> Senza categoria « ilMinuto – notizie Mediterranee – edizione Sardegna

Archivio della categoria ''

Capichera, sos binos de una terra ùnica: sa Gaddura

* Dae sa terra a sa butìllia * – Belchìdda, 18 gennàrgiu 2020 – Su Vermentinu est unu sìmbulu de sa Sardigna de sos binos. S’ìsula, difatis, est sa pàtria de su Vermentinu e in sos annos ’70 sa famìlia Ragnedda dd’aiat giai cumpresu. Pro custa resone, aiat postu bìngias noas de Vermentinu e aiat fraigadu una cantina pro fàghere binos de calidade ebbia.

S’istòria de Capichera tenet sas raighinas suas in sos terrinos acanta de Alzachena, in ue s’agatant sas bìngias de sa cantina. Custas terras fiant de propiedade de sa famìlia giai in su de sèculu XIX, cando ddas impreaiant pro bi pàschere sas bèstias.

Oe sas bìngias de sa cantina Capichera ant una superfìtzie de chentu moes (40 ètaros) e bi nd’at in totu su territòriu gadduresu: est una regione in ue b’at bìngias meda, ca at caraterìsticas chi favoressent sa bide e mescamente su clima, su mare chi non s’agatat a largu meda e su terrinu chi est nàschidu dae s’isfaghimentu de sas rocas de granitu. Continua a leggere ‘Capichera, sos binos de una terra ùnica: sa Gaddura’

In Patiolla sa presentada de su romanzu nou de Mateu Martis

Patiolla, 17 gennàrgiu 2020 – Su Comunu de Patiolla impari cun Street Books presentat du romanzu nou de Mateu Martis.

S’adòbiu est po cras 18 de su mesi de gennàrgiu a is  17.30 Àula Magna de s’Istitutu  chi Incluit de Patiolla.
S’istrutura s’agatat in arburada Europa 5.
Continua a leggere ‘In Patiolla sa presentada de su romanzu nou de Mateu Martis’

Tenute Sa Conca: s’àrbore, su frore e su sole pro unu binu de una cantina galana

* Dae sa terra a sa butìllia * – Belchìdda, 16 gennàrgiu 2020 – Nàschida a pustis de sa gherra de su ’15-’18, cando in su 1919 Loe Contu aiat postu una bìngia in sa Conca, sa cantina gadduresa “Tenute Sa Conca” s’agatat a sud de su Limbara in su territòriu de Belchìdda. Su nùmene de custa realidade de bingiateris dipendet de sas rocas de granitu in-ue sa famìlia Contu aiat pastinadu sos fundos de sa bide.
Cun dòighi mois e mesu de terra (chimbe ètaros) arados intro de unu sartu bellu meda, inghiriadu de fundos de murta, modditzi e lidone, “Tenute Sa Conca” faghet binu Vermentinu de calidade.

Dae su 1919, in pagu tempus sa cantina gadduresa at cumentzadu a fàghere faeddare de sos binos suos, mescamente de su primu chi at produidu: su Vermentinu Loe. Continua a leggere ‘Tenute Sa Conca: s’àrbore, su frore e su sole pro unu binu de una cantina galana’

In su “Sistema Bibliotecario di Monte Claro” unu catàlogu de librus po personis chi tenint dificultadi a lìgiri

Casteddu, 15 gennàrgiu 2020 – Su “Sistema Bibliotecario di Monte Claro” ammadurat sa proposta culturali sua cun is librus chi si podint lìgiri chentza peruna pelea manna, est a nai de librus po ligidoris tzurpus e a sustennu de sa dislessia, librus imprentaus in carta chentza de reflessus e cun singialis iscritus a mannu e chi si podint lìgiri cun fatzilidade. Continua a leggere ‘In su “Sistema Bibliotecario di Monte Claro” unu catàlogu de librus po personis chi tenint dificultadi a lìgiri’

Dae sa terra a s’ampulla: nuscos e sabores de sos binos Mora&Memo

* Dae sa terra a sa butìllia * – Serdiana, 14 gennàrgiu 2020 – Sos de Mora&Memo sunt binos artesanales fìgios de una filosofia ladina meda: produire a manera naturale binos de calidade espressione de sos balores se da terra issoro, sa Sardigna. Balores de traditzione, de semplitzidade, de istòria, de elegàntzia e de rigore.
Mora&Memo est una de sas realidades de bingiateris sardos prus bellas de s’ìsula.

In tamen de a sos Bator Moros de sa bandera sarda, in s’eticheta de sos binos de s’azienda de Serdiana ddoe sunt Bator Moras. Unu resumu de su sìmbulu femininu chi cheret èssere suspu de sa famìlia sarda, dae ue, fintzas a s’època Nuràgica, sa femina fiat su coro de sa vida sotziale. Sas bator Moras rapresentant sos colores, sa firmesa e sa galania de sa costumàntzia de s’ìsula de Sardigna.

Sa de Mora&Memo est una bìngia meravigiosa de chentu moes (40 ètaros), chi tenet pagu prus de trinta annos. Arada a 240 metros de altària supra de unu frunchizolu, custa bìngia l’ant pastinada cun sas variedades printzipales de bide sarda, Cannonau, Vermentinu, Monica paris cun sarmentos internatzionales comente Cabernet Sauvignon e Sauvignon Blanc; totu àghina chi est bona a espressare su naturale de sa Sardigna. Continua a leggere ‘Dae sa terra a s’ampulla: nuscos e sabores de sos binos Mora&Memo’