> S’úrtima nova « ilMinuto – notizie Mediterranee – edizione Sardegna

Archivio della categoria ''

Portovesme srl: is rispàrmius chi ferrint a is sardus e sa Sardigna

Ascurta custa nova


(S’úrtima nova) – Casteddu, 30 de su mesi de martzu – Unu rispàrmiu bellu, su de sa Portovesme srl, chi po dissipai is fumus de atzarxeria iat a ai depiu spendi pagu prus de 400 milla eurus a su metru cubu, e chi, spendendiddus a sa cuada in su muntronaxu de Sètimu, bogàt de buxaca scéti cincu eurus. A ddu cunfirmai ainnantis de is giugis de su tribunali, presidenti Massimu Poddighe, est stétiu Marianu Natale, chi in su 2007 comandàt su Noe de is carabineris. Su costu de su trasportu – at acrarau Natale – furiat de 250-300 eurus a càrrigu. Epuru furiat prus fàtzili portai is arrefudus in su muntronaxu e ddus fai ammasturai cun àterus materialis, fadendi a manera chi is fumus de atzarxeria de s’istabilimentu s’essant tramudaus in materiali po su fundu de is istradas. Intre is imputaus de is riatus acapiaus a su manixu ddoi funt: s’aministradori únicu de sa Tecnoscavi Massimu Pistoia, is traballadoris de sa sotziedadi Istèvoni Puggioni e Giuannipaolu Puggioni e Larbi El Oualladi. A giudítziu puru su cordinadori de s’area chímicu-analìtica de sa Tecnochem Danilu Baldini e su gestori de su Gap service Lambertu Barca. Continua a leggere ‘Portovesme srl: is rispàrmius chi ferrint a is sardus e sa Sardigna’

Violatzioni de is diritus tzivilis po su protzessu contra a Meloni. Su Comitadu pro sa limba sarda: “Àtera violatzioni de is diritus tzivilis e linguìsticus de is sardus”.

Ascurta custa nova


(S’úrtima nova) – Casteddu, 29 de su mesi de martzu – In is tribunalis de sa Sardigna no si podit chistionai su sardu. Est cantu est acontéssiu gióbia passau a Doddore Meloni in su tribunali de Aristanis, po su protzessu chi ddu bit acusau, impari a àterus indipendentistas de Paris, de riatus ambientalis i edilitzius in s’ísula de Malu Entu, proclamada república in su 2008 de Meloni etotu. Su “presidenti” de Malu Entu at pediu de podi arraspundi a is acusas in sa língua de bratzolu sua, su sardu, ma sa dimanda sua at biu sa contrariedadi frima de su prúbbicu ministeru Armandu Mammone. Po is cunclusionis e sa senténtzia su protzessu est stétiu atrassau a s’11 de su mesi de làmpadas. Asuba de cantu est acontéssiu fueddat atressu de una nota de imprenta Su Comitadu pro sa limba sarda: ”Su Comitadu pro sa limba sarda […] protestat cun fortza po s’intolleràbili ategiamentu de discriminatzioni linguìstica fata [...] de su prúbbicu ministeru Armandu Mammone in su protzessu a Doddore Meloni”. Continua a leggere ‘Violatzioni de is diritus tzivilis po su protzessu contra a Meloni. Su Comitadu pro sa limba sarda: “Àtera violatzioni de is diritus tzivilis e linguìsticus de is sardus”.’

Serras fotovoltaicas de Narabuja: fonti energética de agiudu económicu o interventu speculativu?

