Arribat a sa de 28^ editziones su “Concorso Montiferru - Premio Nazionale per l’Olio Extravergine di Oliva”

Su Prèmiu natzionale pro s'ògiu ermanu s'at a isboligare tra Aristanis e Sèneghe
18 Fiàrgiu 2022
in sa mesa

In sa Mesa - Su binòmiu Montiferru e ògiu ermanu est semper unu binòmiu losanu. A lu ammentare est su "Concorso Montiferru - Premio Nazionale per l'Olio Extravergine di Oliva", chi ocannu lompet a sa de 28^ editziones.

Su cuncursu at su patrotzìniu de sa Regione Autònoma de Sardigna e de su "Ministero delle Politiche agricole".

Su Prèmiu natzionale pro s'ògiu ermanu s'at a isboligare tra Aristanis e Sèneghe. Su Prèmiu at a sighire unu calendàriu de màssima chi previdit una primu sessione in su mese de martzu 2022 e un'àtera sessione, sa "Shelf Life", in su mese de ladàmine, duncas in atòngiu.

in sa mesaSu "Concorso Montiferru - Premio Nazionale per l'Olio Extravergine di Oliva" at a premiare s'ògiu ermanu chi at otentu sa mègius valutatzione in sas setziones DOP/IGP "Biologico", "Monocultivar", "Pluricultivar" e "Unica internazionale". Ant a èssere premiados sos primos tre ògios classificados. Ma no est totu, pro ite su cuncursu prevìdit finas prèmios ispetziales. Tra custos agatamus: su prèmiu "Frantoiani", su prèmiu "Hermanu" e su prèmiu "Miglior Confezione".

Ma chie sunt sos destinatàrios de su "Concorso Montiferru - Premio Nazionale per l'Olio Extravergine di Oliva"? Su cuncursu est reservadu a s'ògiu ermanu fatu cun olia produida e traballada in Itàlia, ma s'agatat peri sa setzione internatzionale dedicada a s'ògiu produidu in logu istràngiu. S'ògiu at a dèpere àere unos cantos critèrios chìmicos-fisicos e organoleticos.

Totus sos chi cherent leare parte a su "Concorso Montiferru - Premio Nazionale per l'Olio Extravergine di Oliva" ant a dèpere cumpilare sa dimanda de partetzipatzione e s'ischeda de s'azienda e de sas produtziones; a pustis la depent imbiare a s'indiritzu e-mail: segreteria.premiomontiferru@caor.camcom.it. Sa dimanda si dèpet imbiare intro su 25 de su mese de freàrgiu de su 2022 paris cun unu documentu de identidade vàlidu.


Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa Mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg