> Economia « ilMinuto – notizie Mediterranee – edizione Sardegna

Archivio della categoria ''

Talavè: una cantina chi valorizat unu patrimòniu immensu

* Dae sa terra a sa butìllia * Un’istòria giòvana, sa de sa Cantina Talavè de Triè, una bidda chi s’agatat in sa provìntzia de Ozastra. Sempre e cando, inoghe s’istòria de sa bide e de su binu at raighinas antigas. Dae su perìodu nuraghino a oe sa bide in Triè est stètia semper coltivada. Difatis, su territòriu de sa bidda est prenu de singiales chi pertocant sa bide e su binu. Sunt diversos sos repertos agatados durante sos iscavos de su nurache chi s’agatat dae curtzu de sa Cantina Talavè. Àteras testimomias sunt reperìbiles in unos cantos de documentos papales.

Sa Cantina Talavè naschet pròpiu pro valorizare custu patrimòniu immensu.

S’istòria colada, duncas, s’aunit a sa de como pro faeddare de bides autoctonas, comente su Cannonau a fògia cun tres bicos e s’Amantosu. Onni fundu benit allevadu sighende sos critèrios de coltivatzione traditzionale, a fundos minores. Posca de sa binnenna, sas àghinas sunt traballadas in cantina a manera mastrina e sighint compidadas a supridu.

Sos tres meres de Talavè, Vissente, Bobore e Fabritziu, pro lòmpere a otènnere binos ùnicos e de calidade manna si sunt impignados a respetare sa particularidade de su sarmentu allevadu e de su terroir. Continua a leggere ‘Talavè: una cantina chi valorizat unu patrimòniu immensu’

Avaloramentu de is zonas de sartu: sa cuncàmbia de esperiètzias de Bielorussia intre Sardigna

24 freàrgiu 2020 – S’est sboddiau de su 7 a du 12 de su mesi fiàrgiu s’incàrrigu de sa delegatzioni bielorussa po connòsciri sa Sardigna. Is operadoris de su distretu agro-turìsticu de Volozhin, ghiaus de su cordinadori de su cunsòrtziu Aliaksandr Belyi, gràtzias a s’agiudu de s’aministratzioni comunali de Guasilla ant potziu connòsciri beni sa Trexenta e sa Marmidda.

S’amigàntzia e sa coperatzioni intre sa Regioni Sardigna e sa Repùblica Belarus si funt isvilupadas in cuntestus de interessu pari-pari, prusatotu in matèria de cultura, de formatzioni, in sa de s’istrutzioni universitària, de su turismu, de sa massaria e de sa cosa de papai, de sa circa iscientìfica e de su sport. Continua a leggere ‘Avaloramentu de is zonas de sartu: sa cuncàmbia de esperiètzias de Bielorussia intre Sardigna’

U’ Tabarka: sos binos chi faeddant de Carluforti

* Dae sa terra a sa butìllia * S’azienda “Tanca Gioia Carloforte Srl Società Agricola” est nàschida de un’idea fìgia de una note in barca a vela. Dae custa gita in mari sos sòtzios de s’azienda sunt passados dae su bisu a su traballu pro pònnere in òpera su progetu issoro.

Comente narat su nùmene, custa realidade de primore s’agatat in Carluforti. Su territòriu de su comunu incluit totu s’Ìsula de Santu Pedru: est inoghe chi naschent sos binos ispantosos U’ Tabarka.

Costeras bicheddadas e nuscos de vegetatzione mediterrànea faghent de custu paesàgiu unu logu ùnicu pro produire binos chi ant una personalidade chi si distinghet bene e chi non si podet confùndere.

Perella de s’ìsula, sa cantina est stètia fundada gràtzias a su coràgiu de duos amigos chi ant detzididu de produire binos avalorende sas ratzas de bides traditzionales de su territòriu, est a nàrrere: Vermentinu,  Cannonau, Carignanu e Muristellu, Muscadellu de Sardigna e Nascu Nuscosu.

Su nùmene isseberadu pro sas estichetas, U’ Tabarka, est unu donu a s’istòria de sa terra issoro. Su termine derivat, difatis, de una localidade tunisina famada meda comente colonia de piscadores genovesos, chi de su 1738 sunt stètios obligados a si mudare in s’Ìsula de Santu Pedru. Gosi est nàschida Carluforti. Continua a leggere ‘U’ Tabarka: sos binos chi faeddant de Carluforti’

Cantina Sannas: sa prenda de Mamujada chi cun sos binos contat paristòrias

* Dae sa terra a sa butìllia * Arribadu dae pagu in su mundu de sos bingiateris, Piero Graziano Sanna est un’imprendidore chi posca de àteras esperièntzias, in su 2016 at leadu sa detzisione de comporare bìngias giòvanas e betzas, chi ant un’edade variàbile dae sete annos a chentu annos. Gasi est incumentzadu unu caminu professionale nou, giutu a in antis cun apentu: un’impignu belle religiosu pro sa bìngia e sa cantina. Un’apentu chi forsis bi ponent petzi sos noitzolos.

Sa Cantina Sannas s’agatat in Mamujada e est nàschida cun sa punna de chircare semper s’eficatzidade espressiva de sos binos, chirchende de intervènnere pagu o nudda in bìngia e in cantina.

Sas bèvidas produidas, difatis, sunt figias de incubonaduras longas meda (40 dies), de peruna iscolomadura e de niuna annanta de anidride tzulfarosa. Su resurtadu sunt binos lughentes e significativos, binos bonos chi ant una personalidade bella detzisa. Continua a leggere ‘Cantina Sannas: sa prenda de Mamujada chi cun sos binos contat paristòrias’

Cantina Canneddu: binos sanos, binos chi contànt su territòriu mamujadinu

* Dae sa terra a sa butìllia * Est nàschida in Mamujada dae su disìgiu de mudare s’amore pro sos binos in unu traballu. Semus faeddande de sa Cantina Canneddu, chi produit Cannonau dae prus de barant’annos e Grannatza dae deghe annos pagu prus o mancu.

A su printzìpiu de custa istòria de amore ddoi at unu bingiateri, Tziu Boelle Zibbo, chi traballàt sas bìngias suas cun passione e aficu. Tziu Boelle at imparadu su traballu e s’amore suos pro sa coltivatzione de sas bides a su fìgiu Toninu. A pustis, Marcu, nebode de Tziu Boelle e fìgiu de Toninu, at istudiadu in s’Universidade de Aristanis e est diventadu enòlogu. Gosi, in su 2015 est nàschida sa Cantina, una realidade chi est su frutu de un’idea crara: sa de fàghere binos de calidade manna.

Totu custu pro nàrrere ca s’istòria de sa Cantina Canneddu est s’istòria de una famìlia e ca sos produtos suos sunt sos frutos de s’unione de sa traditzione cun s’innovatzione. Continua a leggere ‘Cantina Canneddu: binos sanos, binos chi contànt su territòriu mamujadinu’