(IlMinuto) – Casteddu, 2 de su mesi de gennàrgiu – Su ripetidori de bia Gioberti, in Cuartu Sant’Aleni, tenit is permissus netzessàrius? Est cantu pedint cun d-una nota su Grupu de interventu giurídicu e is Amigus de sa Terra. Su 28 de su mesi de paschixèdda passau is assótziu ambientalistas ant mandau una dimanda scrita de scedas apitzus de su ripetidori po is telèfunus cellularis a su comunu de Cuartu e a sa provìntzia de Casteddu. Gig e AdT pedit a is aministratzionis de cuntrollai sa poténtzia de su ripetidori chi s’agatat in sa sa crabetura de unu fàbricu in bia Gioberti e, si netzessàriu de ndi ordinai su trasferimentu in d-unu tretu prus seguru. Sighi a ligi ‘Ambienti. Gig: “Su ripetidori de bia Gioberti, in Cuartu, est autorizau?”’
Archíviu de s'argumentu 'ténnica'
(IlMinuto) – Casteddu, 19 de su mes’e arbili - At a cumentzai de Tramatza e at a circai de trisinai a is professionalidadis prus bellas de su territóriu po torrai a promovi sa Sardigna. Est custu su progetu de “Sardegna 2.0″, chi at aprontau s’eventu “Con noi a Tramatza per cambiare il territorio”. Una bidea chi nascit de sa retza gràtzias a unu grupu professionali creau in Linkedin chi immoi s’oberrit a totus cussus chi nd’ant a bolli fai parti. Un’apuntamentu fundau in su mundu de s’innovatzioni, aundi professoneris chi benint de diversus campus s’ant a atobiai po donai vida a un’apuntamentu informali, nàsciu de terra e líberu, chi tenit comenti iscopu cussu de torrai a fai nasci a su territóriu. Sighi a ligi ‘“Cun nos in Tramatza po cambiai a su territóriu” in sa bidda in provìntzia de Aristanis s’apuntamentu cun s’innovatzioni de “Sardegna 2.0″’
(IlMinuto) – Casteddu, 14 de su mes”e arbili – Unu giassu nou dedicau scéti a is temas de sa propriedadi intelletuali. At essi custu “Punto Cartesiano”: su progetu chi Sardigna Circas at a presentai cenàbara 15 de su mes”e arbili a is 10.00 in s’auditorium “Giuseppe Pilia” de su fàbbricu 2 de Polaris in Pula. S’Enti fait parti de is 330 centrus PatLib, creaus – si ligit in d-una nota – “de s’Ufíciu Europeu de is Brevetus e participat senz”e pàsiu a custu network pubblicizendi a is serbítzius po s’amparu e sa connoscéntzia de sa proprietadi intelletuali”. Sighi a ligi ‘“Punto Cartesiano”: in Polaris sa presentada de su giassu asuba de sa propriedadi intelletuali’
(IlMinuto) – Casteddu, 21 de su mes”e martzu – Su Cumpartu AIB Sardigna aprontat un’atóbiu po lùnis 28 de su martzu de su 2011 de is 9.30 a is 13.00.
Tema de s’atóbiu est “Google e le biblioteche: un dialogo sui progetti e sui servizi”. Reladoris de sa cosa ant essi Chiara De Servi, Strategic Partner Manager, Print Content Specialist de Google Itàlia e Antonella De Robbio de s’Universidadi de Padova.
S’atóbiu tenit s’intentu de presentai is progetus Google Libburus e Google Ebooks. At a benni puru ammostau s’acórdiu fattu de pagu tra su Ministeru po is Benis e is Atividadis Culturalis e Google indiritzau a sa digitalizatzioni de unu millioni de testus chi no tenint copyright e chi s’agatant in is Bibbliotecas Natzionalis de Roma e Firenzi.
S’apuntamentu previdit unu númeru de no prus de 60 personis, a custas at essi donai un’atestau de participatzioni, s’atóbiu s’at a tenni in sa Saba Cuferéntzias de Bibblioteca Regionali in s’arburada Trieste 137 in Casteddu. Is dimandhas de iscritzioni, ant a depi essi mandas intru su mangianu de su 23 Martzu a s’indiritzu: corsiaibca@yahoo.it.