Ascurta custa nova


(S’úrtima nova) – Casteddu, 28 de su mesi de martzu – A pabas de un’istàntzia de is assótzius ecologistas Grupu de Interventu Giurídicu e Amigus de sa Terra, su Ministeru de s’Ambienti at pediu a s’assessorau regionali de sa Difesa de s’Ambienti de s’interessai de is serras fotovoltaicas de Narabuja. Su 1 de su mesi de martzu passau is duus assótzius ant difatis fatu dimanda de scedas de tipu ambientali pedendi puru de fai interventus adatus po su cumentzu de su “progetu po cumprimentu de òperas de melloria de is terras in amanniamentu agricolu” de parti de sa EnerVitaBio, po unu totali de 1611 serras fotovoltaicas asuba una subrafaci de 63 ètarus. Segundu cantu est prevìdiu de s’artículu 12 de su decretu legislativu 387 de su 2003 po su cumprimentu de su progetu serbit unu permissu únicu chi depit essi lassau de sa Regioni, ma “de is scedas disponìbilis – pretzisant is duus assótzius – su progetu parrit auturitzau scéti cun determinatzioni única n. 4 de su 12 de su mesi de gennàrgiu de su 2012 de su Responsàbili de su Serbítziu Area ténnica de su Comunu de Narabuja”. Continua a leggere ‘Serras fotovoltaicas de Narabuja: fonti energética de agiudu económicu o interventu speculativu?’

Ccsvi: sa Sardigna puru narat ca eja a sa Sperimentatzioni de su Métodu Zamboni

Ascurta custa nova


(S’úrtima nova) – Casteddu, 27 de su mesi de martzu – Ita est sa Ccsvi? Est sa sigla impitada po inditai s’Insufficiéntzia Venosa Crónica Cerbeddu-Spinali, una maladia iscoberta de su Professori Paulu Zamboni, diretori de su Tzentru Maladias de is Venas de Ferrara, cun s’agiudu de su datori Salvi, neurologu de s’ispidali Bellaria de Bologna. Sa Ccsvi est una patologia de is venas. Is tupamentus arteriosus ocasionat difatis un’iscurrimentu iscassu de su sàmbini de su cerbeddu e de su moeddu spinali abbia de su coru cun su corrispondenti incarreramentu de sa circulatzioni collaterali. Ndi derivat unu staniamentu crónicu de su sàmbini aintru de su sistema nervosu tzentrali, chi impedit sa supressioni giusta de iscórias e faneus, e favoressit puru un’irregulari muntoni de ferru chi si depositat aintru de su S.N.C. Continua a leggere ‘Ccsvi: sa Sardigna puru narat ca eja a sa Sperimentatzioni de su Métodu Zamboni’

“Torraus a oberri su presoni de s’Asinara” Is primus bulladuras a sa proposta de su Guvernu Monti

Ascurta custa nova


(S’úrtima nova) – Casteddu, 26 de su mesi de martzu – Su Guvernu est pighendi in cunsidériu sa possibilidadi de torrai a oberri, po is reatus prus grais, comenti cussus prevìdius de su 41 bis po apartenéntzia a organizatzionis mafiosas, su presoni de seguresa in s’ísula de s’Asinara. Ddu at nau unus cantu de diris fait su Ministru de sa Giustítzia Paula Severino, in d-un’ascurtamentu a petus a sa Cumissioni Antimafia. Una proposta chi – narat Maria Grassia Caligaris de s’assótziu Sotzialismu Diritus e Reformas – arriscat de fai de sa Sardigna un’”Ísula-presoni”. “No serbint – acrarat Caligaris – ísulas bunker puru poita funt cuntràrias a is fundamentus costitutzionalis e intraversant su torrai a s’insertai in sa sotziedadi a chini scontat una pena. Sa chistioni a custu puntu est sotziali e pertocat diversus ministerus de cussu a is políticas sotzialis fintzas a cussu de su traballu. Sa Sardigna est istraca de un’impitu de su territóriu chi favoressat su spopulamentu”. Continua a leggere ‘“Torraus a oberri su presoni de s’Asinara” Is primus bulladuras a sa proposta de su Guvernu Monti’

Biàgios

Social

Facebook     Twitter     Feed RSS  

In primo piano

 

novembre: 2019
L M M G V S D
« apr    
 123
45678910
11121314151617
18192021222324
252627282930  
Formas
S'Urtima nova