Antigori: sas bevidas de Sardigna chi trasformant s’ispìritu de s’òmini

Unu paradisu de connòschere: una cantina ispetziale e una bìngia ùnica e galana, unu logu de una bellesa incantadora
5 Marzo 2020
cantinas antigori

* Dae sa terra a sa butìllia * – Sas Cantinas Antigori sunt nàschidas in su 2015 dae sa boluntade de Carlu Luisi Scanu. Sa punna est istada sa de torrare a fàghere bìvere una faina antiga chi at caraterizadu sa vida de sa famìlia sua. Est a nàrrere sa de trabballare sa bìngia e de fàghere su binu.

Sa bìngia, pastinada in su 2008, est su frutu de sa fantasia e de sa cumpetèntzia manna de s’enòlogu Jacu Tanchis. Gràtzias a issu sas Cantina Antigori de Seddori sunt unu mundu de binos sardos chi rapresentat bene su naturale e sa personalidade de s’ìsula.

Totus sas etichetas Antigori sunt bevidas sardas chi amentant su nuscu de mare. Difatis, su mare non s’agatat atesu meda dae su sartu inoghe est allevada da bide.

Mancari chi sa sede sua s’agatet in Seddori, sa bìngia de Antigori est coltivada in Cabuderra e est istada progetada acostagende a su Carignanu giuales de Muristellu e de Cabernet Sauvignon.

Sa bìngia, chi at su nùmene de Su Spantu, est inghiriada dae chercos, dae matas de lione, de carruba e de murta,  est bella e ùriga gràtzias a sos benefìtzios de su mare e gràtzias puru a s’amaparu de sos montes chi faghent de muru a su bentu estu. Custa realidade produtiva seddoresa proponet chimbe binos. Tres de custos, su Pedra Scritta, su Ambrosu e su Spadacino, sunt binos biològicas nieddos “IGT Isola dei Nuraghi“. Sos àteros duos, est a nàrrere su Cardile e su Sprone, sunt Vermentinu de Sardigna DOC. Bisòngiat de pretzisare ca, totus sas bevidas de Antigori sunt fìgias de sa mantessi bìngia, ma sunt fatas cun àghina binnennada in tempus diferente e chi creschent a diversas artàrias.

Sa bìngia Su Spantu est gestida a manera mastrina chena de discoidare sos insegnamentos importantes de s’enològia moderna, megiorande in custa manera sa calidade de sos Vermentinos e de sos binos nieddos, chi sunt su resurtu de unu blend fatu dae su 10% de Muristellu,  10% de Cabernet- Sauvignon e  80% de Carignanu.  Sa cumbinatzione de sas diversa ratzas de àghina est caraterizada dae sos nuscos naturales de sas matas de su padente chi inghìriat a sa bìngia.

 

 

 

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aggiungi un commento