(IlMinuto) – Casteddu, 25 gennàrgiu – Apuntamentu de signai in s’almanaccu po is amantis de s’innovatzioni tecnologica. Gióbia chi benit de su mes”e gennàrgiu s’at a tenni in Pula, in su fàbbricu 2 de su Parcu tecnologicu de sa Sardigna, su seminàriu de Giuseppe Maxia “MySQL 5.5 in pratica, uso e scalabilità del database di ultima generazione”. Sighi a ligi ‘“MySQL 5.5 in pràtiga” in Pula s’allegat de su database de úrtima categoria’
(IlMinuto) – Casteddu, 9 de su mes”e cabudanni – Tra pagus annus is pompieris ant a podi afrontai apretus e perígulus cun s’agiudu de is tennologias prus a s’avanguàrdia. Unu team de istudiu guidau de Annalisa Bonfiglio, maista de Eletrònica a s’Universidadi de Casteddu e istudiosa de su Cnr, at difatis progetau sa divisa de su tempus benidori: un’abidu cun antennas e partis eletronicas postas inderetura in s’arrobba. Ddu narat cun d’una nota s’ufíciu de imprenta de s’Ateneu casteddaiu.
Sighi a ligi ‘Istudiu: una divisa tennologica po su pompieri de su tempus benidori. In Pula sa presentada de su progetu’
(IlMinuto) – Casteddu, 9 de su mes”e làmpadas – Apuntamentu de no pèrdiri po is púbblicas amministrazionis e is impresas chi impitant (o tentint s’intenzioni de impitai) piataformas “open” in is próprius rezas informaticas. S’11 e su 12 de su mes”e làmpadas de su 2010 s’at a tenni in Casteddu sa IV Cuferénzia italiana de su software líbberu.
S’atóbiu pigat arreghèscia de s’esémpiu de sa Provìnzia de su Campidanu de Mesu (s’enti impitat difatis sa piataforma Japs). Is traballus ant essi aghillius in su Dipatimentu de Ingenneria Elétrica e Eletronica.
(IlMinuto) – Casteddu, 1 de su mes”e làmpadas – Ancora dinai po sa digitalizazioni de s’amministrazioni sadra. Un’acórdiu – firmau in is diris passadas in Roma de sa Regioni e de su Ministeru de sa “Funzione pubblica” – donat 2,9 millionis de eurus po s’innovazioni de is entis de su territoriu.
“S’acórdiu – at nau s’assessori de si “Affari generali” Ketty Corona – est unu arreconnoscimentu de su Ministeru a s’amministrazioni regionali po ai sighiu a portai ainnantis azionis chi acozant s’innovazioni de is entis de su territoriu e at a donai línfa a progetus cumenzaus de sa Regioni cun s’agiudu de is amministrazionis comunalis”.
(IlMinuto) – Casteddu, 20 de su mes”e maju – Su parcu de Monserrato si fait “tennologicu”. Custu mangianu – in sa classica area de Tàtari – at essi difatis afestada sa connessioni Internet senz”e filus: su wireless at a permiti a is citadinus registraus a su serbíziu de podi intrai in su web de aintru de su parcu.
In su manginu at essi puru sbusciada sa targa chi dedicat a Louis Braille is giardinus de bia de Vittorio, in su cuarteri de a Luna e Sole.
(IlMinuto) – Casteddu, 18 de su mes”e maju – “L’impatto delle nuove tecnologie nel rapporto tra il cittadino e l’amministrazione”. At essi custu su tema de su III Cunvegnu regionali de sa comunicazioni púbblica, in programma in Casteddu cenàbara chi benit (9.15, Àula magna de sa Facoltadi de “Scienze della Formazione”).
“Su cunvegnu – si ligit in d’una nota – castiat a is tennologias comenti a istrumentus po mellorai is serbízius a is citadinus: internet, blog, social network”.
S’apuntamentu – chi previdit sa presénzia de espertus de su càlibbru de Mario Rodriguez (Comunicazioni púbblica) e Fabio Bistoncini (Relazionis púbblicas) – s’at a serrai cun sa presentada de su “Progetto timbro digitale” de sa Regioni Sardigna e de su Comunu de Casteddu.
Social
