> Politica « ilMinuto – notizie Mediterranee – edizione Sardegna

Archivio della categoria ''

Su centrumanca casteddaju donat sa solidariedadi sua a sa consigera Fois

Francesca Mulas Fiori, Giulia Andreozzi, Marco Benucci, Marzia Cilloccu, Andrea Dettori, Matteo Lecis Cocco-Ortu, Matteo Massa, Rita Polo e Camilla Soru donant sa solidariedadi insoru a Enrica Fois.

De innoi in antis su documentu de su centrumanca casteddaju

Sa limba no est petzi una parte funguda de s’identidade de unu pòpulu, est s’infrastrutura immateriale prus de balia e serbit a formare sa cussèntzia de apartenèntzia a una comunidade”. Cun custos e àteros arresonos sa consigera indipendentista Enrica Fois at propostu sa “Motzioni po sa promotzioni de su bilinguismu e s’impreu de su sardu in su comunu in sa Municipalidadi de Pirri“, aprovada dae sos grupos de su centrumanca e dae sos Riformatori martis dae su consìgiu de sa Municipalidade. Sa dibata dae s’àula peroe nch’est colada in sos social, ue sa proposta l’ant cuntrestada e disfamiada mescamente a pitzu de sa norma Limba sarda comuna. Normale, cussu de sa limba est unu tema chi apassionat cun una dibata atzuda. Continua a leggere ‘Su centrumanca casteddaju donat sa solidariedadi sua a sa consigera Fois’

Sa Corona de Logu faghet chimbe pregontas a su guvernu de sa Regione Autònoma de Sardigna

Publicaus su documentu integrali de sa Corona de Logu.

Sa Corona de Logu ponet chimbe pregontas de importu a su guvernu de sa Regione Autònoma de Sardigna. In antis de pigare positzione subra sa metanizatzione de s’ìsula, comente amministradores locales indipendentistas cherimus craresa subra s’argumentu.

Sos tzitadinos de sas comunidades nostras cada die nos pregontant su chi amus antitzipadu in antis e pretendent de ischire sas rispostas. Sas rispostas, però, mescamente subra unu tema comente custu, las podimus dare petzi a pustis de un’istùdiu fungudu e de una valutatzione realìstica, non ideològica e non afarìstica, de sos bisòngios de sa Sardigna e de sos abitantes suos. Bisòngios de su presente e de su cras: non nos nche podimus ismentigare chi custa infrastrutura at a orientare pro deghinas de annos sas polìticas e s’esistèntzia de fìgios, de nebodes e de chie no est ancora nàschidu.

Sas chimbe pregontas resument sos chimbe temas primàrgios chi pertocant sa metanizatzione de s’ìsula. Petzi una risposta crara e argumentada a totu sas pregontas nos at a permìtere, paris cun sas comunidades nostras, de pòdere seberare cun cabu. Continua a leggere ‘Sa Corona de Logu faghet chimbe pregontas a su guvernu de sa Regione Autònoma de Sardigna’

Impitu militari de su portu de Casteddu: sa protesta de A Foras

14 de fiàrgiu – Est stètia presentata mèrculis 11 de su mesi de fiàrgiu s’interrogazione chi pertocat a sa transida de materiali de gherra de produtzioni RWM in is carreras de su comunu de Casteddu.
S’iscopu
est de cumprèndiri calisiat s’atentzioni chi tocat a ponni in su casu de intzidentis, calisiant is pianus de emèrgentzias programaus, ma fintzas cumprèndiri su pentzu de sa giunta comunali asuba de sa faina de sa fabrica de Domunòas.

In custa circustàntzia A Foras, movimentu contra s’ocupatzioni de sa Sardigna, at lamau unu pichetu a foras de su comunu po denuntziai su discùidu de is istitutzionis a faci de argumentus comenti sa seguresa, s’ambienti, su tràbicu in is carrelas e su movimentu de armas. Continua a leggere ‘Impitu militari de su portu de Casteddu: sa protesta de A Foras’

Solidariedadi a is piciocus de su Colletivu Furia Rossa: sit-in a faci de su Tribunali de Aristanis

27 gennàrgiu 2020 – Su 27 de gennàrgiu, a mesudì, a faci de su Tribunali de Aristanis s’at a tenni su sit-in de solidariedadi cun su Colletivu Furia Rossa. A mesudì e mesu, difatis, ddoi at su processu a una pariga de traballadoris precàrius e istudiantis de su colletivu e chi in su 2015 iant iscritu un’artìculu de cundenna a chini su 22 de gennàrgiu de su matessi annu iat ghiau is operatzionis de su isbaratzu de sa domu de sa famìlia Spanu in Arborea. Continua a leggere ‘Solidariedadi a is piciocus de su Colletivu Furia Rossa: sit-in a faci de su Tribunali de Aristanis’

A foras is basis de sa Sardigna: sàbudu 25 de gennàrgiu manifestada in Casteddu

25 de gennàrgiu 2020 -  S’Assemblea Sarda Contra a sa Gherra  at aprontau po cras, sàbudu 25 de su mesi de gennàrgiu, una manifestada in Casteddu. Sa punna est de arremaciai sa solidariedadi sua a is populatzionis giagaradas, po arremaciai sa frimada subitana de is operatzionis militaris bòfias de is istadus de sa Nato, po arremaciai sa leada luegu de is trupas de is territòrius iscoraus de sa gherra e po sa reconversioni de s’ispesa militari in ispesa sotziali. Continua a leggere ‘A foras is basis de sa Sardigna: sàbudu 25 de gennàrgiu manifestada in Casteddu’