(IlMinuto) – Casteddu, 17 de su mesi de gennàrgiu – Bitória in domu po su Ping Pong sardu in su palatzeddu de bia Crespellani. Sàbudu passau sa Marcozzi Casteddu at bintu po 4 a 2 a sa Gs Cral de Roma, in su campionau de serie A2 maschili. Prexau de s’arrasurtau Stefano Curcio, chi no biciàt una partida de ping pong de su 12 de su mesi de totussantus. Sighi a ligi ‘Ping Pong: agoa de tres mesis su Marcozzi Casteddu torrat a binci in A2′
Archíviu de sa categoria 'Sport'
(IlMinuto) – Casteddu 12 de su mesi de gennàrgiu – Atopu de importu mannu po is amantis de su muay thai. Sàbudu 28 de su mesi de gennàrgiu a is 20.30 su palatzeddu de s’Isport de Tièsi at a ghilliri unu “galà” internantzionali de is professionistas de sa boxe tailandesa aprontau de su grupu Fight club e de su Comitau regionali Onesongchai- Kl Sardigna. Sighi a ligi ‘Isport: in Tièsi “galà” internantzionali de Muay Thai. Sa tataresa Donghi isfidat Maurel’
(IlMinuto) – Casteddu, 5 de su mesi de gennàrgiu – In beranu Casteddu at essi sa capitali de su ping pong. De su 31 de su mesi de martzu a su 6 de su mesi de arbili 350 atletas chi lompint de binti stadus de tres diversus continentis ant essi is protagonistas de is Campionaus mundialis de is istudiantis. Is garas s’ant a tenni in Palatzeddu de s’Isport de bia Rockfeller e in is palestras Coni A e B de bia Pessagno. Sighi a ligi ‘Isport: in Casteddu is Campionaus mondialis de is istudiantis de ping pong’
(IlMinuto) – Casteddu, 21 de su mesi de paschixèdda – De su 2009 su númeru de mortus e fertus po mori de sa cassa est crescendi. Est cantu denuntziant in d-una nota sa Lega po s’abolitzioni de sa cassa, su Grupu de interventu giurídicu e is Amigus de sa terra. In sa staxoni 2011-2012 funt giai duus is mortus e ses is fertus umanus chi at fatu sa cassa in Sardigna. In sa staxoni passada sa cassa iat imbecis fatu cuàturu mortus e 11 fertus. (intre is calis una picioca chi cicàt cardulinu).
(IlMinuto) – Casteddu, 18 de su mesi de totussantus – Crescit sa solidariedadi ingíriu a Bruno Bellomonte. A pugu diris de sa senténtzia, chi at essi pronutziada fortzis lúnis chi benit, si mortipricant is aztioni chi denuntziant sa persecuntzioni política contra a is comunistas e contra a s’indipendentismu chi, puru po sa redatzioni de “IlMinuto” est patendi su dirigenti de a Manca pro s’Indipendentzia. Lissentziau de Trenitalia e impresonau de tzitadinu innotzenti e chena de nisciuna cundenna de duus annus e mesu. Cras a mangianu in Casteddu, a faci de su Palatzu de Giustítzia in pratza Repúbrica, a cumentzai de is 10.00 s’at a tenni unu sit in aprontau de su Cumitau Pro Bellomonte, chi a oi at arriciu unu númeru mannu de adesionis de assótzius, movimentus, partidus políticus e tzitadinus. “Duus annus e cincu mesis de presonia (in d-unu presoni de màssima seguresa), primu de una calisisiat cundenna – pretzisat in d-una nota su Comitau – no est un’impresonamentu preventivu, est scéti unu trumentu mannu”. Ma su sit in de protesta no est s’única cosa chi s’est fadendi po tzerriai contra a custa acanarjadura. De mérculis 16 de su mesi de su mesi de totussantus Nicola Giua, istóricu arrapresentanti de is Cobas de s’Iscola, est in isciòpiru de su fàmini in solidariedadi a Bruno Bellomonte. Sighi a ligi ‘Acuntéssia Bellomonte: medas is adesionis a su sit in de cras in Casteddu. A sa terza diri s’isciòpiru de su fàmini de solidariedadi’
(IlMinuto) – Casteddu, 17 de su mesi de totussantus – Àtera sderrota po is Crusaders Casteddu. Custa borta sa scuadra de “Football” americanu at pérdiu po 64 a zeru in sa gara contra a is Seamen de Milanu, chi s’est tenta domínigu passau in su campu Terramaini de Casteddu. Sighi a ligi ‘“Football” americanu: Crusaders Casteddu 0 – Seamen Milanu 64′
(IlMinuto) – Casteddu, 16 de su mesi de totussantus – Funt 80 e prus is atletas iscritus a su campionau sardu de Muay Thai, sa boxe tailandesa, in programa domínigu chi benit, 20 de su mesi de totussantus, in Fonne. S’atopu est po is 10.00, in sa palestra comunali de sa bidda in provìntzia de Nùgoro. Sighi a ligi ‘Isport: in Fonne is campionaus sardus de Muay Thai’
(IlMinuto) – Casteddu, 15 de su mesi de totussantus – A cincu mesis de sa fini de su campionau de calciu de su 2010-2011, is giogadoris e is traballadoris de sa Biddacidresa no ant biu nimancu unu soddu de is stipendius de sa stagioni passada. Est cantu denuntziat una lítera, firmada “is traballadoris de sa Biddacidresa” – imbiada a su presidenti de sa Regioni, a s’assessori a su Sport, a su presidenti de sa Provìntzia de su Campidanu de Mesu e a su presidenti de sa Lega Calciu. “Eus scipiu – si ligit in sa lítera – ca sa Regioni at donau a sa Sotziedadi [...] 310milla eurus prevìdius po su finantziamentu de is sotziedadis sportivas fatas de professioneris […]“. A custu dinai s’aciungint àteras “sponsorizzazioni”, lompendi – narat sa lítera – a unu tzirfa “bastanti po saldai su dépidu de su traballu 2010-2011 chi sa Biddacidresa tenit cun is traballadoris suus, ma puru po permiti a sa Sotziedadi de su Campidanu de Mesu de sighiri a fai su Campionau”. Sighi a ligi ‘Calciu. Traballadoris de sa Biddacidresa: “Chentza de biri unu soddu de un’annu”’
(IlMinuto) – Casteddu, 11 de su mesi de totussantus – In Casteddu, in Sant’Elia, et ativu de unu bellu pagheddu de tempus unu radar militari de sa Guardia de Finanzia, unu de is 15 “contra a is furesteris” finantziaus de su Ministeru de sa Difesa po essi postus in is costeras sardas. Po denuntziai a sa genti custa àtera tzerachia militari s’assótziu “Amigus de sa bicicreta” de Casteddu at aprontau po domínigu chi benit una pedalada contra a is radar de pagu prus de 20 chilómitrus. Sighi a ligi ‘Militarizatzioni: domínigu pedalada “no radar” in Sant’Elia’
(IlMinuto) – Casteddu, 8 de su mesi de totussantus – Sderrota noa po is Crusaders Casteddu. Domínigu passau sa scuadra sarda de football americanu est stétia binta po 14 a 8 de is Rhinos, in Milanu. Sighi a ligi ‘Football americanu: sderrota milanesa po is Crusaders Casteddu’
Social
