Eletzionis comunalis in Casteddu. Idv: "No participaus a is primarias. Calencunu bollit pigai totu"

(IlMinuto) – Casteddu, 10 de su mes''e gennàrgiu - "Italia dei Valori" no at a participai a is primarias po su sceberu de su candidau a síndhigu de su centrusinistra a is eletzionis comunalis de Casteddu. Ddu narat cun d'una nota de imprenta sa segreteria regionali de su partidu de Antonio Di Pietro. "No seus contràrius a is primarias po princípiu, ma iaus pensau - acrarat sa segreteria regionali - a unu raportu diversu tra sa genti de s'alleàntzia, unu raportu chi bidiàt su sceberu de su candidau comunu fattu totus impari po tenni prus possibbilidadis de binci, senz''e chi ddoi fessat calencunu chi si bolliat pigai totu". Idv no at a participai a is primarias, ma no serrat s'enna in faci a un'alleàntzia cun su Pd e is àterus partidus de su centrusinistra. "Is decisionis po sa participatzioni eletorali de Idv - acrarat sa nota - funt obertas, cun s'únicu puntu fissu de no fai nesciuna alleàntzia cun sa destra, custu no dd'eus a fai mai".