> ilMinuto – notizie Mediterranee – edizione Sardegna

Archíviu de s'argumentu ''

Pàgina 2 de 5

Imparu: in Casteddu e in Nùgoro a gratis po “Manager de s’isvilupu turisticu territoriali”

(IlMinuto) – Casteddu, 2 de su mesi de fiàrgiu – S’at a tenni in Casteddu e in Nùgoro su Master de primu livellu a gratis po “Manager de s’isvilupu turisticu territoriali”. Unu cursu finantziau de sa Regioni Sardigna e aprontau de s’Universidadi Católica de su Coru de Gesusu e de sa facoltadi de Ecunumia de Piacenza. Is letzionis, aprontadas in duas classis diferentis, s’ant a fai in Casteddu e in Nùgoro. Po s’iscriri a su Master ddoi est tempus fintzas a s’8 de su mesi de fiàrgiu. Sighi a ligi ‘Imparu: in Casteddu e in Nùgoro a gratis po “Manager de s’isvilupu turisticu territoriali”’

“Abàtiri su Lidu Iride e promovi su logu turismu”. Sa lítera a Cappellacci de ‘Libertà Sarda”

(IlMinuto) – Casteddu, 9 de su mesi de gennàrgiu – Abàtiri s’istrutura de su Lidu Iride, in s’arenàrgiu de Pratamona, e torrai a avalorai su tretu po donai “una bella scidada” a su turismu . Est cantu proponit “Libertà Sarda” cun d-una lítera a su presidenti de sa Regioni, Ugo Cappellacci, a is assessoris a su Turismu, a s’Ambienti e a is Finatzas e a su consilleri regionali Claudia Zuncheddu. “Libertà Sarda” at documentau “Su stadu de abandonu chentza de torrada de su Lidu, tempus fait perella manna de su turismu de su Nord Ovest de sa Sardigna. Lidu fatu de s’impredidori connotu meda Sebastiano Pani”. Sighi a ligi ‘“Abàtiri su Lidu Iride e promovi su logu turismu”. Sa lítera a Cappellacci de ‘Libertà Sarda”’

“Sali Saliu”: in Crabònia cursu po diventai professoneris de su Turismu ambientali

(IlMinuto) – Casteddu, 28 de su mesi de paschixèdda – Funt obertas is iscritzionis a “Sali Saliu“: su cursu finantziau cun su dinai Por Sardigna 2007-2013 chi tenit s’obietivu de favorèssiri sa nàscida de una o prus de una impresa in su cumpartu de su Turismu ambientali. A “Sali Saliu” ant podi participai 15 residentis in Sardigna chi ant pérdiu no ant agatau mai unu traballu e chi siant dipromaus a is iscolas superioris. Sighi a ligi ‘“Sali Saliu”: in Crabònia cursu po diventai professoneris de su Turismu ambientali’

Avenimentus: in su mesi de paschixèdda in viàgiu cun su trenu a craboni cun “Sardinniavapori”

(IlMinuto) – Casteddu, 22 de su mesi de totussantus – S’Assótziu Sarda Trenus Istóricus “Sardinniavapori” at aprontau po domínigu 4 de su mesi de paschixeddaunu viàgiu de Casteddu in Crabònia Serbariu asuba de su trenu a craboni. Su trenu at a tucai a is 9.20 de s’Istatzioni Ferruviaria de Casteddu e at a arribai in Crabònia a faci de is 12.00. Sighi a ligi ‘Avenimentus: in su mesi de paschixèdda in viàgiu cun su trenu a craboni cun “Sardinniavapori”’

Turismu: in sa Fiera de Casteddu su primu “Workshop a Kmzero”

(IlMinuto) – Casteddu, 17 de su mesi de totussantus – Ponni in cuntatu is massajus e is produsidori de sa cosa de papai de su logu cun is albergus e is arristorantis de su territóriu, po portai in is mesas de is turistas is bonidadis de sa Sardìnnia. Est custu s’obietivu de su primu “Workshop a Kmzero” de sa Provìntzia de Casteddu, in programa po su 30 de su mesi de totussantus in su “foyer” de su “Palacongressi” de sa Fiera de Casteddu. “Is operadoris de s”agroalimentare’ – si ligit in su comunicau de sa Provìntzia asuba de “Workshop a KmZero” – ant a tenni duncas sa possibilidadi de impitai su própriu giassu po presentai atastus de is próprius prodotus e sa própriu azienda”. Sighi a ligi ‘Turismu: in sa Fiera de Casteddu su primu “Workshop a Kmzero”’

Biàgios

Social

Facebook     Twitter     Feed RSS  

In primu pianu

 

mes'e cabudanni: 2019
L M M G C S D
« arb    
 1
2345678
9101112131415
16171819202122
23242526272829
30  
Formas
S'Urtima nova