(IlMinuto) – Casteddu, 24 de su mesi de maju – Novas bonas lompint de su fronti de is navius, podeus isperai in d-una sentèntzia de cundenna a is cumpangias de navigatzioni chi ant poderau is prétzius artus medas. S’Antitrust s’est difatis incarrerendi a s’acabada de su protzedimentu po valutai si is cumpangias de navigatzioni chi tenint sa gestioni de is navius in Sardigna apant fatu cartellu po poderai is prétzius artus medas, comenti denuntziat puru, s’assòtziu de is consumadoris “Altroconsumo”. Su determinu de s’Antitrust at a arribai in su mesi de làmpadas e “po comenti funt girendi is cosas – si ligit in d-una nota de s’Assòtziu de is Consumadoris – no est impossìbili chi si lompat a una cundenna de is cumpangias”. E a sighiri ddoi at essi s’amissioni in sa Class Action de Altroconsumo cun sa cali s’at a pediri chi is passeggieris siant remborsaus de su dinai fuliau ingiustamenti. Sighi a ligi ‘Trasportus: sa terra tremit po is cumpangias Moby, Snav, Forship, e “Grandi navi Veloci”’
Archíviu de s'argumentu 'trasportu'
Istagioni turistica 2012 in abasciada. Sa denúntzia de ProgReS Progetu Repùblica – Campidanu ‘e Mesu
(IlMinuto) – Casteddu, 23 de su mesi de ledàminis – Est in abasciada in totu sa Sardigna s’istagioni turistica de s’istadiali de su 2012. Custu si bit prusatotu – denuntziat ProgReS Progetu Repùblica Campidanu ‘e Mesu ” in su territóriu nostru, innoia si funt registradas – acrarat s’organizatzioni indipendentista – “mancàntzias orgànicas e is crupas de una gestioni mala de su territóriu de su Campidanu de Mesu po mori de una classi política blocada a sartiai is responsabilidadis intre entis e arringheramentus contrapostus. Po binci s’arrescìu ProgReS istudiat, analizat e proponit solutzionis de sceberu po su tempus benidori de su territóriu in s’otica de una promotzioni noa in is comunidadis. S’abasciada de is lompidas atressu de su mari, po mori de s’aumentu de su costu de su billetu, est stétiu unu de is motivus de una preséntzia minori de turistas cun màchina in su Campidanu de Mesu. Sa màchina est difatis unu médiu netzessàriu po mori ca in su territóriu is médius de trasportu públicu funt po su prus ausentis. Ma ita at fatu su Campidanu po binci a su status quo? Sighi a ligi ‘Istagioni turistica 2012 in abasciada. Sa denúntzia de ProgReS Progetu Repùblica – Campidanu ‘e Mesu’
(IlMinuto) – Casteddu 24 de su mesi de cabudanni – S’at a sboddiai su 27 de su mesi de cabudanni in Nùgoro, in sa saba cuferéntzias de s’Ispidali Santu Franciscu, sa presentada de su progetu “TrasportAci” Segurus, apitzus de su tema de sa seguresa in su trasportu de is minoris. “S’a.c.i. (‘Automobile Club d’Italia’) e ‘Automobile Club’ de Nùgoro – si ligit in d-una nota – cun s’agiudu de s’Azienda Sanitària de Nùgoro, bolint, difatis, sensibilitzai a is babus e a is mamas asuba de s’importàntzia de is sistemas prus afatentis a su trasportu in seguresa de is fillus in màchina”. Sighi a ligi ‘Atopus: su 27 de su mesi de cabudanni in Nùgoro su progetu “TrasportAci” Segurus’
(IlMinuto) – Casteddu, 3 de su mesi de cabudanni – In Casteddu sa carestia crescit. In su mesi de austu, difatis, a cantu narat su comunicau fatu connosci de su Serbítziu Statistica de su Comunu, is prétzius funt aumentaus casi de su 0,4 po centu (contra a su -0,1 de su mesi de argiolas). Sighi a ligi ‘Prétzius in Casteddu: bolai est una crestia maba. In su mesi de austu aumentus de su 20 po centu’
(IlMinuto) – Casteddu, 25 de su mesi de argiolas – Trintaduus collegamentus de mancu, sa línia po Pòrtu Turre est stétia liada de su totu, amenguaus is viazus intre Aristanis, Campidanu de Mesu e Surcis Igresienti. Est cantu previdit su pranu nou de Trenitalia po sa Sardigna intrau lúnis passau. Ddu fait sciri cun d-una nota de imprenta su segretàriu de sa Filt Cgil Sandro Bianco, denuntziendi is istrobus nous e grais chi ant a depi patiri is pendulais de totu s’ísula. ”Trenitalia – pretzisat Bianco – sighit a destruiri e ddu fait in sa medesa generali de is istitutzionis regionalis. Sighi a ligi ‘“Trenitalia isciusciat is ferruvias in Sardigna”. Sa denúntzia Filt Cgil. Liada sa línia po Pòrtu Turre’
Social
