Sighi a ligi ‘(Italiano) Ammortizzatori sociali in deroga. Prc: “inaccettabile ritardo”’
Archíviu de sa categoria 'Traballu'
Custu artìculu s\\\\\\\’agatat sceti in %LANG:
(IlMinuto) – Casteddu, 30 de su mesi de maju – S’est tenta ariseru a mangianu, in sa domu de su Comunu de Pòrtu Turre, sa cunferèntzia de imprenta po presentai sa proposta populari “Ìsula de is disimperaus, fàbricas serradas, satus abandonaus… E imoi?”, chi s’at a isboddiai s’8 de su mesi de làmpadas e chi tenit s’iscopu de fai atopai totus is arreghèscias sardas incuadendi asuba de sa situatzioni produtiva, sotziali e de su traballu chi ferrit a s’ìsula. Una cunferèntzia chi at biu comenti a protagonistas medas boxis de su mundu de su traballu. Presentis puru su sìdigu de Pòrtu Turre Beniamino Scarpa acumpangiau de diversus consilleris comunalis. Oberta de Argentino Tellini, cascintregau, ex Vinyls, una de is boxis prus connotas de sa protesta de s’ìsula de s’Asinara “S’ìsula de is cascintregaus”. Tellini at illustrau is chi ant essi is temas de su dibàtidu e at arremaciau ca custu avenimentu no s’at a isboddiai in crai anti sindacali, ma bolit essi s’inghitzu de un’allegada chi at a tenni comenti a protagonistas is chi fatuvatu no tenit boxi, est a nai: is traballadoris e is disimperaus. Diversas realidadis, diversas arreghescias, una prus grai de s’àtera. Agoa de Tellini ant pigau su fueddu àterus rapresentantis de su mundu de su traballu donniunu cun is arragus suus. Sighi a ligi ‘Imoi toccat a issus: su fueddu a is traballadoris’
Custu artìculu s\\\\\\\’agatat sceti in %LANG:
(IlMinuto) – Casteddu, 9 de su mesi de martzu – Si lamat “In Tempus de crisi” sa fentana noa de informatzioni in sardu chi at a cumentzai de martis 12 de su mesi de martzu e at a acumpangiai a is ligidoris de “IlMinuto notizie Mediterranee”. Obietivu de su progetu nou de informatzioni est su de contai sa crisi de traballu chi ferrit a is giòvunus laureaus sardus, personis chi mancai cun títulus e annestrus s’agatant sèmpiri de prus chentza de traballu o cun d-unu traballu precàriu chi est aillargu meda de is istúdius fatus e de sa própriu punna. Archeólogus chi faint is camerieris, profesoris chi andant ainnantis scéti cun ripetzionis, chímicus chi bivint andendi a portai pitzas. Istórias chi tenit unu tempus benidori tremi tremi, vidas de disimperaus e precàrius totus de contai in sardu atressu de una rubrica giornalistica chi at a bessiri dógnia martis, dógnia gióbia e dógnia sàbudu. Po noi cidas “In Tempus de crisi” at a contai 48 istórias e at a trassai de diri in diri sa giografia de sa crisi chi ferrit a su mundu de su traballu de is laureaus sardus in is cuàturu provìntzias istóricas de s’ísula. Dógnia artículu de sa fentana noa at a podi essi lígiu, cumentau e ascurtau e, fintzas cun sa própriu istória dógnia ligidori at a podi diventai protagonista de una puntada de su progetu. Po si contai s’esperiéntzia de laureaus in tempus de crisi tocat a iscriri a sa redatzioni a s’indiritzu email: redazione@ilminuto.info.
Progetu realizadu cun sa partetzipatzione de sa Regione Autònoma de Sardigna – L.R. 26/97 subra sa limba e sa cultura sarda Sighi a ligi ‘Arribat unu progetu nou: una fentana oberta “In Tempus de crisi”’
Social
