> Economia « ilMinuto – notizie Mediterranee – edizione Sardegna

Archivio della categoria ''

Pagina 2 di 128

Sos binos Chessa: una cultura antiga chi s’aunit bene cun sas tècnicas noas

* Dae sa terra a sa butìllia * – Semus in su Cabu de Susu de Sardigna, in su coro de su Logudoro. Sas terras traballadas a bìngia apartenent a sos sartos de sa bidda de Ùsini, chi at unu terroir ùnicu pro more de su clima e pro sas caraterìsticas de sos terrinos suos. Pròpiu inoghe sa coltivatzione de sa bide at una parte de importu mannu in sa massaria.

Dae prus de sessanta annos in custu territòriu naschet e creschet sa bide de sas cantinas Chessa, s’azienda chi produit binos chi ant nuscos e sabores desemprados.

Sos de Chessa sunt binos tìpicos, su frutu perfetu de una cultura antiga chi s’aunit bene cun sas tècnicas noas. S’azienda faghet binos nòdidos: Vermentinu; Cagnulari (su binu autòctonu chi at arriscadu un’iscumparta e oe bivet su beranu suo), e Muscadu puru.

Sas terras in ue sunt coltivadas sas bìngias de Chessa s’agatant in unu territòriu a 250 metros subra de su mare, sos terrinos sunt calcàreos e sa bide at trinta o baranta annos pagu prus o mancu. Continua a leggere ‘Sos binos Chessa: una cultura antiga chi s’aunit bene cun sas tècnicas noas’

Siddùra: binos tìpicos de su logu chi basant a s’anima e a sos sensos

* Dae sa terra a sa butìllia * – Assetiada dae curtzu a su bidditzolu incantosu de Logusantu, Siddùra rennoat sa traditzioni de sa coltivatzione de sa bide tìpica de sa Gaddura, unu territòriu in ue s’antiga cultura de su binu at raighinas mannas. Est in custu cugione de Sardigna chi naschet una cantina istraordinària.

Fiat s’annu 2008 cando s’amistade de duos imprendidores, Màssimu Ruggero e Nathan Gottesdiene, est mudada in una faina chi at avalorau s’amori issoro pro sa bide, sa bìngia e su binu.

Siddùra est diventada realidade cando Màssimu e Nathan ant comporadu una propriedade abbandonada e l’ant fata divenire una cantina de primore, chi chircat totora sa calidade, sa perfetzione e s’armonia pro onni eticheta produida.

Cun sa punna de propònnere feti binos chi sunt espressione de sa Sardigna, sos meres de Siddùra traballant una  terra fata de unu misturu de granitu, arena e lugiana. Su cambiamentu bonu de sas temperaduras, su bentu e sa positura de sos cùcuros bardant e avalorant sas caraterìsticas tìpicas de sas àghinas. Continua a leggere ‘Siddùra: binos tìpicos de su logu chi basant a s’anima e a sos sensos’

Altea Illoto, binos biològicos de calidade

* Dae sa terra a sa butìllia * – 1 freàrgiu 2020 – Su nùmene suo est presente in sa lista de sos binos cussigiados dae sa “Guida vini di Quattrocalici”. Semus alleghende de sa cantina de Altea Illotto, chi in sas pàginas de custu manuale est presentada comente una de sas cantinas prus interessantes in su Cabu de Giosso de Sardigna. Custa realidade produtiva, difatis, s’agatat in sa bidda de Serdiana, intro de unu territòriu in ue sa coltivatzione de sa bide est una parte de importu de sa massaria. Est inoghe ca Mauritziu Altea e Adela Illotto coltivant un’àghina chi est presa a istrintu a su logu suo; e est semper inoghe ca agatamos sos binos Sibiola IGT, chi naschent in sas terras de sas comunas de Serdiana e Solèminis ebbia.

Nàschida in su 1993, custa cantina est su produtu de s’aficu de Mauritziu e Adela, ambos espertos de iscièntzia agronòmica. Dae sos istùdios e dae sa cumpetèntzia issoro est andada in antis s’idea de coltivare sa bide respetende s’ambiente. Pro custa resone, giai bintisete annos a oe sa coltivatzione de Altea e Illotto fiat de tipu biològicu e in onni fase de sa produtzione sos bingiateris de s’azienda no impitaiant e no impitant produtos chìmicos chi faghent reatziones intre issos. Continua a leggere ‘Altea Illoto, binos biològicos de calidade’

#Mandigos unu progetu po avolarai sa cosa de papai sarda

31 gennàrgiu 2020 – Cun sa punna de fai connosci, de fai tastai e de avalorai is prodotus de primori de s’ìsula de Sardigna, su 28 de su mesi de gennàrgiu passau est incumentzau su programma #Mandigos, unu caminu de educatzioni asuba de sa cosa de papai.
#Mandigos est finantziau de sa Ras e fatu de Laore Sardigna cun sa partetzipatzioni de s’Ufìtziu Iscolasticu Regionali, cun is Cunsòrtzius regionalis de amparu DOP e IGP e cun is Assòtzius de Categoria.

Su progetu s’isboddiat in cuatru atzionis: butega sensoriali, atastus po istudiantis de is iscolas mèdias e superioris, imbisitas in is fatorias didàticas cun is pipius de s’iscola elemetari, cuncursu de coxina po operadoris e gestoris de is servìtzius chi si dedicant a sa cosa de papai. Continua a leggere ‘#Mandigos unu progetu po avolarai sa cosa de papai sarda’

Birras de s’àteru mundu: 4Mori, sas bèvidas chi faeddant de Sardigna

* Dae sa terra a sa butìllia * – 30 ghennàrgiu 2020 – Un’atzienda ecu-sustenìbile chi abbàidat a su benidore cun unu progetu chi respetat e avalorat su territòriu. Semus faeddende de su birrifìtziu 4Mori, chi at sa sede sua in sas minieras de Monti Bèciu, in intro de su Parcu Geominerario de sa Sardigna. Pro sa pretzisione l’agatamos in s’istrutura de s’ex-tzentrale elètrica. Difatis, su de 4Mori est un’esèmpiu bellu de recunversione industriali de un’edifìtziu de su 1909.

Su birrifitziu naschet dae unu bisu simple, est a nàrrere produire birra màstrina de calidade. Gasi est diventada realidade s’idea de sos duos amigos Pàulu Lai e Antoni Zanda: sa de mudare sa curiosidade e s’amore issoro pro s’istòria de sa produtzione de birra màstrina in unu produtu chi faeddat de su territòriu de su Campidanu de Mesu.

Oe su birrifìtziu at puru àteros duos sòtzios: su mastru birràiu Mathias Müller e su mastru birràiu e maldatore Fabio Serra. Continua a leggere ‘Birras de s’àteru mundu: 4Mori, sas bèvidas chi faeddant de Sardigna’