Archíviu de sa categoria 'Pichetada'
(IlMinuto) – Casteddu, 12 de su mesi de martzu – Est stétia oberta su 5 de su mesi de martzu passau in is aposentus de sa Biblioteca Comunali de Gonnosfanàdiga, sa mostra bibliogràfica “De su campu a su pratu: caraterìsticas, preparatzionis, curiosidadis de sa cosa de papai”. S’aparada si sboddiat aintru de is fainas culturalis prevìdias de su Sistema bibliotecàriu Monti Linas po s’annu 2012. Una mostra particulari sa “De su campu a su pratu”. Is líburus aparaus, difatis, ant a podi essi prenotaus po s’impréstidu. Sighi a ligi ‘Mostras: in Gonnosfanàdiga is curiosidadi asuba de sa cosa cun “De su campu a su pratu”’
(IlMinuto) – Casteddu, 5 de su mesi de paschixèdda – Acotzai sa proposta de lei regionali po fai su Parcu de Tuvixeddu–Tuvumannu cun d-una firma. Custu s’obietivu de sa dimanda – chi podit essi firmada puru online – promòvia de Legambiente Sardìnnia. Intre is primus a ai firmau sa cosa ddoi est Giovanni Lilliu, archeólogu e académicu de is “Lincei” chi giai in su 10981 iat propostu de fai “de Tuvixeddu un parcu archeológicu públicu”. Sighi a ligi ‘Una dimanda po salvai Tuvixeddu-Tuvumannu’
(IlMinuto) – Casteddu, 6 de ledàminis – Su 30 de su mesi de ledàminis torrat in Terranòa sa “Festa de su coxineri 2011″. Puru d’editzioni 2011 de s’avenimentu at essi animada de sa beneficetzia e de su bonu coru. Funt, difatis, giai in béndida is billetus de sa loteria de su coxineri. Po su segundu annu de fil’e pari a beneficiai de s’agiudu de is coxineris galluresus at essi s’assótziu “Casa”, chi – si ligit in d-una nota – “gràtzias a is donatzionis at potziu cumentzai is traballus po su fàbricu de sa domu de arricida po is malàdius de cancru”. Sighi a ligi ‘Avenimentus: in Gallùra solidariedadi e cosa de papai bella a sa “Festa de su Coxineri 2011″’
(IlMinuto) – Casteddu, 29 de su mesi de cabudanni – Su 23 de su mesi de ledàminis Arborea at a aghilliri sa Sagra de sa Pulenta. S’atopu, aprontau de sa Pro Loco de sa bidda in provìntzia de Aristanis, est nàsciu de s’abisóngiu de torrai a avalorai unu mandiari de is tempus antigus: sa pulenta. In sa Sagra de sa Pulenta de Arborea no ddoi at scéti cosa de papai, in sa diri de festa, difatis, at essi possíbili bisitai sa mostra de is prodotus tipicus de Sardìnnia. Sighi a ligi ‘Avenimentus: in Arborea sa “Sagra de sa Pulenta”’
(IlMinuto) – Casteddu, 28 de su mesi de cabudanni – S’assótziu “Amici della Terra” aprontat “Il Trenino dei sapori”. Duus domínigus in viàgiu, cussus de su 2 e de su 9 de su mesi de ledàminis, asuba de s’istóricu Trenixeddu Birdi de sa Sardìnnia, chi at a portai a is participantis atressu de un’itineràriu chi andat de Macumère a ‘Osa, su trenixeddu s’at frimai in Sindìa, Tresnuraghes e Tinnura. A dónnia frimada su Trenixeddu at prexai is biaxadori cun is atastus de sa cosa de papai tìpica de is diversas biddas bisitadas: su casu, is salùminis, is drucis, su binu e sa prus connota Marvasia. Sighi a ligi ‘Turismu, in tucada su “Trenisceddu de is Saboris” de is “Amici della Terra”’
(IlMinuto) – Casteddu, 29 de su mesi de argiolas – “Cosa de papai, terra e territóriu”. At essu custu su tema de “Appetitosamente 2011″: sa VI editzioni de su “Festival de sa cosa de papai bella meda” in programma in Siddi – sa bidda nomeda po is marraconis fibas – de oi a su 31 de su mesi argiolas.
“Unu furriadroxu – si ligit in d-una nota de imprenta – po chistionai seriamenti e cun allirghia de sa cosa de papai, linguagiu de vida e de identitadi”. Sighi a ligi ‘Apuntamentus: in Siddi sa VI editzioni de “Appetitosamente”’
(IlMinuto) – Casteddu, 28 de su mesi de argiolas – Sabori de Sardìnnia in Bacu Abis. Su 30 de su mesi argiolas sa fratzioni de Crabònia at a donai su cumintzu a s’afestu de s’istadi de su gustu cun sa Sagra de is malloreddus e de sa petza de brebei. In sa pratza de sa bidda sa genti at a benni aghilia de su Cumitau de Santa Brabara e at essi cumbidada a atastai is pratus bellus de sa coxina traditzionali. Is pratus ant essi serbius cun d-una gurnidura de cantus e ballus sardus. S’afestu at a cumentzai a is 20.30. Sighi a ligi ‘A Bacu Abis si papat sardu cun sa sagra de is malloreddus e de petza de brebei’
Social
