMinuto) – Casteddu, 20 de su mesi de maju – Unu terrenu arau una perra a matas de obia e s’àtera a suergera, unu coddu de terra de pagu prus de un’étaru chi cundullit su tzentru istòricu de Sàdili, at essi custa sa domu de su parcu literàriu “Campu de is Istòrias”. Difarenti a petus de is àterus parcus chi s’agatant, Campu de is Istòrias est dedicau a totus is iscritoris de su mundu, de su tempus andau e de su tempus benidori, e, cosa de importu mannu, a is ligidoris puru. Un’omàgiu mannu a sa literadura, unu logu innoia dògnia mata at pigai su nòmini de unu scritori e in donniuna s’at agatai un’ampulla aundi ddoi ant essi allogaus is contus. Su ligidori, po podi gosai de s’iscritu at a depi istupai s’ampulla. Unu progetu su de sa bidda de sa Barbaza chi est de tambeni de acabai. In su teretu de terra, difatis depit nasci puru una bibliotechedda chi amanniat sèmpiri de prus s’arrichesa sua gràtzias a is lìburus arregallaus no scéti de is sardus, ma de is de continenti puru. Sighi a ligi ‘Avalorai sa cultura si podit. In Sàdili nascit Campus de is Istòrias’
Social
