(IlMinuto) – Casteddu, 24 de su mesi de maju – Novas bonas lompint de su fronti de is navius, podeus isperai in d-una sentèntzia de cundenna a is cumpangias de navigatzioni chi ant poderau is prétzius artus medas. S’Antitrust s’est difatis incarrerendi a s’acabada de su protzedimentu po valutai si is cumpangias de navigatzioni chi tenint sa gestioni de is navius in Sardigna apant fatu cartellu po poderai is prétzius artus medas, comenti denuntziat puru, s’assòtziu de is consumadoris “Altroconsumo”. Su determinu de s’Antitrust at a arribai in su mesi de làmpadas e “po comenti funt girendi is cosas – si ligit in d-una nota de s’Assòtziu de is Consumadoris – no est impossìbili chi si lompat a una cundenna de is cumpangias”. E a sighiri ddoi at essi s’amissioni in sa Class Action de Altroconsumo cun sa cali s’at a pediri chi is passeggieris siant remborsaus de su dinai fuliau ingiustamenti. Sighi a ligi ‘Trasportus: sa terra tremit po is cumpangias Moby, Snav, Forship, e “Grandi navi Veloci”’
Archíviu de sa categoria 'Ecunumia'
(IlMinuto) – Casteddu, 22 de su mesi de maju – In su mesi de arbili is prétzius in Casteddu crescint prusatotu in su cumpartu “Comunicatzionis” (+2,2%). Ddu iscoviat su comunicau de imprenta de su mesi fatu connosci de su Serbìtziu Sistemas Informativus de su Comunu. Is incarimentus prus grais si registrant, po su prus, in is “Serbìtzius de telefonia e telefax” (+2,4%). Si in su cumpartu de is trasportus ddoi est stétiu unu smingumenteddu (-0-9%), in dògnia modu est mannu s’aumentu de is prétzius averiguau in is classis “Trasportu marìtimu e atressu de is caminus de àcuas de aintru” (+8,8%) e “Trasportu pasagerus bia de s’arroda” (+2,5%). Sighi a ligi ‘Prétzius in Casteddu: in su mesi de arbili carestia manna in is trasportus marìtimus (8,8%) e in is comunicatzionis (2,2%)’
(IlMinuto) – Casteddu, 10 de su mesi de maju – In Casteddu s’at a fueddai de “bioarchitettura” cun su cunvegnu: “Antigas tennologias po un’architetura noa in tempus de ‘Decrescita”, aprontau po sàbudu 11 de su mesi de maju de SardignaLibera. S’avenimentu, chi at a cumentzai de is 16.00 in is aposentus de s’Hotel Mediterràneu de Casteddu, at a biri is relatas de su Profesori Antonello Sanna, s’istudiosu de “architeturas de is logus” e de su fràbricai in “làdiri” chi s’at a firmai asuba de is traditzionis de allogai e isvilupai, e de s’architetu Fabrizio Carola, chi cun sa massima “fai bivi beni a s’òmini”, atressu de s’impitu de s’antigu cumpassu nubiano, donat vida a fàbricus apitzus de sa subrafaci de su terrenu chentza de istuvonai po is fundamentus, cun costus bàscius meda e chi totus si podint acollai. Un’òmini, – si ligit in d-una nota de imprenta – “chi fait connosci sa genialidadi sua ponendidda a su serbìtziu de sa genti, po chi chinisisiat potzat imparai a si fabricai sa pròpriu domu chentza de ispaciai su territòriu, antzis, avalorendi sa balanza intre s’òmini, sa natura, s’ambienti e sa cultura”. Sighi a ligi ‘Bessiri de sa crisi est possìbili. In Casteddu cunvegnu:”Antigas tennologias po un’architetura noa in tempus de ‘Decrescita”’
(IlMinuto) – Casteddu, 5 de su mesi de arbili – In su mesi de martzu puru sa carestia ferrit prusatotu a su cumpartu de is “Trasportus” cun d-unu aumentu de is prétzius in Casteddu de su (+1,2%). Ddu at fatu sciri in diris passadas su comunicau de su mesi de su Serbítziu Sistemas de scedas de su Comunu. Sa carestia manna si registrat, po su prus, in sa classi “Trasportu aéreu passigeris” (+19,4%) e in sa categoria “Còmpora de àterus serbítzius de trasportu” (+1,4%). Sighi a ligi ‘Prétzius in Casteddu: in su mesi de martzu sa carestia ferrit in viàgius in aéreu (+19,4%)’
(IlMinuto) – Casteddu, 4 de su mesi de arbili – Pedit un’atopu cun su Casteddu s’aministratzioni comunali de Marrùbiu. Sa bidda in provìntzia de Aristanis, difatis, po s’istasoni de calciu 2013/2014 oferrit sa disponibilidadi de su campu nou a sa primu sotziedadi de càlciu de sa Sardigna. Fàbricada de pagu tempus s’istrutura isportiva, chi s’agatat aintru de su campu de atletica, nascit in d-unu logu istrategicu, acanta de s’Istrada Statali 131 ma no est totu, poita e in bidda s’agatant puru collegamentus de importu. Sighi a ligi ‘Promòviri su territóriu atressu de s’isport: Marrùbiu oferrit su própriu istàdiu a su Casteddu’
Custu artìculu s\\\\\\\’agatat sceti in %LANG:
Custu artìculu s\\\\\\\’agatat sceti in %LANG:
Social
