(IlMinuto) – Casteddu, 3 de su mesi de fiàrgiu – Est stétiu publicau su bandu regionali 2011/2012 po assignai is cuntributus afitu-domu a is istudiantis sardus chi istudiant in is ateneus chi s’agatant a foras de sa Sardigna. Po s’agiudu a isistudiantis ddoi funt 320.778,70 eurus: su cuntributu no at a podi essi prus mannu de 2.500 eurus a personi. Sighi a ligi ‘Universidadi: bandu afitu-domu po is istudiantis chi s’agatant a foras de sa Sardigna. Dimandas intru su 6 de su mesi de fiàrgiu’
Archíviu de sa categoria 'Imparu'
(IlMinuto) – Casteddu, 2 de su mesi de fiàrgiu – S’at a tenni in Casteddu e in Nùgoro su Master de primu livellu a gratis po “Manager de s’isvilupu turisticu territoriali”. Unu cursu finantziau de sa Regioni Sardigna e aprontau de s’Universidadi Católica de su Coru de Gesusu e de sa facoltadi de Ecunumia de Piacenza. Is letzionis, aprontadas in duas classis diferentis, s’ant a fai in Casteddu e in Nùgoro. Po s’iscriri a su Master ddoi est tempus fintzas a s’8 de su mesi de fiàrgiu. Sighi a ligi ‘Imparu: in Casteddu e in Nùgoro a gratis po “Manager de s’isvilupu turisticu territoriali”’
Ascurta custa nova
(S’úrtima nova) – Casteddu, 1 de su mesi de fiàrgiu – Su Guvernu Monti, cun su votu de sa dereta de tzentru e de sa manca de tzentru in Parlamento, at bófiu fai un’”arregalu” a s’iscola de sa Sardigna: is istitutzionis iscolàsticas autónomas ant essi meguadas de 254 a 201. Ant essi serradas is iscolas de unu númeru mannu de biddixeddas. Est cantu denuntziat Nicolau Giua de is Cobas, asuba de is datus de su Ministeru. Su sindacalista pretzisat perou ca funt responsàbilis de s’irminorigamentu de is istitutus puru sa Regioni, is Provìntzias e is Comunus. Narant ca no a custa destrossa puru is 150 personis chi ant aderiu a s’isciòpiru de su fàmini a stafeta “po no lassai morri de fàmini s’iscola”. Sighi a ligi ‘Imparu: Monti ndi liat dinai a s’iscola sarda. Sa denúntzia de is Cobas e s’isciòpiru de su fàmini’
(IlMinuto) – Casteddu, 1 de su mesi de fiàrgiu – “In Sardigna a oi tenni una laurea fortzis no est prus unu privilégiu de pagu genti, ma est, comentisiollat, sèmpiri po una fita pitica de sa populatzioni e no est nimancu su primu e s’únicu títulu chi su mercau de su traballu pedit. Su Master & Back arriscat de fabricai aici cumpeténtzias scapiadas de sa dimanda bera de traballu e de connoscéntzias”. Est cantu denuntziat ProgRes cun d-una nota de imprenta. Po sa fortza política indipendentista su progetu andat acumpangiau de un’àtera proposta, chi andit beni po is cumpeténtzias beras chi s’agatant in Sardigna: Expert & Back. Sighi a ligi ‘Imparu e traballu. Sa proposta de ProgRes: “De Master & Back a Expert & Back”’
(IlMinuto) – Casteddu, 31 de su mesi de gennàrgiu – S’Ofítziu Pública Istrutzioni de su Comunu de Nùgoro fait sciri ca est obertu su bandu po presentai is dimandas de cuntributu po istudiantis po pigai is líburus de iscola. Podint presentai dimanda de agiudu is scientis de is iscolas médias e de s’iscola superiori iscritus a s’annu iscolàsticu 2011-2012. Is beneficiàrius de su bandu – si ligit in d-una nota – funt “istudiantis chi faint parti de famílias chi po s’annu 2010 apant tentu unu rédditu cantiapari o prus piticu a un’ISEE bàlidu de € 14.650,00″. Is dimandas ant a depi essi presentadas a s’Ofítziu prísia de su Comunu de Nùgoru intru su 29 de su mesi de fiàrgiu e ant a depi essi acumpangiadas de sa dichiara Isee e de is scontrinus de còmpora de is líburus. Sighi a ligi ‘Iscola: in Nùgoro is cuntributus po pigai is líburus de iscola’
(IlMinuto) – Casteddu, 26 de su mesi de gennàrgiu – Cali iscolas chi s’agatant in su comunu de Casteddu ant essi soprimias de su pranu “dimensionamento scolastico” 2012/2013? Ita pentzat de fai s’aministratzioni comunali de Casteddu po difendi is istitutzionis iscolàsticas de su própriu territóriu e po su prus is chi funt in bixinaus chi tenint istrobus mannus comenti Sant’Elia, Santa Teresa in Pirri e Is Mirrionis? Est cantu pedit, cun dun’interrogatzioni apretosa a s’assessori comunali a s’Istrutzioni, su consilleri comunali de is Rossomori Giuseppe Andreozzi. Sighi a ligi ‘Imparu. Andreozzi (Rossomori): “Ita fait su comunu de Casteddu po salvai is iscolas de su territóriu?’
