Ogiastra finatziamentos pro innovare sas impresas agrualimentares e su territòriu

Su “GAL Ogliastra” publicat su bandu: unu millione e dughentomilla euros pro s'isvilupu de sas impresas agrualimentaris locales
30 Maju 2022
in sa mesa

In sa MesaIn Ogiastra arribant sos finatziamentos pro unu millione e dughentomilla euros: su dinari devet èssere impitadu pro innovare sas impresas agrualimentares de su territòriu, duncas pro agiudare a s'isvilupu de sas impresas agrualimentaris locales. Su “GAL Ogliastra” at publicadu su bandu pro sas aziendas extra-agrìculas chi cherent innovare sa filiera e chi cherent ismanniare su mercadu issoro.

Su nùmene de su bandu est “Sotto intervento del Piano di azione 2014-2020” e si podet agatare online in su giassu istitutzionale de su “GAL Ogliastra”. Bastat a andare a s'indiritzu www.galogliastra.it. Sa finalidade de custu bandu est sa de agiudare sas impresas de su territòriu ogiastrinu chi sunt istadas corpadas dae sa crisi economica fìgia de sa pandemia. Su finatziamentu est istadu pensadu pro sas impresas minores, realidades chi traballant in su cumpartu agrualimentare iscritas in su registru de sas impresas de sa “Camera di Commercio”. Duncas, tocat a sutalineare ca cae su bandu sunt esclùdidas sas impresas agrìculas.

Ant a èssere finantziadas sas aziendas chi faghent produtos extra-agriculos comente su pane, su pistocu, sos durches traditzionales, sos macarrones, sos licores e sa birra. Sas impresas ant a dèvere peri traballare in sas comunas de s'àrea de su “GAL Ogliastra”, est a nàrrere: in Àrthana, Baunei, Cardedu, Elini, Gàiru, Irbono, Jersu, Lanusè, Loceri, Osini, Foghesu, Talàna, Tertenia, Triei, Ulassa, Orthullè, Ussassa e Biddamànna Strisàili.

Sa dotatzione finantziària cuntzedida est de unu millione e dughentomilla euro", pretzisat su Presidente de su 'Gal Ogliastra' Vitale Pili. Una tzifra importante, chi at a èssere ùtile pro torrare a incarrerare su traballu a pustis de duos annos de pandemia. Una tzifra chi at a permìtere a sas aziendas ogiastrinas de s'innovare e de castiare cun aficu a mercados noos.

“A sos impredidores nostros lis tocat a sighire a traballare afortiende sas potentzialidades de sas filieras issoro”, at pretzisadu Pili.

Sas dimandas iscadint su 12 de su mese de làmpadas imbeniente.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg