Dae giaju a giaju: s'istòria de una famìlia intro de sas ampuddas de sos binos Mulleri

Sas etichetas Mulleri leant sos nùmenes issoro dae sos romanzos de Grazia Deledda
7 Argiolas 2020
Mulleri vigne

* Dae sa terra a sa butìllia* - S'agatat in Cuartùciu e est una cantina de famìlia chi at un'istòria chi faeddat de su tempus coladu, cando su giaju de sos meres suos, traballaiat sas bìngias, e gosi aiat fatu su giaju de su giaju puru. Un'istòria chi costoit su ligàmine cun su passadu ma chi mantenent raighinas in su presente. Un'istòria chi allegat mescamente de sa Sardigna e de sas terras suas tocadas dae su sole e carinnadas dae sos bentos.

Sa cantina Mulleri faeddat de totu custu, e contat puru àteras cosas meda: sos produtos nuscosos de sos terrinos, sa manera de coltivare sa terra cun amore, su rispetu pro sa natura.

Dae totu custos elementos sunt nàschidos sos binos produtos dae custa realidade vitivinìcola, bèvidas chi ant totus nùmenes chi regordant sos romanzos de Grazia Deledda e espressant una passione manna pro s'arte sarda. Difatis, sos binos Mulleri sunt totus imbellidos cun sas intessiduras de Sune, sa linna de Orane costoit sas ampuddas, mentres s'ortigu de Belchìdda amparat sos nuscos de onni produtu.

VINI mULLERI

Naschent gosi custos binos sardos primorosos. "Cenere" est s'ampudda chi leat su nùmene suo dae su romanzu chi at fatu bìnchere su prèmiu Nobel a s'iscritora Grazia Deledda. Est un'eticheta DOC, unu binu fatu dae àghina Carignanu chentu pro chentu, binnennada in sa de bator chidas de su mese de cabudanne.

Su binu "Diavolo Cervo" est unu "Carignano del Sulcis D.O.C. - Riserva" cun 15 grados de alcol, mentres su "Chiaroscuro" est unu "Isola dei Nuraghi IGT" otentu dae unu blend de àghina Carignanu e de Cabernet Sauvignon. Sa sèrie de sas propostas de binos nieddos presentat unu "Cannonau di Sardegna DOC" puru, su binu "Incendio".

Tra sos binos biancos sos de Mulleri proponent su "Soffio" e su "Deserto". Su primu de sos duos est unu "Vementino di Sardegna D.O.C." fatu dae àghina Vermentinu coltivada in su Sulcis, mentres su segundu est unu Muscadellu "Moscato di Cagliari D.O.C." chi at 15 grados de alcol.

Sas ampuddas produidas dae sa cantina de Cuartùciu sunt bèvidas licantzas; difatis, pro custa resone sunt giai famadas in su mercadu èsteru. Pro sa matessi resone sos binos Mulleri ant otentu reconnoschimentos e prèmios importantes. Su primu, datadu 2011, est su "Grappolo d'oro", un'atestatzione importante otenta dae su binu "Soffio" de s'annada de su 2009.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu