«Parare fronte a sa crisi climàtica e ìdrica», apuntamentu nou Fridays for Future e Ultima generazione su 19 in Casteddu

Apuntamentu nou cun is de Fridays for Future Casteddu e de Ultima Generazione su 19 de custu mese. Dae sas bator e mesu de merie, in tretos de su Cussìgiu regionale in carrera de Roma, sos ativistas s’ant a addobiare pro unu corteu satìricu chi nch’at a lòmpere a pratza de Yenne, cara a s’istàtua de Carlo Felice (definidu «unu de is sìmbulos de su colonialismu italianu in Sardigna»). In cue ant a fàghere s’assemblea populare pro istèrrere sas rivendicatziones issoro e pro las indiritzare a sa Giunta regionale noa. «Cheret – narant – chi si movat cun urgèntzia pro parare fronte a sa crisi climàtica e ìdrica». Inoghe suta su comunicadu de FFF Casteddu.