(IlMinuto) – Casteddu, 10 de su mesi de maju – Sa Saras aprodat in iscola. S’est isboddiada difatis mércuris passau, in s’Istitutu Ténnicu Othoca de Aristanis, una cunferéntzia asuba de su Progetu Lianora tanti cuntrau de sa populatzioni sarda, su mantessi, ddu amentaus, chi previdit sa circa de idrocarburus po 4430 ètarus de territòriu in sa provìntzia de Aristanis. Apitzus de s’iscera “didàtica” pigada de s’istitutu fueddant is Cobas Iscola Aristanis, amentendi ca s’iscola pùblica si fundat asuba de is printzìpius de sa libertadi de s’imparamentu, chi est unu printzìpiu costitutzionali e duncas in osservàntzia de custu printzìpiu “un’iscola depit podi fabricai situatzionis didàticas o de iscedas asuba de calisisiat argumentu chi a giudìtziu de su professori e in su campu de su traballu iscolàsticu potzat arricai s’oferta de amaistramentu “in senso lato”: calisisiat argumentu de is aparéssidas de sa Madonna a sa pornografia, de s’icona de Garibaldi a is fusilamentus de Bronte, de is antibiòticus a is armas chìmicas etc”. Sa chistioni, duncas, po su sindacau no pertocat sa mudìfica de s’isboddiamentu normali de su traballu curricolari de diversas classis e de diversus maistus in faori de unu tema de importu mannu comenti est su de is pertusamentus chi ant a andai a ferri su territòriu, e no pertocat – marcant is Cobas – “s’iscera oberta de una relata a sa crara de parti, candu benit donada a unu ténnicu de sa Saras e chentza contradditòriu: totu custu podit infùndiri contrariedadi o disdeni puru, ma est de su totu lècitu o balit po totu o est unu bellu fingimentu”. Sighi a ligi ‘Cunferéntzia Saras in S’Othoca de Aristanis. Is Cobas Iscola Aristanis pedint craresa a su Presidi Frongia’
Archíviu de s'argumentu 'iscola'
Custu artìculu s\\\\\\\’agatat sceti in %LANG:
A su Dirigente de s’iscola_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
Nois mamas e babbos de sos pitzinnos iscritos in custa iscola, in sa classe_ _ _ _ _ _ _ _ _ _ _ _ _
- cunsiderende su chi b’at iscritu in sa lege italiana 482 de su 1999, mescamente in s’artìculu 9 chi reconnoschet su deretu de sos sardos de impreare sa Limba Sarda iscriende e faeddande in totu sos ufìtzios de sas amministratziones pùblicas de Sardigna, fancu sos ufìtzios de sa Politzia e de s’Esèrtzitu.
- cunsiderende su chi narat s’artìculu 4 de sa lege 482/99 chi permitit chi s’impreet su sardu puru pro imparare sa didàtica in totu sas iscolas maternas, elementares e mèdias in su territòriu sardu: sas iscolas devent isseberare, fintzas intendende su chi cherent sas famìlias, comente imparare sa Limba Sarda, ponende mente a sa lege 59 de su 1997, chi regulat s’autonomia didàtica e organizativa de sas iscolas.
- cunsiderende chi su paràgrafu 5, artìculu 4, de sa lege 482/99, narat chi faghende s’iscritzione, sas famìlias narant si cherent chi s’iscola lis imparet su sardu a sos fìgios.
- cunsiderende chi sa lege regionale 26 de su 1997, in sos artìculos 17 e 20, previdit chi sa Regione Sardigna pòngiat su dinari suo pro finantziare sos cursos fatos dae sas iscolas pro imparare sa cultura e sa limba de Sardigna e pro finantziare s’isperimentatzione de sos progetos.
