(S’úrtima nova) – Casteddu, 21 de su mesi de martzu – Una de is facis chi contradistìnghit sa faina de pagu prus de binti annus de is Progetus Carpe Diem est s’abiléntzia de prodúsiri e aprontai ocasionis de cultura a foras de is teatrus conventzionalis. In is annus passaus funt stétius diversus is logus animaus de is propostas culturalis de Carpe Diem: Casteddu e su tzentru istóricu suu cun su Progetu Cervantes; s’arburada Buoncaminu, su Bastioni Santu Remì e is Giardinus Públicus cun sa Rassegna de su Teatru Internatzionali de Arruga; Cuartu e is domus campidanesas, aundi unu mangasinu de binus in làdiri po duus annus est diventau s’Ispàtziu de Carpe Diem; is biddas de sa Marmidda; is Minieras de Monti Béciu cun su Festival Cantieris. Protagonista oi est sa Domu de is Istórias de arruga Ponchielli 39 in Casteddu, una residéntzia butega de maistu de pannu, unu logu de pentzu, de sperimentatzioni e produtzioni artística, ma puru un’ingruxeri de artistas e aspetadoris. Sighi a ligi ‘Prodúsiri e aprontai cultura teatrali a foras de is teatrus: is progetus de Carpe Diem’
(IlMinuto) – Casteddu, 21 de su mesi de fiàrgiu – Lompit a su cuintu atopu suu sa “Prosa Manna in su Teatru Massimu” aprontada de su Cedac Sardigna. Mérculis 22 de su mesi de fiàrgiu a is 20.45 s’at a fai, cun sa regia de Geppy Gleijeses, s’ispetàculu “Lo Scarfalietto”, “sa cumédia napullitana prus spassiosa de totus is tempus”. Impari a Lello Arena e Marianella Bargilli, ddoi at essiGleijeses puru in su palcu comenti atori. Sighi a ligi ‘Ispetàculus: in su Teatru Massimu andat in iscena “Lo Scarfalietto’
Pubblicau su 14/02/2012 a is
12:07 in Cultura | 0 cummentus
Argumentus: spettacoli
(IlMinuto) – Casteddu, 14 de su mesi de fiàrgiu – su falmencu, traditzionali e música dantza ade s’Andalusia, lompit in Sardigna. Duus funt difatis is atopus prevìdius, su 16 de su mesi de fiàrgiu in Crabònia a is 21.00, in is aposentus de su Teatru Tzentrali, e su 17 in Casteddu a is 23.30 in “Piccolo Auditorium”. Duus is ispetàculus emotzionantis impari a una de is dantzadoras de Falncu, Irene La Sentio, comenti protagonista. Sighi a ligi ‘In Sardigna duus atopus cun su Flamencu’
Pubblicau su 3/01/2012 a is
08:37 in Cultura | 0 cummentus
Argumentus: spettacoli
(IlMinuto) – Casteddu, 3 de su mesi de gennàrgiu – NON RICORDO NULLA!”, s’ispetàculu allirgu e befianu chi Jacopo Cullin dedicat a s’amada Sardigna sua, at a andai in iscena in su Teatru Comunali de Mòguru su 6 de su mesi de gennàrgiu a is 18.00. In “Non ricordo nulla!” Jacopo, fertu de unu scarescimentu temporàneu, impari a s’amigu suu de sèmpiri Gabriele, intepretau de su comicu Gabriele Cossu, tenit un’atopu in d-unu bar po agatai su modu de sboddiai su scarescimentu de Jacopo. In iscena ddoi ant essi puru tres misicistas de arruga, Maurizio Congiu a su contrabbàsciu, Matteo Gallus a su violinu e Giovanni Mameli a ghitarra. Is tres, ant fai de sa colunna sonora e ant a benni lamaus in prus de un’ocasioni a serrai su tzirollu de is scenixeddas spassiosas. Sighi a ligi ‘Avenimentus: in Mòguru Jacopo Cullin in “NON RICORDO NULLA!”’
