(IlMinuto) – Casteddu, 27 de su mesi de gennàrgiu – Su dinai chi nd’at a depi liai sa Finantziaria a s’esàminu de su Consillu regionali arriscat de fai dannus mannus a sa cultura e s’ispetàculu in Sardigna. Est cantu denuntziat sa petitzioni on line “No a su dinai liau a sa cultura e a s’ispetàculu: cali fàbrica de sa fantasia in s’annu nou?”, chi in pagu oras at superau is 60 firmas. Sighi a ligi ‘“No a su dinai liau a sa cultura e s’ispetàculu”. Petitzioni pedit de mudai sa Finantziaria 2012′
Archíviu de s'argumentu 'ispetàculu'
(IlMinuto) – Casteddu, 14 de su mes’e argiolas – Sàbudu 16 de su mes’e argiolas in pratza Europa in Dolinaova Antonella Puddu e Riccardo Pitta ant a donai boxi e música a “Cronaca de una morti annuntziada”. Ligimentus pigaus de su líburu de Gabriel Garcia Marquez, furriau in língua sarda de Ivo Murgia po is editzionis Condaghes. Sighi a ligi ‘Ispetàculus: in Dolianova Antonella Puddu e Riccardo Pittau in “Cronaca de una morti annuntziada”’
(IlMinuto) – Casteddu, 23 de su mes”e fiàrgiu – De chini no est ancora un’artista a chini est professioneri de fama. Cenàbara 11 de su mes”e Martzu a is 20.30, s’assótziu Culturali “Nuoro per l’Arte” aprontat, in is aposentus de su Cínema Teatru Eliseu, unu merì-ispetàculu cun sa participatzioni de artistas chi – si ligit in d-una nota – “chi comenti chini no est ancora artista at fattu onori e at donau lustru a manifestadas comenti ‘Dilettanti allo Sbaraglio’ o àteras de su mantessi tipu”, e oi “s’ammostant cun arrennéscida in is teatrus e in is pratzas de s’Ísula e puru de sa penísula”. Sighi a ligi ‘“Allora erano Dilettanti…”: in s’Eliseu s’ispetàculu de “Nuoro per l’Arte”’
(IlMinuto) – Casteddu, 2 de su mes”e totussantus – Po sa Stagioni de su Contemporaneu – chi si tenit in Tàtari de su 21 de su mes”e ledàminis a su 3 de su mes”e paschixèdda, in is aposentus de sa Saba Estanco, at a andai in iscena “Prove di viaggio”, un’ispetàculu nàsciu de sa butega de teatru cumentzau de casi duus annus de sa compagnia Theatre en Vol cun s’agiudu de s’Assótziu GeNa. Sighi a ligi ‘“Prove di viaggio”: cras in Tàtari s’ispetàculu de Theatre en Vol e GeNa’
(IlMinuto) – Casteddu, 14 de su mes”e ledàminis – De martis 30 de su mes”e totussantus a su 7 de su mes”e paschixèdda, su Teatru Líricu de Casteddu at a presentai “Lo Schiaccianoci”, ballitu ispirau a su contu “Schiaccianoci e il re dei topi” de Ernst Theodor Amadeus Hoffmann (1816). A sa primu prova, in su 1892, s’òpera fit presentada cun músicas de Pëtr Il’ic Cajkovskij, sighendi cun pibincùmini is indicus de su coreografu Marius Petipa. Sighi a ligi ‘‘Lo Schiaccianoci’: in su Líricu de Casteddu su ballitu ispirau a su contu de Ernst Theodor Amadeus Hoffmann’
(IlMinuto) – Casteddu, 27 de su mes”e cabudanni – Cussa chi andat de su 30 de su mes”e cabudanni a su 3 de su mes”e ledàminis at essi s’unixesima editzioni de su “Grande teatro dei piccoli”, una fibera de ispetàculus dedicaus a is pipius e a is famílias insuru. Puru ocannu, is Mascareddes presentat una no stop de 32 ispetàculus po noi cumpangias chi benint de s’Itàlia, de sa Spagna e de sa Francia. Totu custu in cuatru merì spassiosus fillus de su Teatru de animatzioni. Is ispetàculus s’ant a tenni in su Centru s’Arti Comunali Exmà a cumentzai de is 16.00. Su festival – si ligit in d’una nota – “si giogat casi totu a s’ària oberta, ingíriu a cincu collocamentus montaus in su cortili de su Centru d’arti comunali”. Sighi a ligi ‘‘Il grande teatro dei piccoli’: 32 ispetàculus in s’XI editzioni de su Festivali internatzionali aprontau de Is Mascareddas’
(IlMinuto) – Casteddu, 15 de su mes”e cabudanni – De s’11 de su mes”e ledàminis a s’11 de su mes”e fiàrgiu sa boxi chi contat de s’atori Gaetano Marino at a intrai in is iscolas medias de sa Sardigna cun d’unu progetu chi tenit cometi títulu “E le stelle pasticciano il cielo”. “Is protagonistas ant essi – si ligit in d’una nota – Is Mitus e is Palistórias de sa Grecia antiga, abarraus immortalis de poeta e cantoris de is tempus antigus”.
