(IlMinuto) – Casteddu, 4 de su mesi ledàminis – Est stétiu publicau de sa Provìntia de Terranòa-Tèmpiu “Cumpartu cincu – Ambienti e sustenibilidadi” su bandu de gara po s’esecutzioni de is traballus po “Ponni a postu Sistema Lagu Coghinas – Cumprimentu de transida po fai a torrai a Artziai de is Anguiddas”. S’amadurat duncas s’apíliu, nudriau po 40 annus de is aministradoris de Tula, Belchidda, Oscheri e Utieri e de is piscadoris, de is isportivus e de is amantis, de fai torrai a is anguiddas indìgenas in su Lagu Coghinas e in is diversus arrius. Innoni difatis is anguiddas biviant numerosas primu de sa travedda de su Muzzone. Sighi a ligi ‘Sa torrada de is anguiddas indìgenas in su Coghinas’
Archíviu de s'argumentu 'sport'
(IlMinuto) – Casteddu, 3 de su mesi de austu – Dies de festa. Est custu su nòmini de sa manifestada chi at a allirgai Fordongiani de custumerì a cumentzai de is 18.00, fintzas a domínigu 5. Tres diris de festa marcaus Sardigna aprontaus de ProgReS Progetu Repùblica. Sighi a ligi ‘Una baga po fueddai de Sardigna. In Fordongiani cumentzant is Dies de Festa’
(IlMinuto) – Casteddu, 22 de su mesi de fiàrgiu – Comenti si podit avalorai su Parcu Naturali Molentargius Salinas? A sa pregunta ant arrespustu, cida passada, is Riformatoris Sardus, fadendi una fibera de propostas chi iant a depi torrai a donai cabali, cualifichendidda, a sa chi benit cunsiderada una zona úmida de balimentu internatzionali intre is prus importantis de Europa. Is innovatzioni propostas de is Riformatoris previdint su fàbricu de òperas mannas turisticas, atividadis sportivas, culturalis e produtivas. “Si rendeus contu – narat Anna Maria Busia, cordinadora tzitadina de sa fortza política de Casteddu- de cantu su parcu siat una risossa de importu mannu po sa tzitadi”. Po custu po is Riformatoris “su tzircúitu de aintru de su parcu iat a essi adatu a acasagiai garas ‘podistiche’” e ”is diversas coras de àcua iant a podi essi impitadas po sa pisca sportiva”.
(IlMinuto) – Casteddu, 17 de su mesi de gennàrgiu – Bitória in domu po su Ping Pong sardu in su palatzeddu de bia Crespellani. Sàbudu passau sa Marcozzi Casteddu at bintu po 4 a 2 a sa Gs Cral de Roma, in su campionau de serie A2 maschili. Prexau de s’arrasurtau Stefano Curcio, chi no biciàt una partida de ping pong de su 12 de su mesi de totussantus. Sighi a ligi ‘Ping Pong: agoa de tres mesis su Marcozzi Casteddu torrat a binci in A2′
(IlMinuto) – Casteddu, 5 de su mesi de gennàrgiu – In beranu Casteddu at essi sa capitali de su ping pong. De su 31 de su mesi de martzu a su 6 de su mesi de arbili 350 atletas chi lompint de binti stadus de tres diversus continentis ant essi is protagonistas de is Campionaus mundialis de is istudiantis. Is garas s’ant a tenni in Palatzeddu de s’Isport de bia Rockfeller e in is palestras Coni A e B de bia Pessagno. Sighi a ligi ‘Isport: in Casteddu is Campionaus mondialis de is istudiantis de ping pong’
(IlMinuto) – Casteddu, 17 de su mesi de totussantus – Àtera sderrota po is Crusaders Casteddu. Custa borta sa scuadra de “Football” americanu at pérdiu po 64 a zeru in sa gara contra a is Seamen de Milanu, chi s’est tenta domínigu passau in su campu Terramaini de Casteddu. Sighi a ligi ‘“Football” americanu: Crusaders Casteddu 0 – Seamen Milanu 64′
(IlMinuto) – Casteddu, 16 de su mesi de totussantus – Funt 80 e prus is atletas iscritus a su campionau sardu de Muay Thai, sa boxe tailandesa, in programa domínigu chi benit, 20 de su mesi de totussantus, in Fonne. S’atopu est po is 10.00, in sa palestra comunali de sa bidda in provìntzia de Nùgoro. Sighi a ligi ‘Isport: in Fonne is campionaus sardus de Muay Thai’
(IlMinuto) – Casteddu, 15 de su mesi de totussantus – A cincu mesis de sa fini de su campionau de calciu de su 2010-2011, is giogadoris e is traballadoris de sa Biddacidresa no ant biu nimancu unu soddu de is stipendius de sa stagioni passada. Est cantu denuntziat una lítera, firmada “is traballadoris de sa Biddacidresa” – imbiada a su presidenti de sa Regioni, a s’assessori a su Sport, a su presidenti de sa Provìntzia de su Campidanu de Mesu e a su presidenti de sa Lega Calciu. “Eus scipiu – si ligit in sa lítera – ca sa Regioni at donau a sa Sotziedadi [...] 310milla eurus prevìdius po su finantziamentu de is sotziedadis sportivas fatas de professioneris […]“. A custu dinai s’aciungint àteras “sponsorizzazioni”, lompendi – narat sa lítera – a unu tzirfa “bastanti po saldai su dépidu de su traballu 2010-2011 chi sa Biddacidresa tenit cun is traballadoris suus, ma puru po permiti a sa Sotziedadi de su Campidanu de Mesu de sighiri a fai su Campionau”. Sighi a ligi ‘Calciu. Traballadoris de sa Biddacidresa: “Chentza de biri unu soddu de un’annu”’
(IlMinuto) – Casteddu, 8 de su mesi de totussantus – Sderrota noa po is Crusaders Casteddu. Domínigu passau sa scuadra sarda de football americanu est stétia binta po 14 a 8 de is Rhinos, in Milanu. Sighi a ligi ‘Football americanu: sderrota milanesa po is Crusaders Casteddu’
(IlMinuto) – Casteddu, 3 de su mesi de totussantus – Nascit in Sardìnnia su primu Portellitu de aviamentu a su sport po disàbilis. Su progetu est fillu de su cumbéniu firmau intre sa Provìntzia de Casteddu e su Cumitau Provintziali Italianu Paralimpicu. De custu mamentu at essi su mantessi Portellitu provintziali po su sport a assegurai un’agiudu a is organizatzionis, a is operadoris, a is aministratzionis de su territóriu, a is aziendas e a is tzitadinus. Sighi a ligi ‘Sport: in Casteddu su Portellitu de assistu po is disàbilis’
Social