- cunsiderende chi sa lege regionale 3 de su 2009, in s’artìculu 9 comma 10 paràgrafu b, ponet 50.000 euros a s’annu pro isperimentare, in totu sas iscolas, s’imparòngiu de su sardu e in sardu in oras de letzione; dinare chi sa Delibera 32/65 de su 24 de trìulas de su 2012 de sa Giunta Regionale at aumentadu a 100.000 euros
- cunsiderende chi in sos annos colados ant fatu cursos isperimentales pro imparare su sardu e in sardu in oras de letzione in paritzas iscolas elementares, mèdias e superiores de Sardigna, e chi sa Regione e sas Provìntzias ant dadu sos finantziamentos a sas iscolas pro pagare sos mastros, su materiale didàticu e totu su chi sas iscolas ant gastadu pro fàghere custos cursos, comente b’est iscritu in su Pianu de tres annos de sa Regione pro sa Limba Sarda 2011-2013 e in sa Delìbera 26/6 de su 24 de maju de su 2011 de sa Giunta Regionale. Sighi a ligi ‘Documentu: petitzioni promòvia de aMpI po pediri s’imparu de su sardu in iscola’
(IlMinuto) – Casteddu, 25 de su mesi de gennàrgiu – S’annu iscolàsticu chi benit is famílias de sa Sardigna ant a podi isceberai si fai imparai su sardu a is fillus insoru. A ddu fai isciri est s’ofítziu de imprenta de s’Assessori de sa Pública Istrutzioni, Benis Culturalis, Informatzioni, Ispetàculu e Isport Sergio Milia. Una novidadi bella meda e unu primu passu po torrai a donai dignidadi a sa língua de is Sardus. Giai in is cidas passadas s’assessori Milia iat sollicitau a su responsàbili ministeriali de s’iscola in Sardigna, Enrico Tocco, a sensibilitzai a is dirigentis de is autonomias iscolàsticas po s’insertamentu de s’iscéberu po s’imparamentu de sa língua sarda in is módulus de pre-iscritzioni po s’annu iscolàsticu 2013-2014. Un’arrespusta positiva, sa chi est lómpia de sa Diretzioni Iscolàstica, chi at imbiau una tzirculari a totus is capus de istitutu innoia si pedit s’apricu de sa normativa istatali in matéria. “Dógnia iscola, segundu su gradu de istrutzioni chi est lamada a gestiri, a su personali chi tenit, a is istruturas, a is resossas finatziàrias e professionalis – iscririt Tocco a is dirigentis iscolàsticus – fait su Pranu de s’Oferta Didàtica suu. Su curruculu obligatóriu podit essi duncas arricau e amanniau de àteras propostas didàticas”. Sighi a ligi ‘Imparamentu de su sardu in iscola. Una possibilidadi didàtica e culturali manna’
Sa leze italiana 482 de su 1999 (artìculu 4, paràgrafu 5) riconnoschet a totus sos babbos e sas mamas sardas su diritu de isseperare si cheren chi lis imparen su sardu in iscola a sos fizos.
Isetande chi su pòpulu sardu apat sa soberania pro pònnere a òbricu su sardu e sas àteras limbas de Sardigna in totus sas iscolas e apat su potere de organizare sas iscolas de Sardigna cussiderande petzi sos bisonzos e sos interessos suos, depimus impreare custa leze pro lis facher imparare su sardu in iscola a fizos nostros.
In prus de deche annos sun istadas pacas sas iscolas chi an rispetau custu diritu de sas mamas e de sos babbos sardos, ca nemos at fatu rispetare sa leze e ca nen sas iscolas e nen sos mèdia an fatu ischire a sas famillias chi an custu diritu.
Ocannu, pro sa prima borta, s’Ufìtziu Regionale de sas Iscolas at rispetau sa leze e at mandau una lìtera a totus sas iscolas de Sardigna nàndeli chi depen pònnere s’optzione pro isseperare s’imparu de su sardu in sos mòdulos pro iscrìvere sos pitzinnos pro s’annu 2013/2014. Tando, dae ocannu, sas famillias poden isseperare in su mòdulu de s’iscritzione de lis imparare su sardu a sos fizos pro s’annu ch’intrat (b’at tempus finas a su 28 de frevarju).
Su chi nos timimos como est chi nen sas iscolas e nen sos mèdia lis facan ischire a sas famillias chi an custu diritu, e chi su bilinguismu dat vantàggios mannos pro imparare sas àteras limbas e totus sas matèrias e fintzas pro s’isvilùpu cognitivu de sos pitzinnos. Sighi a ligi ‘Documentu: isceberaus su sardu in iscola po fillus nostrus. Apellu de a Manca Pro s’Indipendentzia’
Social