(IlMinuto) – Casteddu, 24 de su mesi de gennàrgiu – Aumentant is adesionis a s’isciòpiru de su fàmini in difesa de s’istrutzioni pública aprontau de su Comitau precàrius de s’Iscola de Aristanis. A sa de úndixi diris de protesta funt difatis assumancu 120 is personis chi ant sceberau de no papai po “no lassai morri s’iscola de fàmini”. Oi ant a isciopirai Maddalena Calvisi, Lorena Marceddu, Maria Luisa Loche e Natalina Cardia. Is adesionis ant trisinau totu su territóriu de sa Sardigna e puru tzitadis comenti Roma, Napoli, Salernu e Aretzu. Sighi a ligi ‘Imparu: 120 adesionis a s’isciòpiru de su fàmini po no “lassai morri s’iscola”’
(IlMinuto) – Casteddu, 23 de su mesi de gennàrgiu – “Is famílias depint fiamenti pratigai su diritu de sceberai sa língua sarda po is próprius fillus in su mamentu de s’iscritzioni a sa primu classi, aici comenti faint giai po is línguas furesteras, aici comenti esr previdiu de sa lei statali 482/99 apitzus de is minorias linguìsticas”. Est custa sa proposta de Comitadu pro sa Limba sarda po “afortiai su sardu e po fai in modu chi siat impitau sèmpiri de prus in família e in sa sotziedadi, prusatotu de is giòvanus e de is piciocus”. Sighi a ligi ‘Iscola. Comitadu: “Is famílias sceberint sa língua sarda”’
(IlMinuto) – Casteddu, 16 de su mesi de gennàrgiu – Imparai sa língua sarda cun d-unu videogiogu. Est custa s’idea chi movit “Si ses atzudu, Ajò! (Ite b’at… cuadu in dae segus de sa ghenna?)”, su progetu promòviu de is comunus de Sèdilo, Paùlle e Fordongiani. “S’iscopu de su giogu – est acrarau in d-una nota – est su de arregolli totus is soddus, is diamantis e is isteddixeddas de oru […]. Su videogame, totu in língua sarda, est fatu po unu públicu de giovuneddus, ma at a podi essi impitau scéti cun calencunu chi acumpangiat is primus passus de su giogu. Sighi a ligi ‘Imparu: unu videogiogu po imparai sa língua sarda’
(IlMinuto) – Casteddu, 16 de su mesi de gennàrgiu – Prefessoris, istudiantis e genti “cumpassiva a faci de sa cosa”. Funt giai 86 is adesionis a s’isciòpiru de su fàmini a stafeta po denuntziai sa política de is irminorigamentus chi ferrit a s’iscola pública. Sa cosa, promòvia de su Cordinamentu precàrius de s’Iscola de Aristanis, ad sighiri fintzas a sa metadi de su mesi de fiàrgiu. Su mandau de pagamentu de is istipendius, abarraus agoa, de Madalena Calvisi – sa maista precària chi si furiat abarracada po protesta in su cortili de un’istitutu de Aristanis – no at frimau s’iniziativa. Is adesionis crescint diri po diri. Sighi a ligi ‘Imparu: 86 adesionis a s’isciòpiru de su fàmini po salvai s’iscola pública’
Social
