Pastoria: aundi est su dinai de s'artículu 68?

(IlMinuto) – Casteddu, 21 de su mesi de paschixèdda - Ita fini at fatu su dinai de s'Unioni Europea po is pagamentus prevìdius de s'artículu 68 e chi ant a depi essi fatus in deretura a is pastoris? Est sa pregunta chi de unus cantu cidas si faint is centinas de allevadoris e massarzus de sa provìntzia de Tàtari chi a oi no ant arriciu nudda po sa campannia de su 2010. A denuntziai sa cosa cun d-una nota est sa Coldiretti Tàtari. "A oi - si ligit in sa nota - scéti calencuna azienda at pigau su Prémiu chi ddi spetàt". Po s'Agea - pretzisat Coldiretti - is tardamentus in su pagamentu chi iat a depi essi fatu de su dinai de s'artículu 68 funt acapiaus a sa gestioni pagu bella de sa Banca datus de su cumpartu, chi s'agat in Teramu.