(IlMinuto) – Casteddu, 3 de su mesi de fiàrgiu – “A pagu diris de sa tucada de sa campagna ‘Sos supermercados bochint s’economia sarda’ si benit a sciri ca 36 personis, cun incàrrigus políticus de importu mannu, funt acusadas de essi conis in s’afàriu Tanit: consilleris comunalis, aministradoris e apaltadoris funt trisinaus in d-un’istória de tentada concussioni, tentada corrutzioni, aprofitu de ofítziu”. Est cantu scririt in d-unu comunicau a Manca pro s’indipendentzia. Sighi a ligi ‘Supermercaus: a Manca apitzus de afàriu Tanit in Tàtari’
Archíviu de sa categoria 'Política'
Ascurta custa nova
(S’úrtima nova) – Casteddu, 1 de su mesi de fiàrgiu – Su Guvernu Monti, cun su votu de sa dereta de tzentru e de sa manca de tzentru in Parlamento, at bófiu fai un’”arregalu” a s’iscola de sa Sardigna: is istitutzionis iscolàsticas autónomas ant essi meguadas de 254 a 201. Ant essi serradas is iscolas de unu númeru mannu de biddixeddas. Est cantu denuntziat Nicolau Giua de is Cobas, asuba de is datus de su Ministeru. Su sindacalista pretzisat perou ca funt responsàbilis de s’irminorigamentu de is istitutus puru sa Regioni, is Provìntzias e is Comunus. Narant ca no a custa destrossa puru is 150 personis chi ant aderiu a s’isciòpiru de su fàmini a stafeta “po no lassai morri de fàmini s’iscola”. Sighi a ligi ‘Imparu: Monti ndi liat dinai a s’iscola sarda. Sa denúntzia de is Cobas e s’isciòpiru de su fàmini’
(IlMinuto) – Casteddu, 1 de su mesi de fiàrgiu – Lúnis a merì su Consillu comunali de Pòrtu Turre at aprovau a cuncórdiu – gràtzias a una proposta de su grupu “Sa Manca po Pòrtu Turre” – una motzioni chi est favoràbili a su fàbricu de su Galsi: su metanodotu Algeria Sardigna Itàlia. Apitzus de sa cosa fueddat cun d-una nota a Manca pro s’Indipendentzia, chi definit su votu “afrentosu”. Sighi a ligi ‘Su Consillu comunali de Pòrtu Turre votat eja po su Galsi, aMpI: “Votu afrentosu e lingidori”’
(IlMinuto) – Casteddu, 31 de su mesi de gennàrgiu – Su determinu de su Dap de ndi liai de 2 milionis e 400mila eurus a 450milla eurus a is colonias penalis agriculas de sa Sardigna tenit “cusseguéntzias grais meda”- Est cantu denuntziat cun d-una nota Maria Grazia Caligaris, presidenti de s’assótziu ”Socialismo Diritti e Riforme”. Is colonias penalis funt logus innoi is presoneris tenint sa possibilidadi de traballai e de arriciri unu redditeddu. Imoi – acrarat su rapresentanti de Sdr – is trasferimentus a is colonias de Is Arenas, Ìsili e Mamone funt stétius irminorigaus (o annullaus) is pagamentus a is presoneris-traballadoris. Sighi a ligi ‘Presonis: liau su dinai po colónia agriculas. Caligaris (Sdr): “Cusseguéntzias grais meda”’
(IlMinuto) – Casteddu, 31 de su mesi de gennàrgiu – “Amentai a sa Comissioni sanidadi de Consillu regionali ca su diritu a sa saludi de is sardus no podit fai de mancu de is ispidalis chi s’agatant in biddixeddas comenti Itiri Cannedu e Tièsi”. Cun custu obietivu Sardigna Natzione Indipendentzia at aprontau po custumerì unu sit in asuta de is pórcius de bia Roma, in Casteddu. Sa manifestada at a cumentzai a is 15.30, duas oras primu de su cumentzu de s’assembrea de sa Comissioni Sanidadi. Sighi a ligi ‘Sanidadi: in Casteddu sit in de Sni po salvai is ispidalis de is biddixeddas’
Ascurta custa nova
(S’úrtima nova) – Casteddu, 30 de su mesi de gennàrgiu – S’acuntéssia de Rossella Urru imbucat in Consillu regionali. Gióbia passau, a tres mesis e prus de su ratu de unu campu disterraus in Algeria, de sa fémina sarda e de duus collegas spagnolus, s’assembrea de bia Roma at aprovau a cuncórdiu unu documentu chi donat inditus pretzisus a su presidenti de sa Giunta regionali. Po su prus su Consillu regionali dimandat a su presidenti de sa Regioni Ugo Cappellacci de sollicitai a su Guvernu italianu a sighiri a si movi atressu de is relatzionis diplomàticas, cun totu is atzionis netzessàrias, po otèniri su liberamentu de Rossella Urru e de is àterus secuestraus. No est acabada innoi: is consilleris pedint a Cappellacci de mandai custu messàgiu a is Guvernus de totus is istadus trisinaus: “Rossella Urru est filla de una terra chi si bolit iscerai comenti terra de paxi e acasàgiu […]. Sighi a ligi ‘Su Consillu regionali no si ndi scarescit de Rossella Urru’
(IlMinuto) – Casteddu, 30 de su mesi de gennàrgiu – Contai sa beridadi, totu sa beridadi, asuba de su Galsi. Est custu s’obietivu de is autoris de “Ecran de fumèe” (Cortina de fumu) su filamu prodúsiu de sa retza “France 3″ e girau puru in Sardigna. Su spricullutu apitzus de su Galsi at essi amostau custu merì in Casteddu (20.00, saba “Saboris de Sardigna”, arburada Colombu 2). Sighi a ligi ‘Informatzioni: in Casteddu “Ecran de fumèe”, su film documentàriu apitzus de su GAl’
(IlMinuto) – Casteddu, 30 de su mesi de gennàrgiu – S’Ispidali de Itiri Cannedu no si tocat! Est custu su pentzu de sa setzioni de Itiri Cannedu de Sardigna Natzione Indipendentzia, chi proponit a sa genti de su logu una fibera de bideas po difenti e po mellorai s’istrutura. Sighi a ligi ‘“Cabai is manus de s’Alivesi”. Is propostas de Sardigna Natzione po s’ispidali de Itiri Cannedu’
(IlMinuto) – Casteddu, 30 de su mesi de gennàrgiu – Su Guvernu Monti rafrenat cun sa fortza “dógnia disacórdiu a su programa suu in difesa de is interessus de is bancas e de su capitalismu internatzionali”. Est cantu denuntziat su Pcl de sa Sardigna cun d-una nota de imprenta in difesa de su diritu de manifestai liau de is guvernus Berlusconi e Monti. Sighi a ligi ‘“Su Guvernu Monti arrafudat a is operàjus Alcoa su diritu a manifestai in Roma”. Sa denúntzia de su Pcl Sardigna’
Social