Pubblicau su 6/07/2011 a is
09:10 in Cultura | 0 cummentus
Argumentus: spettacoli
(IlMinuto) – Casteddu, 6 de su mes’e argiolas – De su 23 a su 31 de su mes’e argiolas at torrai in Teulada s’apuntamentu cun Animar, sa sesta editzioni de su Festival Internatzionali de su teatru de animatzioni asuba Mediterràneu. Cussas de su Surcis de bàsciu ant essi otu diris alligardas de mariunetistas, brutatinaus, manixadoris de mustajonis, disignadoris de umbras, artistas banduleris signaus de su traballu in is istradas e in is pratzas. Su festival est aprontau de sa Compagnia Is Mascareddas. Totu sa manifestada s’at a tenni tra is giardinus de sa Domu Baronali e su palcu prus piticu montau a su segundu pianu de sa domu. Sighi a ligi ‘Ispetàculus: a sa sesta editzioni su Festival Internatzionali de su Teatru de Animatzioni asuba Mediterràneu’
(IlMinuto) – Casteddu, 5 de su mes’e argiolas – Ispetàculu nou po Rossella Faa. Lompendi a fai tres annus de sa bessida de “Baa-bà. Storie, ricette e preghiere fatte a canzone”, sa cantanti e autora sarda – capassu de uniri “sa befa a cuss’etotu, sa recitatzioni e sa música jazz sighendi su ligimentu etnicu campidanesu” – presentat po sa primu borta is cantzonis de “Sighi sighi. I problemi delle donne”, traballu chi at a bessiri tra pagu tempus. S’apuntamentu est po gióbia 7 de su mes’e argiolas a is 20.30 in Casteddu largu Giuseppe Dessì, intrada 6 eurus). Sighi a ligi ‘“Sighi sighi”. Rossella Faa presentat s’ispetàculu nou in Casteddu’
Pubblicau su 30/06/2011 a is
08:48 in Cultura | 0 cummentus
Argumentus: spettacoli
(IlMinuto) – Casteddu, 30 de su mes’e làmpadas – “Ollu is abas, unu croxu, unu bruncu de elefanti, suai fumu, mi ollu atrotoxai, mi ollu scumponni, ollu essi dónnia cosa, mi ollu liberai cun is prufumus, ollu cresci comenti is matas, e scurriri comenti s’àcua, trinniri comenti su sonu, brillai comenti sa luxi, mi ollu apaxiai asuta de dónnia forma, ollu intrai in dónnia àtomu, cabai fintzas a arribai in su fundu de sa matéria, essi sa matéria”, (A. Breton)
Su sipàriu de su “Giardinu Megalìticu” de bia Rosorgimento in Santu Sparau cras 1 de su mes’e argiolas a is 18.30 s’at a oberri po arregalai a su púbblicu un’ispetàculu, interessanti meda, de dantza butoh: “Divine Delizie”. Performance colletivas piticheddas, innui is baddadoris – si ligit in d-una nota de imprenta – “si lassant andai a un’eploratzioni de sa dantza chi est tambeni cumentzedi. In custa fasi – sighit sa nota “dónnia istudiu est stetiu pensau po sboddiai su tema de sa pintura centrali de su cuadru de Bosch”. Sighi a ligi ‘Ispetàculus: passus de dantza in “Divine Delizie”’
Pubblicau su 7/06/2011 a is
08:34 in Cultura | 0 cummentus
Argumentus: spettacoli
(IlMinuto) – Casteddu, 7 de su mes’e làmpadas – “Comenti una cabixeta est su riassuntu de unu cocodrillu, aici su Tangu est su riassuntu de una vida”. (Paolo Conte)
Su mes’e argiolas casteddaiu at a oberri is ennas suas a passus de Tangu. De su 2 a su 10 de su mes’e argiolas, tra is murallas de sa primu citadi de sa Sardigna at a benni aghilliu su “Rosso Tango Festival”. Ant essi otu is diris dedicadas a s’eventu internatzionali. Cursus, “milonghe”, ispetàculus e pràtiga po totus is tangherus. No ant essi scéti is “milonghe” a pintai de arrúbiu su bixinau de Casteddu ‘e susu. Sighi a ligi ‘Apuntamentus: in Casteddu “Rosso Tango Art Festival”’
(IlMinuto) – Casteddu, 6 de su mes’e làmpadas – At a benni inaugurada sàbudu 18 de su mes’e làmpadas sa Stagioni Lírica e de “Balletto” de su 2011 de su Teatru Líricu de Casteddu. A oberri su sipàriu at essi “La Traviata” de Giuseppe Verdi, òpera chi torrat a essi fatta in Casteddu a pustis de set’annus de auséntzia. Sighi a ligi ‘Ispetàculus in Casteddu: “La Traviata” oberrit sa stagioni de su Teatru Líricu’
Pubblicau su 11/05/2011 a is
08:52 in Cultura | 0 cummentus
Argumentus: spettacoli
(IlMinuto) – Casteddu, 11 de su mes’e maju – Ant a andai in iscena de su 1 a s’8 làmpadas in s’ortu Botànicu de Casteddu sa “Fedra de Seneca”: unu progettu chi at a tenni po protagonistas su teatru clàssicu e is logus istóricus de sa romanidadi de Casteddu. Una bidea chi giai de s’annu passau s’iat a depi trasformai in d-unu beru e própriu festival. Sighi a ligi ‘Teatru: in s’Ortu Botànicu de Casteddu sa “Fedra de Seneca”’
(S’úrtima nova) – Casteddu, 21 de su mesi de martzu – Una de is facis chi contradistìnghit sa faina de pagu prus de binti annus de is Progetus Carpe Diem est s’abiléntzia de prodúsiri e aprontai ocasionis de cultura a foras de is teatrus conventzionalis. In is annus passaus funt stétius diversus is logus animaus de is propostas culturalis de Carpe Diem: Casteddu e su tzentru istóricu suu cun su Progetu Cervantes; s’arburada Buoncaminu, su Bastioni Santu Remì e is Giardinus Públicus cun sa Rassegna de su Teatru Internatzionali de Arruga; Cuartu e is domus campidanesas, aundi unu mangasinu de binus in làdiri po duus annus est diventau s’Ispàtziu de Carpe Diem; is biddas de sa Marmidda; is Minieras de Monti Béciu cun su Festival Cantieris. Protagonista oi est sa Domu de is Istórias de arruga Ponchielli 39 in Casteddu, una residéntzia butega de maistu de pannu, unu logu de pentzu, de sperimentatzioni e produtzioni artística, ma puru un’ingruxeri de artistas e aspetadoris. Sighi a ligi ‘Prodúsiri e aprontai cultura teatrali a foras de is teatrus: is progetus de Carpe Diem’