Unu programma de animatzioni a s’ascurtu-ligimentu, cussu portau in campu de Marino, chi at a afrontai is tempus prus diversus: amoris, impresas, amigàntzia e gherras. Atressu su progetu, s’ascurtanti at a benni tragau cun ímpetu aintru de su mitu chi si fait fueddu, seghendi in modu màgicu cun su rítimu de dógnia diri cun su fin”e intrai in d’unu campu comunicativu diversu.
(IlMinuto) – Casteddu, 2 de su mes”e cabudanni – Diri arrica de emotzionis su 29 de su mes”e austu in Baradìle. Sa biddixedda de sa Marmidda at difatis aghilliu s’ispetàculu Mechanic World e, comenti si ligit in d’una nota de imprenta – “is luxis coloridas, is performance atrativas ant creau unu mundu màgicu”. Cun Mechanic World Baradìle est diventau unu palcu mannu, chi at aghilliu is melodias de is istrumentus a arcu traditzionalis Sighi a ligi ‘“Marmilla Mille Emozioni”: cun Mechanic World Baradìle si trasformat in bidda-palcu’
(IlMinuto) – Casteddu, 29 de su mes”e argiòlas – “Sono romano ma non è colpa mia”. Est custu su títulu de s’ispetàculu chi Enrico Brignano at a portai in iscena su 2 de su mes”e cabudanni in s’Anfiteatru romanu de Casteddu. Su show, chi at biu su cumenzu de sa carriera sua in su mes”e e paschixèdda de su 2009, est pigau de su mantessi líbburu scritu de s’”atori famosu nàsciu de s’iscola de Gigi Proietti”.
Acumpangiau de is músicas e de s’orchestra dirigia de Federico Capranica, Brignano at essi regista e atori e at a donai boxi a is arregordus de una família chi, torrendi agoa finzas a su nannai, arribbat finzas a sa Roma antiga. Cun abbilidadi manna su comicu – si podit ligiri in d’una nota – at a acumpangiai “su púbblicu in d’unu viàgiu tra is strobbus mannus e piticus de sa conca de is italianus; totu custu fadendi arriri in modu delicau e mai vulgari, cun d’un’únicu obbietivu mannu, cussu de fai passai a sa genti unu momentu praxibi”.
(IlMinuto) – Casteddu, 24 de làmpadas – Una diri tra garas de carretus in linna, música e fogus de Santu Anni. Su 26 de su mes”e làmpadas, in su Boschixeddu de Punta Idda, Utieri at a annovai s’apuntamentu cun “Sonos de Fogu”, unu progetu pensau de s’assóziu culturali Artisende, nàsciu cun s’iscopu de fai torrai a sa memória antigas tradizionis comenti cussa de “sos fogarones” de Santu Anni.
In ocasioni de sa II edizioni is aprontadoris ant a propòniri a su prúbbicu, in prus de sa gara de is carretonis de linna, ispetàculus de música e fumetus, un’atóbiu tra notas musicalis e nuis chi fueddant. In totu sa diri ant essi allestias mostras ocasionalis, ma su momentu prus bellu de “Sonos de Fogu”- si ligit in d’una nota – at essi s’intervista a Davide Toffolo, grandu fumetista e no scéti, cantanti-ghitarreri de is ‘Tre Allegri Ragazzi Morti’”.
No scéti fumetus e música. Tra is apuntamentus de su progetu aprontau de Artisende ddoi ant essi, difatis, puru proiezionis de videoclip e cartonis animaus.
Social
